Isaías 9:6 - Kaxinawá Bíblia (BR)

⁶ Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Isaías 9:6 Referencias Cruzadas

2 Samuel 7:13

Ha inũ, mĩ bakẽ hanushũ ea kẽwaĩ eki nukuti templo hatũ ea ashũshanikiki. Ẽ hatu putama shanẽ ibu henetiruma ipakeshanaikiri ẽ hatuki yubakaii.

2 Samuel 7:16

Ẽ hatu mekekubainaiwẽ taea minabu Israelĩ enabu shanẽ ibupakeshãkanikiki, niti ikamarã. Ha dikabi haska mĩ hatu yunumis keska heneama ikubaĩshãkanikiki’, iwanã, Davi ea yuishũtãwẽ”— abainaya

1 Reis 10:9

Mia betxipaikĩ merabewakĩ Israelĩ enabu mĩ hatu yunukubaĩshanũ mia katushũ shanẽ ibuhairawaniwẽ taeshũ mĩ mekenika Senhor Deus duawakĩ kẽwanãkãwẽ. Hawẽ nui paewẽ hawa kaneama mĩ hatu yunukubaĩshanũ Israelĩ enabu Senhor Deusũ hatu betxipaihairakubaĩmiswẽ taeshũ shanẽ ibuhairawakĩ mia katuniki”, atã

Provérbios 8:23

Mai dami wariama ea dukũhaira ea dami wakĩ taewaniki, hawa mai anu betsa tashniriamahairatianã.

Isaías 11:5

Tari saweaki hawẽ nanesheketi sawekĩ mestẽwã keska wakĩ yunuti kushipa pepa inũ hãtxa txanima sawekĩ akawashanikiki.

Isaías 32:1

Uatiã shanẽ ibuhaira bena shanẽ ibuirã, yunua pepawẽ yunushanikiki. Hawẽ shanẽ ibu beshmasbu shanẽ ibushũkinã, yunuti kushipa pepawẽri ishãkanikiki.

Isaías 53:10

Senhor Deusũ hawẽ tsuma bika betsa betsapa hawena wamashanikiki. Nukũ txakabuwẽ taeshũ hawẽ hiwea yaushiama inãshanaiwẽ taea hiwea txaipa bitã bababu mirima uĩ hatuki nukushanikiki. Senhor Deusũ haska betxipai yubakani hawẽ tsumawẽ taeshũ haska tibi meneshanikiki.

Isaías 53:2

Mai tsusĩhaira anu mibã tatxa uke merãhaira ka hawẽ pei benei pekaũmis keskai Senhor Deusũ hawẽ tsuma yumeai uĩkatsis ikikiki. Hawẽ yurarã, hawa hawẽruakĩ hatu hawẽ kemumakĩ betxipaimatiruma ishanikiki.

Isaías 53:5

Nũ atimapai txakabumiswẽ taeshũ ha huni nukuwẽ taeshũ txatxikĩ pixpe ashãkanikiki. Nukũ txakabuwẽ taea ha txakabumis keskakĩ nuku teneshũshanikiki. Ha itxakawabu nuitapabiakinã, unanuma hiweti nuku kaĩmashũshanikiki. Ha yumãwãkĩ deteabuwẽ taearã, nukũ yurarã, isĩ hayamai kayashanikiki.

Isaías 63:16

Miarã, mĩ nukũ epaki! Nukũ shenipabu Abraão ana nuku shinãma ma nuku hakimabiaya nũ Israelbubia haskatã nukunabube nũ ana hatuki dasi unãtinãtimaki. Nũ haskabiaya Senhor Deusuũ, miarã, habia mĩ nukũ epaki. Nuku mebikinaĩ taenishũ nuku heneama mĩ nuku akubainaii.

Isaías 7:14

Mĩ haska shinãbiaya Senhor Deus kayabitũ hawẽ unãmati hatũ matu uĩmashanikiki. Txipash tsuã txutariama anua huni bake nanetã kaĩshanikiki. Ibuã hawẽ kena kenakinã, Emanuel washanikiki.

Isaías 8:18

Senhor Deusũ hawẽ bake betsabu ea anu inãkĩ yunua habubetã Israelĩ enabu Senhor Deusũ haska betxipaiai hawẽ kushipa unãmakĩ shabakabi wati nũ ikũkainaii. Mati keyatapa Sião anu hiweshũ Senhor Deus dasibi kushipa binuatũ nuku yunua nũ akai nũ hawena nuku uĩshãkanikiki.

Daniel 2:44

Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.

Mateus 1:1

Abraãonẽ baba inũ Davĩ baba Jesus Cristõ shenipabukiri matu yuinũ nĩkairakãwẽ.

