Jeremias 26:2 - Kaxinawá Bíblia (BR)

² yuikĩ: “Templo anushũ ea kẽwaĩ Judá enabũ mai pakea hatũ mae tibi anua bemisbu hatu yuinũ ika ẽ Templo hemaĩtĩ anu ka nishũ ha hãtxa mia yuikĩ ẽ mia yunushina dasibi hatu yuitãwẽ, hawa hãtxa betsa heneamarã.

Jeremias 26:2 Referencias Cruzadas

Jeremias 1:17

Miarã, ibubis kushipawe, hawa dateamarã. Hatu anu kashũ ẽ hãtxa dasibi mia yuikĩ ẽ mia yunushu hatu yuikubaĩtãwẽ. Haska ẽ mia yunuai mĩ betsa waya hatu bebũshũ ẽ mia saki saki imatiruwẽ taea hatuwẽ dateyamashãwẽ.

Jeremias 1:7

ẽ haska wabia Senhor Deusũ ea yuikĩ: “ ‘Ẽ berunãki’, ikĩ yuiyamawe. Hanu ẽ mia yunuai anu mĩ kakũkaĩshanaii. Haska ẽ mia hãtxamai hãtxakĩ mĩ hatu yuikubaĩshanaii.

Jeremias 36:10

Templo hemaĩtĩ hikiti shui hawẽ kena “Beputi Bena” ukeria anu kenenika Safãnẽ huni bake Gemariasĩ dĩtu manaũri Baruque mapeketã hanu uĩti shui anu nishũ Jeremiasĩ hãtxa una sebiki kenamashina dasibi yurabu hanu itxai keyushũ nĩkaibu anu hui kushipawẽ Baruquẽ hatu yuishũkubaĩkĩ heneaya

Jeremias 7:2

“Ẽ kẽwãti hiwe hemaĩtĩ shui dapi nishũ na hãtxa hatu yusĩkĩ hatu nĩkamatãwẽ. Mã dasibi Judá enabuũ, mã Senhor Deus habũ kẽwanũ ika hikiaiburã,

Jeremias 7:27

“Jeremiasĩ, mia hawa nĩkabumabiakẽ na ẽ hãtxa hatu yuikubaĩshãwẽ. Mia hawa kemabumabiakẽ hui kushipawẽ hatu yuishãwẽ,

Ezequiel 3:10

ana ea yuikĩ: “Dasibi ẽ mia yuai pes nishũ nĩka pehaira wakĩ mĩ bushka merã netãwẽ, hakimatimairã.

Mateus 28:20

Hatu haska wakĩ haska ẽ matu yusĩmis hau habũri txibanũbũ dasibi hatu yusĩakeakeshãkãwẽ. Mã hatu haska waya earã, hanu na mai hirabi anu bari keyuriamatiã dasibi mã ea ikũwaĩbube dasitã bari tibi ẽ matu merabewapakeshanaii— nuku waniki. Hatiski, nukũ Shanẽ Ibukiri ẽ hãtxa ikũnã. Mateu

Lucas 19:47

hanushũ shaba tibi Templo hemaĩtĩ anushũ Jesusũ hatu yusĩkubainaya Deusbe nukunabu hãtxashunikabu shanẽ ibubu inũ, Deusũ hãtxa kenenibu yusĩnanãmisbu inũ, judeubu shanẽ ibu betsa betsapabũ Jesus haska datanai detenũ ika yuinamebiakubainaibũ

João 18:20

Jesusũ kemakĩ: —Nĩkaibũ ẽ hãtxakũkaĩmiski. Hanu itxati hiwe tibi inũ Templo hemaĩtĩ anushũ nukunabu itxamisbu anushũ shabakabi dasibibũ berubi ẽ hatu yusĩmiski, hune hatu yusĩamarã.

Hechos 20:20

Ea haska wabiabu dasibibũ besuuria inũ matũ hiwe betsa betsapa anushũ matu yusĩkĩ matu merabewanũ, iwanã, hawa meseki dakeama ẽ matu yusĩ heneama iniki.

Hechos 5:25

ha haskaibutiã haskarapanãbũ huni betsã hatu uĩbirã hikishũ hatu yuikĩ: —Ha hunibu mã hatu bitxixinarã, ũ unu Templo hemaĩtĩ anushũ ma hatu yusĩkanikiki— hatu wa

Hechos 5:42

hatu yusĩkĩ hawa heneama Templo hemaĩtĩ anushũ inũ hiwe betsa betsapa anushũ shaba betsa tukuma Messias Jesus Cristokiri kaka pepakiri hatu tapĩmakubainibukiaki.

Deuteronômio 12:32

hanushũ Moisĩ ana hatu yuikĩ: “Haska ẽ matu yusĩkĩ yunukubiranai akubaĩkĩ henetaskayamashãkãwẽ, hãtxa betsa tere akama inũ hãtxa betsa txitxikĩ betsa wamarã.

Deuteronômio 12:5

Hene kesha betsauri matunabu shukuabu tibitũ mai pakea ibuwaimabũ haratura mae Senhor Deusũ ha mae katua hanu haki nukuti tari hiwe hawẽ kena hanua kaiã anu kashũ kẽwãkĩ matũ mekenika benimawakĩ mã kẽwãkubaĩtirubuki.

Deuteronômio 4:2

Haska ẽ matu yusiainã, ana betsa wakĩ txitxikĩ ewa wama inũ hãtxa betsa tere akama haska matũ mekenika Senhor Deusũ yunua besti txibaĩ pehairashũkubaĩshãkãwẽ.

Josué 8:35

Moisĩ yunuti inũ hawẽ nemati hãtxa dasibi hawa heneama hunibu dasibi inũ aĩbu dasibi inũ bake mishtĩbu dasibi inũ nawa betsa betsapabu hatube hiweabu Josué hatu yuishunaya hawẽ hãtxa nĩkanibukiaki.

Apocalipse 22:19

Ha inũ, tsuabũra na hãtxa Deusũ ea yuishu ẽ una washukia ha unakia hãtxa betsa tere akaibuwẽ taeshũ Deusũ hawẽ benimai hiweti hi bimi haki tanabiayama hatu mebĩtã hawẽ mae pepa anu na unaki ea kenemashu keska wakĩ Deusũ hatu hikimama ishanikiki.