Isaías 9:5 - Kaxinawá Bíblia (BR)

⁵ Soldadobu detenamei hatũ bitxi tae keyatapa sawea barush barush ibaĩmisbu inũ, hatũ tari himi has mapumisbu haburã, txiwẽ mĩ hatu yamawakĩ kuashanaii.

Isaías 9:5 Referencias Cruzadas

Gênesis 32:30

Jacó shinãkĩ: —Ha hunirã, Deusraka. Deusbe ẽ beisinãbiashu ẽ mawama ishuki. Haskawẽ taeshũ na nenua ẽ habe atxinameshinai: “Penielki”, akĩ ẽ kena bena waii, nukũ hãtxawẽ yuiarã, “Deusbe ẽ beisinashuki”— ikarã.

Salmos 46:9

Mai kesuakea anua hatube detenamekĩ hatũ pia tekekĩ hatũ hashi teke keyukĩ hanushũ hatũ detenameti cavalo tarãmabaĩti ana tsuabe detenametirubuma wakĩ hawẽ henekĩ txiwẽ hatu menũ keyuimaki.

Isaías 2:4

Hanushũ nawa shukua tibi Senhor Deusũ unãti wakubaĩshanikiki, ha yurabu itxapahairabu hawawẽra ha imisbu haratura pepa inũ haratubũra kaneaibu unãtã hatu pewakinã. Hatu haska wa hanua habu maei betsairã, hatũ nupe kenu txaipabu betsa wakĩ hawẽ mai tsispubirãti washãkanikiki. Ha inũ, hatũ txatxiti betsa wakĩ teshki matxatu washãkanikiki. Ha haskaibutianã, ha yurabu ana hatũ detenameti mabu betsawẽ ana tsuabe detenameama ishãkanikiki. Ha inũ, detenametikiri ana tsuã hatu yusiãma ishanikiki.

Isaías 9:4

Tsuãra hatu tsuma washũ hatu bika tenemaibu inũ, bika betsa betsapa habũ meaibu inũ, shanẽ ibubũ hatu itxakawamisburã, haburã, mĩ hatu nemakĩ putamashanaii, ha Midiã nawabu mĩ hatu yamawani keska wakinã.

Isaías 9:6

Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Jeremias 23:5

txanima Senhor Deusũ mestẽwãkĩ ana yuikĩ: “Ha shaba betsatiã shanẽ ibu hunũbarikiki, Davĩ baba betsa shanẽ ibuhaira ẽ washanaii, hawẽ mai pakea anua hawẽ yunuti kushipawẽ unanepakĩ hatu yunukĩ parananãma pepas wakubaĩshanikiki.

Joel 2:5

Mati matipa mamaki ha shini ishtxu ishtxu ibiranirã, hawẽ hui kaĩmabiranairã, detenamei cavalo hawẽ tarãbaĩti tarãmekainai hui keskabuki. Tarush tarush ibiranaibu keska nisa pei tsusĩ kua sakara sakara ibainai keskabuki. Detenamenikabu mirima unãhairaibu shukuabu tibi detenamekatsi ma pehaira watã beaibu keskabuki.

Miquéias 5:1

Hakia detenamenikabũ matu keshebaũshinabũ Israelĩ enabu shanẽ ibuhaira nuitapawakĩ kupihairashanaibuwẽ taeshũ mã Jerusalém anu hiweabuũ, hawẽ hatu nemashanũ, iwanã, dasibi matũ detenameti mabu pewakãwẽ.

Mateus 3:11

iwanã, “Eãnã, hawẽ unãmati wakĩ henewẽ besti ẽ matu naximakubainaii. Hakia huni betsarã, kuxipahaira ea binũa txipu hushanikiki. Hawẽ tsumapã hawẽ daya ashũmis keska wakĩ ẽ hawẽ hawaumahairatũ eã merabewakĩ ẽ duawatirumaki, hawẽ bitxi tae meshpũ tsitsaukaĩ ẽ pekashũtirumarã. Hakia matu pepawakĩ Deusũ Yushĩ Pepa matu inãtã bika matu tenemakĩ matũ txakabu yamawashanikiki, txiwẽ hawara txakabu abuama kua keska wakinã.

Hechos 2:19

Haska inũ, nai anua hawẽ e imai kuxipa wakĩ mai anuari dami betsa betsapari ẽ washanaii. Himi habamakinã, txi wakinã, basnũ bai kua hawẽ kuĩ keska wakĩ ẽ hatu uĩmashanaii.

Hechos 2:3

haskakĩ Jesus ikũwaĩbu tibi txi here keska shawakeakei hatu mamaki maratamea hi ibauni hatuki hikiakeakeaya

Juízes 13:18

nai tsuma kushipatũ kemakĩ: —Ẽ kena haskakĩ mã unãkatsis ikai? Ẽ kenarã, huneyua pepa hawẽruahairaki. Ẽ matu yuitirumaki— aka

1 Samuel 14:19

Deusbe hatu hãtxashunikabe Saul hãtxaya Filisteu nawabu hatũ tari hiwe pũtebaunabu anua datei haskatima bis bis iki berukua itimaskahairakubaunaibu uĩkĩ nĩkatã Saulũ Aías ana yuikĩ: —Haskamaki. Éfode ana beyamawe— atã