Mateus 11:27

Jesusũ hatu yuikĩ: —Ẽ Epã hawẽ kuxipa dasibi ea yununirã, tsuã ẽ hawẽ bake ea unãbumaki. Hakia ẽ Epã besti ea unã keyuikiki. Hakia tsuã ẽ Epa unãmariki. Ea hawẽ bakẽ besti ẽ Epa ẽ unã keyuriaii. Hakia habũ ea txibaĩbu ẽ Epa ẽ hatu unãmamiski.

Mateus 28:18

Jesus nukuki kematã nuku hãtxa wakĩ yuikĩ: —Hawẽ kuxipa ea inãkĩ hawara nai anua inũ hawara mai anua mekekĩ ẽ yunukubaĩshanũ Ẽ Epã ea Shanẽ Ibu waniki.

Lucas 1:35

hawẽ nuikĩ nai tsumã ana yuikĩ: —Kuxipa hatu binuatũ hawẽ kuxipawẽ hawẽ Yushĩ Pepa yunua mikia dami naneima kaĩmashũ hatũ Deus txibãyã: “Harã, meribi Deusũ bakeki”, ishũ kenakubaĩshãkanikiki.

Lucas 2:11

Matũ shenipabu shanẽ ibuhaira Davĩ mae Belém anu haska Deusũ yubani matũ merabenã Shanẽ Ibu ma kaĩyãki, Cristo Messiasrã.

Lucas 2:14

“Mai anushũ tsuabũra habũ Deus txibãkĩ duawamisbu Deus kuxipahairatũ hau hatu unãnuma hiwemanũwẽ. Haskakẽ dasibibũ Deus kuxipa nai anua hau kẽwãrianũbũwẽ”, hatu watã

João 1:14

Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.

João 1:16

Deusũ dasibi pepa nuku inãtiruwẽ taea nukuwẽ nuikĩ nuku tibi hawẽ aka kuxipa tibi betsa betsapa nuku inãkeakemiski, txakabu katumamarã.

João 14:27

Ẽ hãtxawẽ datei matũ huĩti nixmayamakãwẽ. Deusũ unãnuma hawẽ uke meranu unãnumati ẽ matu inaiĩ. Haska yurabu hatũ xinãwẽ hiwekĩ unãnumai hiwemisbu keska matu inãma hakia Deus anua daewanika kayabi unãnuma ẽ matuki baxiaii.

Hechos 10:36

Hamẽ dasibibũ Shanẽ Ibu Jesus Cristõnã, Israelbu anu dukũ hau habu yusĩnũ Deusũ yununiki. Hanushũ tsuabũra hawẽ hãtxawẽ unãnuma hiwetirubukiri Jesus hushũ hatu yusĩkubaĩyamaki.

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Romanos 8:32

Haska inũ, hawẽ bake hawa yauxitaskama yunua tashnitã mawakĩ nukubu nukũ txakabu nuku buashuniwẽ taeshũ nũ habu Jesus Cristoki dasiabu hawẽ taeshũ nuku duawakĩ hamapai tibi hawẽ bakewẽ nuku ashunishũ Deusũ nuku ashũkubainikiki.

Romanos 9:5

Habiari nukũ shenipabu Israelbu anua Messias Cristo yura kayabitã tashniniki. Nukũ mekenika Deusũ dasibibu mekei shanẽ ibuhairamisrã, kẽwãkĩ heneyamakubainãkãwẽ. Haskakirã.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

2 Coríntios 5:19

Na habias Deusũ xinãni ẽ matu ana yuiai ea nĩkakãwẽ. Cristowẽ yurabũ txakabu ana xinãtimawani Cristobe Deus dayakĩ yura dasibibu hatu haibuwakatsis ikĩ habũ Cristo unãtã ikũwaĩ hau unãnuma hiwekubaĩshanũbũ na txanima hãtxa nũ hatu yusĩkubainũ nuku yununiki.

Colosenses 2:3

Eskaki, matu yuinũ xinaĩrakãwẽ. Hawẽ unãnepati pepa inũ hawẽ tapĩti dasibirã, Cristo anu hayaki, haska Deusũ hakiri hunenirã.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

Hebreus 1:8

Hanushũ hawẽ bakekiri yuikĩ: “Deusuũ, mia shanẽ ibuirã, mĩ ea keska shanẽ ibui ikibi ipakeshanaii, shanẽ ibui hawa txakabu hayamarã.

Hebreus 13:20

Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.

1 João 5:20

Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.

Apocalipse 19:16

Ha inũ, hawẽ kena mestenepa Dasibi Shanẽ Ibubu Inũ Dasibi Yununikabu Binukĩ keyuaki, ika hawẽ tari txaipaki inũ hawẽ kixi kateki ha dabeki hawẽ kena neaki.

Juízes 13:18

nai tsuma kushipatũ kemakĩ: —Ẽ kena haskakĩ mã unãkatsis ikai? Ẽ kenarã, huneyua pepa hawẽruahairaki. Ẽ matu yuitirumaki— aka