Jeremias 1:3 - Kaxinawá Bíblia (BR)

³ Ha dikabi Jerusalém anu Josiasĩ huni bake Jeoaquim shanẽ ibukũkainaitiã inũ Josiasĩ huni bake betsa mashku Zedequiasri shanẽ ibuyama 11 ano kainaitiã Senhor Deus habe hãtxakũkainiki. Hanua habias 11 anotiã 5 ushe kaya Jerusalém Babilônia anuabũ atxitã hanu hiweabu Babilônia anu hatu iyuaibũ Senhor Deus Jeremiasbe hãtxakũkainiki.

Jeremias 1:3 Referencias Cruzadas

2 Reis 23:34

hanushũ Josiasĩ huni bake betsa Eliaquim katushũ hawẽ epã shãtukũ Judá enabũ shanẽ ibu watã hawẽ kena betsa wakĩ: “Jeoaquim” watã henebaĩkĩ Egito anu Joacaz iyuima txipu haria Joacaz mawanikiaki.

2 Reis 24:17

Hanushũ hawẽ hutxĩ betsã bake mashku Matanias Babilônia shanẽ ibuhaira Nabucodonosorĩ katushũ Judá enabũ mai pakea shanẽ ibuhaira watã hawẽ kena betsa wakĩ kenakĩ: “Zedequiaski”, atã hanua hawẽ mae anu kanikiaki.

Jeremias 1:4

Senhor Deusũ ea hãtxa wakĩ yuikĩ:

Jeremias 36:2

“Haki keneti una sebi biwe. Ha bitãshũ Israelĩ enabukiri inũ, Judá enabukiri inũ, nawa betsa betsapa shukuabu tibikiri ẽ hãtxa dasibi ẽ mia yuikubainima keneriwe, Josias shanẽ ibuhairaitiã mibe hãtxai taekĩ ẽ mia yui taewabiranima kenetiyashũ akubaĩkĩ natiã ẽ mia yuiriashina kene keyukinã.

Jeremias 39:2

Zedequias shanẽ ibuhairatũ hatu yunukubainaya shaba 9 inũ, ushe 4 inũ, ano 11 kaitiã hanu Caldéia nawa detenamenikabu atimas Jerusalém maewã anu hiki taebirã