Jeremias 2:21 - Kaxinawá Bíblia (BR)

²¹ Uva nishi pepa katutã ẽ matu banakĩ akawaniki, hiwemakinã. Hakia pepa ibiani txakabui mã pikukũkainaiwẽ taea ẽ matu unãbiani ikis mã tsuabura ẽ ana matu unãmaki.

Jeremias 2:21 Referencias Cruzadas

Gênesis 18:19

Ẽ Abraão katuawẽ taeshũ txipu hatũri hawenaburi ẽ yunua txibãkĩ hatu yunua pepakĩ kaneama txibaĩbu haska ẽ hãtxashu eãri Abraãowẽ taeshũ ẽ hatu merabewakĩ ashũpakeshanaii”, itã

Gênesis 32:28

—Deus inũ hunibu binũkatsi ikũkaĩkĩ mĩ ma hatu maemaki. Haskawẽ taeshũ habũ mia ana Jacówẽ kenabuma ishãkanikiki. Hakia mia kenakĩ: “Israelki”, akĩ mia kenashãkanikiki— aka Israel nukũ hãtxarã, “Deusbe mĩ ma binunameaki” aka

Êxodo 15:17

Ẽ Shanẽ Ibu Senhor Deusuũ, hari nũ hiwenũ mati meribi pepa mĩ nuku katushuni anu nũ hiweshanũ nuku iyuwe, mĩ kushipawẽ mĩ ma nuku pewashuni anu hanu mĩ meribi hiwea anurã.

Isaías 1:21

Haskatã maewã nĩkanikabia haskai shinã txakai mĩ ma aĩbu hininipa keskamẽ? Uatiã dasibi minabu pe hiweshũ pe besti aki hiwekubainibuki. Hakia eskatianã, mã huni sinatapabu bestiki.

Isaías 41:8

“Jacó enabu Israelbuũ, ea nĩkakãwẽ. Ha betxipaikĩ ẽ katuni ẽ tsuma ẽ haibu Abraão mã hawẽ bababuki.

Isaías 5:4

Ha ẽ uva bai anurã, ana hawa husitibiakẽ ẽ haska wama ikimamẽ? Ẽ hawa hakimatã akama ikimamẽ? Uva batapa ikai ẽ manabiaya haskai uva haska ikama bũkash ishiãmẽ?

Isaías 60:21

Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Isaías 61:3

Sião anu bika tenei hiweaburã, ana txi mapu hatu mapu tukumama maiti hawẽrua inãkĩ hatu sawematãwẽ. Nui kashatxakayamisbu hatu nese watã benimati sheni ininipa hatu inãtãwẽ. Tsuabura hawawẽ haskatima merabewakĩ benimawakĩ kãtati shinã txãkãti hatu yusĩtãwẽ. Mĩ hatu haska wa yurabũ hatu kenakĩ: ‘Ha hi kushipa tekeisma Senhor Deusũ bananishũ hawẽ kushipa hatu unãmati hiki’, akĩ hatu kenashãkanikiki.

Mateus 21:33

ana hatu yuikĩ: —Miyui betsawẽ matu ana yusĩnũ nĩkakãwẽ. Shanẽ ibu betsã bai washũ uva bimi batapa banatã mixkiwẽ dakẽbaũkĩ keyutã hanua haki uva tsiniti watã hanushũ dasibi uĩbaũti hiwe pixta keyatapa watã hanushũ hau bimi dabukũ ea inãshanũbũ, iwanã, huni betsa dayakapabube habube yubakatã ibu keska wakĩ inãyubaini txai kaimakẽ

Marcos 12:1

habianushũri miyuiwẽ Jesusũ shanẽ ibubu hatu yusĩkĩ: —Huni betsã bai washũ uva bimi batapa banatã mixkiwẽ dakẽbaũkĩ keyutã hanua haki uva tsiniti watã hanushũ dasibi uĩbaũti hiwe pixta keyatapa watã hanushũ hau bimi dabukũ ea inãshanũbũ, iwanã, huni betsa dayakapabube habube yubakatã ibu keska wakĩ yunuyubaini txai kaimakẽ

Lucas 20:9

hanushũ yura itxapabũ Jesus nĩkanũ ika beabu miyuiwẽ Jesusũ ana hatu yusĩkĩ: —Huni betsã bai washũ uva bimi batapa banatã hau bimi dabukũ ea inãshanũbũ, iwanã, huni betsa dayakapabube habube yubakatã ibu keska wakĩ inãyubaini txai kaimakẽ

João 15:1

nũ benibaunaibu nuku ana yuikĩ: —Ana betsa matu yusĩnũ nĩkayukãwẽ. Earã, ẽ uva bana nia hawẽ tashu kayabiki. Ẽ Eparã, mibã ibuã mekekĩ meurumiski.

Deuteronômio 4:37

Matũ shenipabu betxipai hatuwẽ nuikũkiraniwẽ taeshũ matunaburi pakubainaibu katutã hawẽ kushipa mẽtsisipahairawẽ mebinanãkĩ Egito anua Senhor Deusũ matu tashnimabiraniki.

Josué 24:31

Josué shanẽ ibuaitiã Israelĩ enabu hatũ mekenika Senhor Deus txibãkubainibukiaki. Josué hiweatiã inũ ma mawabiaimakẽ duawakĩ hatũ Senhor Deus heneama inibukiaki. Hanua ha shanẽ ibu anibu unanepa betsabũri dasibi Senhor Deusũ hatu ashuni shinãkubaini hiweyuabũri Israelĩ enabũ Senhor Deus txibãpakenibukiaki.