Jeremias 6:28 - Kaxinawá Bíblia (BR)

²⁸ eã kemakĩ yuikĩ: “Senhor Deusuũ, ha dasibi yurabunã, tsuã nĩkaisbumaki, Yuananaĩ atimapai hiweabuki. Hatũ shinã kushihairabuki, mane bronze inũ due keskaburã.

Jeremias 6:28 Referencias Cruzadas

Salmos 14:1

Huni unaĩsma patapabũ Deuskiri shinãkĩ yuikĩ: “Deus hayamaki”, imisbuki. Haburã, parananaĩ atimapai hiweabuki. Tsua betsã hatũmebi hawa pepa wamis hayamaki!

Provérbios 10:18

Txanitxakamisbu hune mia danaĩ sinatabiai mia hawa yuiamaki. Hakia unaĩsmapabu tari hãtxabiaibũ hawenamabia dasibi ikaibukiri hatu yuibaũmisbuki.

Isaías 31:6

Israelĩ enabuũ, mã habũ Deus berabĩwãkĩ mã danã paepawabiairã, shinã betsatã Deus anu berikãwẽ.

Jeremias 6:30

Senhor Deusuũ, mĩ ma hatu putawẽ taeshũ minabu hatu metukĩ yuikĩ: ‘Prata detsisya danãmisbu keskabuki’, akĩ hatu kenakubaĩshãkanikiki.”

Jeremias 7:28

eska hatu wakinã: ‘Matũ mekenika Senhor Deusũ matu yunubia ha yurabu mã hiweabu matu pewapanã mã ea hawa nĩkakĩ txibaĩsbumaki. Matũ hãtxa txanima matũ kesha anu ana hayamahairakiaki’, akĩ ea hatu yuishũshãwẽ”, akĩ Senhor Deusũ ea yuimaki.

Ezequiel 2:7

Ẽ hãtxa danãhairai eki sinatamisbũ mĩ hãtxa mia nĩkakanimẽkaĩ, mia nĩkabumabiakẽ habiaskabiakẽ ẽ hãtxa hatu yuikubaĩshãwẽ.

Apocalipse 11:18

Ha dukũ mai hirabi anuabũ mia abuama mia danã paepawai miki sinatakubainimabuki. Hakia miari natiã hatuki sinatariai hanu hatu kupinũ ika mĩ ma tashniaki. Hanushũ mawabu bestẽwãtã hatu unãti wakĩ mĩ tsumabu mĩ hãtxa yuishunikabu inũ, minabu wakĩ meribi mĩ hatu wani habu dasibi shanẽ ibubu inũ shanẽ ibubumã mia txibãkĩ mia kẽwãkubaĩmisbu habũ pepawẽ mĩ hatu manakushanaii. Hakia habũ hawara mai anushũ pepa yamawakĩ mia txibãkubainama mia danãmisbu habũ txakabuwẽ hatu unãti watã manakuriakĩ habũ txakabuwẽ miãri mĩ hatu yamawai kaii”, akaibu ẽ nĩkaya

Apocalipse 19:2

Ha inũ, yura dasibibu unãshũ kaneama kupimiswẽ taeshũ mae ewapa aĩbu hininipa keskatũ yurabu dasibi txakabuwamakubainai ma kupikiki. Ha inũ, aĩbu hininipa keskatũ Deusũ tsumabu tenãkubaĩmiswẽ taeshũ Deusũ hawẽ mae ewapa haki sinata paepakĩ yamawaikiki”, itã