Jeremias 2:35 - Kaxinawá Bíblia (BR)

³⁵ Mã haskabiakũkaĩmis ibubis yuikĩ: ‘Ẽ hawa hatu txakabuwaismaki. Eki hawa Deus sinatama ishanikiki’, ikĩ mã hunebiakubaĩmis uĩshãkãwẽ. Eanã, shabakabi ẽ matu unãti washanaii, mã pemẽkaĩ, mã txakabumẽkainã, hawẽ taeshũ matu kupikatsirã.

Jeremias 2:35 Referencias Cruzadas

Isaías 58:3

Haskabiai matu yuinamei: ‘Haskai hamẽ nũ samakemismẽ, Deusũ nuku uiãmabiakenã? Haskai hamẽ ibubis nũ bika teneai, Deusũ nuku tanamabiakenã?’ iki mã haska hãtxamiski. Ha shabatiã samaketi ẽ meribi wabianikẽ hanu ea samakeshunama ha shabatiã mabu inananãkĩ matũ dayakapabu itxakawakĩ mã hatu yunutxakayamamiski.

Jeremias 2:23

matu iki: “ ‘Nukurã, nũ hawa meshu detsismaki. Yushibubu txani nũ kẽwaĩsmaki’, ikĩ mã yuibiairã, pashku napaku anushũ hune txakabu hawara mã akubainima shinãkãwẽ. Txakabu dasibi mã akubaĩmis uĩkĩ shinãkubaĩkãwẽ. Camela yushã depesekeuma hamebi nia ishtxuakeakemis keskakĩ txakabu mã txibãmiski.

Jeremias 2:29

Dasibibu mã eki ha imisbuki, eki sinatai ea danã paepawairã. Ea ẽ Senhor Deusũ ẽ txanima hãtxawẽ ẽ matu mestẽwaiĩ.

Jeremias 2:9

“Eskawẽ taeshũ ea Senhor Deusũ eska ẽ matu mestẽwaiĩ: Matu inũ matũ bababu ẽ matuki ha iki taeaii.

Romanos 7:9

Haska inũ, Deusũ yunuti inũ hawẽ nemati ẽ tapĩriama ẽ hiwei pea keska ẽ ikũkainiki, haska wakĩ Deusũ ea kupishanai unãriamarã. Hakia hawẽ yusĩa ẽ ma tapiãyã ẽ xinã txakabũ ea hiwematxakashũ yunumis hatũ tenãkĩ ea benui kai ẽ unãniki.