Jeremias 2:6 - Kaxinawá Bíblia (BR)

⁶ Matũ shenipabu Egito anua ẽ hatu tashnimabirãkĩ mai txakabu tashka ũpash hayama anu inũ, hamapai mese tibi haya hanu tsua hiweama inũ, hanu tsua kapukekaĩsma anu hatu iwekubirãkĩ nenu ẽ hatu hiwemabiani ẽ ana hatu merabewatiruma dabanẽ ikĩ ea ana benakĩ matũ shenipabũ ea shinãma inibuki.

Jeremias 2:6 Referencias Cruzadas

2 Reis 2:14

ha kushipa hayawẽ Eliasĩ yabukutiwẽ hene bekushtã hamebi yuka ikĩ yuikĩ: “Eliasĩ mekenika Senhor Deusrã, hanimẽ?” ikaya hene dami hamebi tuash iki niti ikẽ Eliseu ana pukebainaya

Jó 3:5

Ha shaba ẽ kaiaĩtiã meshuhairatũ shaba bepukĩ keyua nai kuĩ meshuhairatũ bepukĩ ushe hunei meshukẽ dasibibu datehairakeanibuki.

Salmos 23:4

Hawara bika tenei napãpa meshuhaira keska merã ẽ nibiakainaya mĩ ebe kaiwẽ taea hawa mesei ẽ dateismaki. Mĩ ẽ mekenã ebe kakĩ mĩ mestẽti inũ mĩ txashuwã hawẽ atxikĩ betãti tsumabaĩkĩ ea benimawakĩ mĩ ea shinã txakawãmiski.

Êxodo 20:2

“Earã, ẽ matũ mekenika Senhor Deuski. Habũ Egito anushũ matũ shenipabu tsuma wakĩ escravo wanishũ dayama txakayamakĩ bika hatu tenemaibu haria eã ẽ matu iweimaki.

Isaías 63:9

bika betsa betsapa mekĩ teneaiburã. Habu hau hatu hãtxashunũbũ Deusũ yunuismarã, haburã, hatu piskumamaki, ibubis Senhor Deusũ hatu wakinã. Senhor Deus nukuwẽ dabanã ikĩ nukuwẽ nuikinã, nuku mebikinãmiski, nuku mekeshũ nuku ikuai keska wakinã. Haska nuku ashũkubaĩmis keska wakĩ nuku ashũkĩ heneama ikũkainiki.

Isaías 64:7

Tsuã mia shinaĩ mibe hãtxai ana tsua hayabumaki. Hau mĩ hatu merabewanũ hawẽ bika tenekĩ mĩ kushipa benakĩ mia yukabumaki. Nukũ txakabuwẽ taea nuku henei nukuki petxitã ana nuku merabewai hãtxama mĩ huneaki.

Jeremias 2:2

“Jerusalém anu kashũ hari hiweabu ea hatu hãtxa washũtãwẽ, hau nĩka pe wanũbũ hui kushipawẽ hatu yuitãwẽ: ‘Eska Senhor Deusũ matu yuikiki. Matũ shenipabu aniburiama inũ yushaburiabumã ẽ hãtxa txibãkĩ ea danãma inibu ẽ hatu shinaiĩ. Ẽ hatu aĩwãkĩ akawa ea betxipainibuki. Hanu tsua hiweshũ mibãkĩ uruisbumanu ẽ hatu iwea kapukekubirãkĩ matũ shenipabũ ea txibãkubiranibuki.’

Jeremias 2:8

Matunabu ebe matu hãtxashunikabũ ea benabumaki. Moisĩ hãtxa una hayabia hawẽ ea unãbiakĩ yusinãbũ ea shinãbumaki. Matũ shanẽ ibubũ ẽ hãtxa betxipaiama ea danãkubainibuki. Ẽ hãtxa yuishunikabũ yushibu Baal hãtxashũkubainibuki. Yushibu dami tibi hawa merabewatirubumahaira hamẽ kẽwãkubainibuki”, ikĩ

Juízes 6:13

Gideãonẽ kemakĩ yuikĩ: —Shanẽ ibũ, eki sinatayamawe. Hakia earã, ẽ haskamaki. Senhor Deusũ nuku merabewaya haskakĩ nuku itxakawakanimẽkaĩ, Egito anua Senhor Deusũ nukũ shenipabu pashawabirani nuku yuimisbu inũ hawẽ kushipa unãmati dami betsa betsapa uĩkubiranishũ nuku yuikĩ hãtxa wamisburã, ikis hanimẽ? Senhor Deusũ nuku ma henebainimashũ Midiã nawabu nuku yunuima nuku itxakawakanikiki— aka