Jeremias 37:18 - Kaxinawá Bíblia (BR)

¹⁸ Jeremiasĩ hatũri yukakĩ: —Ha bitxiti hiwe anu hawawẽ dabanã ea bitximabumẽ? Mikiri hawa txakabuhaira ẽ akimamẽ? Mĩ yununika beshmasbukiri hawa txakabuhaira ẽ ariaimamẽ? Tsua nukunabu ẽ txakabuwaimamẽ? Hawa matukiri txakabu ẽ hayamaki.

Jeremias 37:18 Referencias Cruzadas

Gênesis 31:36

hanua Jacó sinatakĩ Labão txitekĩ yuikĩ: —Hawai e iskirã ea txibãshĩshũ ẽ mabu dasibi itimaska wakĩ mebaũkĩ hawa mabu mina mĩ ma betxiamẽ? Minabu inũ enabũ bebũ mãtxĩwẽ. Haratutũ nũ pewaimẽkaĩ? Mĩ miamẽkaĩ? Ẽ eamẽkainã? Nukunabũ hau nuku yuinũbunã.

Provérbios 17:13

Tsuãra huni betsa merabewabiamis hãtsiri manakukĩ merabewaismarã, haskawẽ taea hawenabu nuitapai hiwekubaĩshãkanikiki, hawẽ shinã txakabuwẽ taearã.

Provérbios 17:26

Tsuãra hawa txakabuwamabiakẽ hatu kupimakĩ pakamarã, txakabuki. Ha inũ, huni pepabiakẽ hatu kusha kusha amaiburã, haska pemahairaki.

Jeremias 26:19

shanẽ ibuhaira Ezequias inũ Judá enabũ Miquéias tenanibumẽ? Haska wamahaira inibuki. Hakia Senhor Deuski datekĩ hau hatuwẽ nuinũ shanẽ ibuhaira Ezequiasĩ Senhor Deus ea akimawẽ taeshũ haska hatu yuima keska hatu anu txakabu Senhor Deusũ yunuama inikiaki. Nukuburi haskakatsi ikama ibubis txakabuhairakĩ Jeremias tenãyamanãkãwẽ, ibubis txakabukĩ Deus sinatamamarã.

Daniel 6:22

Hawẽ nai tsuma ẽ mekenika Deusũ yunua hau ea txakabuwayamanũbũ leão pubẽbu hatu nemakĩ hatũ kesha bepua ea hawa meama ishiãbuki. Kanekĩ mikiri ẽ hawa txakabuwama ishiã Deusũ unaĩkiki— aka

João 10:32

hatuki dateama Jesusũ ana hatu yuikĩ: —Epa Deus anua dami mirima pepa ẽ matu uĩmamiski. Haratu damiwẽ taeshũ mã ea tsakanũ ika ikanai?— hatu wa

Hechos 23:1

Sinédrio itxabu dasibi shabakabi beiskĩ Paulõ hatu yuikĩ: —Ẽ betsabuũ, matu yuinũ nĩkakãwẽ. Ẽ hawa Deuski txakabu nima natiã Deuski dateama unãnuma ẽ hiweaki, Deusũ ea unãyanã— hatu waya

Hechos 24:16

Haskawẽ taeshũ Deuski inũ hunibuki ẽ xinã txakaismaki, haskai hiwei pepanũ ishunã.

Hechos 25:11

Ẽ hawara txakabuwayamawẽ taeshũ hau ea tenãnũbũ ẽ hatu hawa nemama ikeanaii. Hakia mia paraĩbũ hau ea tenãnũbũ mĩ shanẽ ibũ hãtxa kanekĩ mĩ ea hatu yunutirumaki. Haskawẽ taeshũ maiwã kesua shanẽ ibuhaira Césarn hau ea unãti washanũ Roma anu ea yunushãwẽ— aka

Hechos 25:25

Hakia haska hakiri yuibiaibũ eã ẽ nĩkaxinarã, haskawẽ dabanã ẽ tenãtiruma xinãtã ẽ haskara wayupanã hamebi ea yukakĩ: “Hau matũ shanẽ ibu kaya Césarn Roma anushũ hau ea unãti washanũ ea hari yunuwe”, ea waxina hari yunukatsi ẽ xinãxina ẽ yunushanaii.

Hechos 25:8

hanushũ hãtseri Paulõ hawa txakabuwama ikimakiri unãmakĩ Festo yuikĩ: —Ẽ hawa txakabu hayamakiri ena mia yuinũ nĩkawe. Deusũ nukũ shenipabu yusĩni txibãkĩ ẽ kaneama inũ, Jerusalém anushũ Templo ẽ hawa txakabuwama inũ, Romano shanẽ ibuhaira Césarki ẽ hawa hakiri txakabu yuismariki— ikaya

Hechos 26:31

tari meribi benibaĩ hamauria Paulokiri habu hãtxanamekĩ yuikĩ: —Ha hunĩnã, hawa txakabuwaismawẽ taeshũ tenãtima inũ bitxiti merã bitxitimaki— ikaibũ

Gálatas 4:16

Hãtxa txanima ẽ matu shabakabi yuiaiwẽ taearã hawai ẽ ana matũ haibumamẽ, natiã mã eki sinatakũkainairã?