Jeremias 37:17 - Kaxinawá Bíblia (BR)

¹⁷ hanushũ hau bitxiti hiwe anua Jeremias kaĩmabaĩkĩ hawẽ hiwe ewapa hawẽrua anu hau iwenũbũ shanẽ ibuhaira Zedequiasĩ hatu yunua bitxiti hiwe anua iweabu Zedequiasĩ Jeremias hune yukakĩ: —Senhor Deusũ hãtxa kaka bena mĩ ana hayamẽ?— aka Jeremiasĩ kemakĩ yuikĩ: —Haa. Mĩ eskakiaki, ẽ mia yuiai nĩkawe. Mĩ pemaki. Babilônia shanẽ ibuhairatũ mia atxishanikiki— atã

Jeremias 37:17 Referencias Cruzadas

1 Reis 22:15

habe ka shanẽ ibuhaira bebũ ni tushiaya Acabẽ yukakĩ: —Micaíasiĩ, Ramote-Gileade anu nukũ mae betsa hatu mebinũ ika Síria nawabube hatube detenametãpa? Ẽ daki kayamati?— aka hawẽ hãtxa nĩkashuĩsmawẽ taeshũ Micaíasĩ yuikĩ: —Senhor Deusũ mia ibuwamashanaiwẽ taea detenamekĩ Síria nawabu putamakĩ hatu nitxĩritãwẽ— aka

1 Reis 22:16

hakia shanẽ ibuhaira Acabẽ kemakĩ yuikĩ: —Ẽ miki txanibia mĩ ea yui pewaismaki. Senhor Deusũ hãtxa hawara mia yuiai besti ea yuiwe, natiã Senhor Deusũ kena kushipawẽ txanima hãtxa besti ea yuikinã, ẽ nĩkakatsis ikairã— aka

2 Reis 25:7

hanushũ Zedequiasĩ berubi hawẽ huni bakebu hau hatu tesẽ keyunũbũ Nabucodonosorĩ hatu yunua hatu tesẽ keyutã Zedequiasri hawẽ beru tsekashũ mane dispi txiwetameyawẽ meneshtã Babilônia anu hau iyunũbũ Nabucodonosorĩ hatu yunua Babilônia anu Zedequias iyushunibukiaki.

Jeremias 37:3

haskabiakĩ: “Jeremias uĩ butãkãwẽ, hau nukukiri nukũ mekenika Senhor Deus nukukiri hãtxashununã”, iwanã, hau yuishũtanũbũ Selemiasĩ huni bake Jucal inũ Maaséiasĩ huni bake hawenabu Deusbe hãtxashunika Sofonias shanẽ ibuhaira Zedequiasĩ hatu yunua buabu

Jeremias 38:5

kemakĩ Zedequiasĩ hatu yuikĩ: —Peki. Haska mã akatsis ikai ha huni akãwẽ, matunakirã— hatu wa

Números 23:17

haska wa nĩkatã txĩtũkirani txi tapu dapi Moabe nawabu shanẽ ibu dasibibube Balaque niaki nukutushia Balaquẽ Balaão yukakĩ: —Hawa Senhor Deusũ mia yuishumẽ?— aka

Marcos 6:20

hakia Herodesĩ haska João huni pepa unãkĩ hawẽ aĩ nemakubaĩkĩ dasibi hawẽ yusĩa nĩkabiakubaĩkĩ hawẽ xinã pewariama ikũkainaya