Jeremias 1:10 - Kaxinawá Bíblia (BR)

¹⁰ “Mĩ kesha anu ẽ hãtxa mistukĩ ẽ mia inaiĩ. Natiã mia tsuã binutirumawakĩ ẽ mia kushipawaii. Shanẽ ibu kushipabu inũ dasibi nawabu hiwebaunabu mĩ hatu betsea keska washanai inũ betsabu mĩ hatu berãshanaii. Betsabu hatu nuitapawakĩ mĩ hatu yamawashanaii. Betsabu mĩ hatu denekĩ akawashanaii. Ha dikabi betsabu merabewakĩ mĩ hatu ana benishanaii, mibã ana banakĩ hatu akawakinã”, iwanã,

Jeremias 1:10 Referencias Cruzadas

1 Reis 17:1

Mai pakea Gileade anu hawẽ mae Tisbé anu hiwea Deusũ hãtxa yuishunika Elias Acabe shanẽ ibuhaira anu kashũ dateama yuikĩ: “Israelĩ enabu mekenika Senhor Deusũ ea nĩkaya ẽ mia yuiaii, ẽ ha dayashũmistũ kenawenã. Eska ikũkaĩshanikiki. Ea nĩkawe. Ano tibi ikũkainaya ẽ yunuriama ui ana ikama inũ basnũ ana butuama ishanikiki”, abaini kaya

1 Reis 19:17

Habu eskashãkanikiki. Israelĩ enabũ habũ ea danãkubainaibu Hazaelĩ detenamenikabũ hatu tenãkĩ taewaibũ hatu anua pashaibu Jeũ detenamenikabũ hatu deteriakĩ taewariaibũ hatu anua pashaibu Eliseũ hawẽ henekĩ hatu tenãriashanikiki.

Jeremias 1:5

“Mĩ ibubũ mia bikĩ naneriama bebũkiri ẽ mia katuniki. Minabu shukuabu tibi hiwebaunabu anu ẽ hãtxa ea yuishunika mĩ ikũkaĩshanũ mĩ kaĩriama eã mia meribi wakĩ ẽ mia pashkaniki”, ea wa

Jeremias 31:28

Eã hatu uĩhairakubaĩkĩ hatunabu ẽ betseni inũ, ẽ hatu berani inũ, hatu putakĩ itxakawakĩ ẽ hatu yamawaniki. Eã hatu haska wabianishũ ẽ hatu uĩkubaĩmiski. Natiã hatu uĩriakĩ ẽ hatu merabewashanaii, benikĩ ana hatu kushipawakĩ hatũ mae ana inãkĩ hatu bana bena wakĩ ẽ akawashanaii. Ea ẽ Senhor Deusũ ẽ mestẽwaiĩ.

Jeremias 36:2

“Haki keneti una sebi biwe. Ha bitãshũ Israelĩ enabukiri inũ, Judá enabukiri inũ, nawa betsa betsapa shukuabu tibikiri ẽ hãtxa dasibi ẽ mia yuikubainima keneriwe, Josias shanẽ ibuhairaitiã mibe hãtxai taekĩ ẽ mia yui taewabiranima kenetiyashũ akubaĩkĩ natiã ẽ mia yuiriashina kene keyukinã.

Ezequiel 36:36

Hanushũ ha nawabu matu dapi hiweabũ ea unãshãkanikiki. Ha mae berãkĩ txakabuwanibu ẽ ana matu bena wamai inũ matũ yunu bai betsekĩ txakabuwanibu ẽ ana matu banamai kai haska bebũkiri ẽ txanini ẽ Senhor Deusũ ẽ ma matu amai habũ uĩkĩ unãshãkanikiki.

Amós 3:7

Senhor Deusũ tsumabu hawẽ hãtxa yuishunikabu hawẽ shinã bebũkiri habu dukũ banabimariama Senhor Deusũ hawa aismaki, yura betsabu kupikinã.

Amós 9:11

Senhor Deusũ ana yuikĩ: “Davĩ enabũ mae nawabũ hatu babu watã di akĩ txakabuwanibu ana habianuri mishki di anibu benikĩ hatũ mae ẽ hatu kushipa washanai ma kemaikiki. Uatiã hiwenibu keska ana hiweshãkanikiki. Edom enabu hatiri tesheabu inũ yura shukuabu tibiki ẽ kena ẽ netani Israelĩ enabube hau ana dasinũbũ ẽ hatu kushipa washanaii”, itã hawẽ hãtxa Senhor Deusũ habias yuiai keska akĩ meneshanai yuinikiaki.