Jeremias 52:12 - Kaxinawá Bíblia (BR)

¹² Nabucodonosor Babilônia shanẽ ibuhairakũkaini ha shaba 10 inũ, ushe 5 inũ, ano 19 kaitiã Babilônia shanẽ ibu beshmas hatũ shanẽ ibuhaira mekenikabu yununika Nebuzaradã hawẽ detenamenikabu itxapabube Jerusalém anu ana bei hikitushitã

Jeremias 52:12 Referencias Cruzadas

Gênesis 37:36

Habiatiãri Midiã nawabu, habias Ismael nawaburã, José iyui Egito anu hikishĩshũ peiwẽ taeshũ habũri pei bikatsi José Potifar inãnibukiaki, hau hawẽ tsuma wakĩ escravo wanunã. Egito nawa shanẽ ibuhaira Faraónẽ hiwe ewapa hawẽrua anua detenamenikabu shuku betsa mekemis Potifar hatũ shanẽ ibu inikiaki.

2 Reis 25:8

Nabucodonosor Babilônia shanẽ ibuhairakũkaini ha shaba 7 inũ, ushe 5 inũ, 19 ano kainaitiã Babilônia shanẽ ibu beshmas hatũ shanẽ ibuhaira mekenikabu yununika hawẽ kena Nebuzaradã detenamenikabu itxapabube Jerusalém anu ana bei hikishũ

Neemias 2:3

ẽ shanẽ ibuhaira yuikĩ: —Shanẽ ibuũ, hiweyukũkaĩwẽ! Txanima na ẽ punu nuka mĩ ea uiainã, ha maewã anushũ ẽ shenipabu maiwapaunibu hatũ mishki hiwe inũ kenebaunibu ma hatuki di iki keyuni inũ hawẽ shui beputi tibi kuabiranibuwẽ taea ẽ ana hatu uĩsma haska shinaĩ ẽ punu nukahairaki— ẽ wa

Jeremias 1:3

Ha dikabi Jerusalém anu Josiasĩ huni bake Jeoaquim shanẽ ibukũkainaitiã inũ Josiasĩ huni bake betsa mashku Zedequiasri shanẽ ibuyama 11 ano kainaitiã Senhor Deus habe hãtxakũkainiki. Hanua habias 11 anotiã 5 ushe kaya Jerusalém Babilônia anuabũ atxitã hanu hiweabu Babilônia anu hatu iyuaibũ Senhor Deus Jeremiasbe hãtxakũkainiki.

Jeremias 39:11

Hawẽ mae anu kai txĩtũriama Jeremiaskiri pe shinãkĩ Babilônia shanẽ ibuhaira Nabucodonosorĩ hawẽ mekenikabu yununika Nebuzaradã yunukĩ yuikĩ:

Jeremias 39:9

hanushũ Babilônia shanẽ ibuhaira mekenikabu yununika hawẽ kena Nebuzaradãnẽ hawẽ detenamenikabu yunua ma itxapa hatu iyubiaimabũ hatiri hatu teshewabainimabu hawẽ henekĩ hatũri hatu iyukĩ habũ Jerusalém anushũ Caldéia nawabu hatũ yura hatu inaĩmaburi Jerusalém anu hiweaburi hirabi Babilônia anu hau hatu iyunũbũ hatu yunua hawẽ detenamenikabũ hatu iyuaibũ

Jeremias 52:14

hanushũ habiabũri Jerusalém mishki kenebaunibu berãkĩ di aki dayahairakũkaĩkĩ atimas di akĩ keyuaibũ

Jeremias 52:29

Hanua hawẽ shanẽ ibu ana ewakaini Nabucodonosor 18 ano kaitiã Jerusalém anua ana hatu iyukĩ 832 yurabu hatu iyumarianikiaki.

Daniel 1:1

Judá enabũ mai pakea anushũ hatu yunui Jeoaquim shanẽ ibuhairakũkaini ma 3 ano kaya Babilônia shanẽ ibuhaira Nabucodonosor hawẽ detenamenikabu itxapabube hikitã Jerusalém kebauni nati ikabu

Daniel 2:14

unanepabu tenanũ ika shanẽ ibuhaira mekenikabu yununika hawẽ kena Arioquẽ Daniel betxishũ atxia daewakĩ unãshubira hãtxa beshuniwẽ hãtxa wakĩ