Jeremias 1:1 - Kaxinawá Bíblia (BR)

¹ Hilquiasĩ huni bake Jeremiasĩ yuini inũ akubaini matu yuinũ nĩkakãwẽ. Benjamimnẽ enabũ mai pakea anu mae betsa Anatote anu Jeremias hiweniki. Hawẽ epa inũ hawẽ shenipabu hunibu hawenabu Deusbe hãtxashunikabu ipaunibuki.

Jeremias 1:1 Referencias Cruzadas

Esdras 1:1

Pérsia nawa shanẽ ibuhaira Cirõ hatu shanẽ ibushuni taekaĩkĩ ano bestitxai yunukĩ taewabaĩkĩ haska Senhor Deusũ hãtxa yuishunika Jeremias Deusũ yuimani keska hau Cirõ ashanũ Deusũ hawẽ shinã unãmaiwẽ taeshũ shanẽ ibuhaira Cirõ hawẽ yunuti hãtxa hau dasibibũ nĩkanũbũ hãtxawẽ hatu yuitã keneri hatu buma akeakekĩ Cirõ hatu yuikĩ:

Isaías 1:1

Haska ikũkaĩshanai Amozĩ bake Isaías nama keskawẽ Deusũ hawẽ hãtxa shabakabi bebũkiri unãmanikiaki, hawenabu Judákiri inũ hatũ maewã Jerusalémkiri hatũ shanẽ ibuhairabu Uzias inũ, Jotão inũ, Acaz inũ, Ezequias Judá anu habu shanẽ ibuhairakubainaibutianã.

Isaías 2:1

Na haska ikũkaĩshanai Amozĩ bake Isaías nama keskawẽ Deusũ hawẽ hãtxa shabakabi bebũkiri Judákiri inũ hatũ maewã Jerusalémkiri shabakabi unãmanikiaki.

Jeremias 37:12

Benjamimnẽ enabũ mai pakea anushũ hawẽ betsabũ mai pashkaimabu hawenari ibu watã hanu paketã hiwenũ ika Jerusalém anua Jeremias tashninũ ika kaya

Ezequiel 1:3

ea ẽ Buzĩ huni bake Deusbe enabu ẽ hatu hãtxashunika Ezequiel anu Deusũ hawẽ hãtxa ea yuiniki, Caldéia nawabũ enabube hatũ mai pakea anu ea iwenibu Quebar hene kesha ẽ nikẽ hanushũ Senhor Deusũ hawẽ kushipawẽ ea meniki.

Amós 1:1

Judá enabũ mai pakea anu hiweabu Uzias shanẽ ibuhairakĩ hatu yunukubainaitiã inũ, Samaria anua shanẽ ibuhairakĩ Israelĩ enabu shukuabu anua 9 pashkanibu 2 ano mai patxa sakutxakayamariamakẽ Joásĩ huni bake Jeroboãonẽ hatu yunukubainaitiã mae pishta Tecoa anua txashuwã mekenika Amós dayakũkainai na hãtxa Israelĩ enabu 9 shukuabu anu Deusũ hawẽ hãtxa Amós yuimakubainikiaki.

Amós 7:10

Betel anushũ Amazias hawenabu Deusbe hãtxashunikatũ Samaria anu Israelĩ enabu shanẽ ibuhaira Jeroboão anu hãtxa bumakĩ yuikĩ: “Israelĩ enabu hiwebaunabu namakis anu Amós nikaũkĩ mikiri txanikĩ mia deteshanaibu yuikubaũkĩ hatu yuikĩ: ‘Nupe txaipa kenuhairawẽ matũ shanẽ ibuhaira Jeroboão detetã mã Israelĩ enabu dasibi txaihaira anu matu iyushãkanikiki, ana haska txĩtũbirãtirubumarã’, akĩ yuikubaunai has hãtxa yuiai nĩkakĩ ana tenetirubumakiaki”, ashũ hãtxa bunika yunua hawẽ hãtxa bushũ

Mateus 16:14

—Betsabũ yuikinã: “Naximanika João ana bestẽxinaki”, mia wakanikiaki. Betsabũri yuikĩ: “Elias ana butuimaki”, mia wariakanikiaki. Betsabũri yuikĩ: “Deusũ hãtxa yuishunika Jeremias kasmai hawẽ hãtxa yuishunika betsa daka”, akĩ mikiri yuimisbukiaki— nũ wa

Mateus 2:17

Bebũkiri hawẽ hãtxa yuishunika Jeremias Deusũ yuikĩ: “Jerusalém kema mae betsa Ramá anua Jacõ aĩ Raquelĩ baba aĩbuaibu hatũ bakebu hatu detẽ keyũxinabu manui saĩ ikaibu nĩkakĩ tsuã hatu nesewatirubuma iki kaikiki”, aka nĩkatã keneniki. Haska keneni nakuxkĩ soldadobũ hatũ bakebu detẽ keyunibukiaki.

Mateus 27:9

Haska Deusũ hãtxa yuishunika Jeremiasĩ bebũkiri hatu yuikĩ: “Habũ 30 pei heshe bishũ mai kẽti wanikã bai bikĩ haska Israelbũ hawẽ karu yubaxina hawẽ pakakĩ ibu washãkanikiki, akĩ Deusũ ea yuia ẽ matu yuishuki”, hatu washũ keneniki. Habiaskari kaneama menekĩ Judasĩ peiwẽ bai bikĩ ibu wanibukiaki.