Isaías 8:19 - Kaxinawá Bíblia (BR)

¹⁹ Hakia huni betsabũ matu yuikĩ: “Mawabũ yushĩbe hãtxamisbu yukakãwẽ. Ha huni mukayabu hatũ yushĩbe hãtxai shei ikawẽ tsuã nĩkatirumawẽ hãtxamisbuki. Yurabu hatũ yushibube hãtxakinã, mawabũ unanepa hãtxa yukatimamẽ, hiweabunã,

Isaías 8:19 Referencias Cruzadas

2 Reis 1:3

habiatiãri Senhor Deusũ nai tsumã Tisbé anu hiwemis Elias yuikĩ: “Samaria anua hãtxa bunikabu shanẽ ibuhaira Acaziasĩ ma hatu yunua bekanikiki. Hatuki nukutãwẽ. Hatuki nukutã hatu yukatãwẽ: ‘Israelĩ enabu mekenika Deus hayamamẽ? ha mae Ecrom anu nawabũ yushibu Baal-Zebube anu mã yuka ishuĩ kairã?

2 Reis 23:24

Senhor Deus kẽwãti hiwe anushũ hawenabu Deusbe hãtxashunika shanẽ ibu Hilquiasĩ Senhor Deus hatube yubakai hãtxani unaki kenenibu betximawẽ taeshũ hanushũ hawẽ yunuti inũ, hawẽ nemati inũ, hawẽ pe hiweti yusĩti hãtxa uĩkĩ txibãkubaĩkĩ Josiasĩ ashũkĩ Jerusalém anuabu inũ Judá mai pakea anu hiweabu huni inũ aĩbu mukayabu inũ, yushibubu yukakĩ unãmisbu inũ, hatũ hiwe anushũ hamapai dami mishtĩ kẽwãmisbu tibi betxitã hatu mebĩtã hatu txakabuwãkĩ yamawakĩ keyukubaĩkĩ

Isaías 30:2

Bebũkiri ebe hãtxakĩ ea yukama hawa shinãma hawaira Egito anuabu merabe benai hari iruti keska shanẽ ibuhaira Faraó anu mã benamiski, Egito anu hari irui utati keska anu hanu irunũ ikarã.

Isaías 45:11

Israelĩ Senhor Deus meribi hatũ Israel hawena hatu wanitũ tsuara yuikĩ: “Haska ẽ bakebu ẽ hatu wamis mã ea unãti watirumẽ? Haska hamapai tibi ẽ amis ea merabewakĩ shinã betsa mã ea yusĩtirumẽ?

Miquéias 5:12

Mukayabu yamawakĩ keyutã hawara unanikabuma habu ẽ matu heneshanaii.

Hechos 16:16

Hanua shaba betsatiã hanu Deusbe hãtxamisbu anu ana Deusbe hãtxanũ ika nũ kaya txipax yushinĩ bebũkiri unãmamiskẽ ha txipax huni betsabũ tsumapã hatu unãshũkĩ hawẽ tsumabu pei mirima hatu bishũmiskẽ txaima haki nukutã nũ daĩbainaya

Deuteronômio 18:10

Habunã, yushibu txakabubu daewakatsi ikĩ hatũ bake mishtĩbu inãkĩ menu keyushũmisbu inũ, yushibu hatu yukashunikabu inũ, huni mukaya mesebu inũ, nai anu bishi dua unanikabu inũ, yushĩbe hãtxanikabu inũ, yushĩwẽ shũ itiabu inũ, yurabu mawabube hãtxanikabu matu dapi hiwebaũshãkanikiki. Haska tibi hatuna tapĩkĩ mawayamashãkãwẽ.

1 Tesalonicenses 1:9

Ha inũ, mã haskaimabukiri ha mae anushũ nukukiri txanikĩ txanima haska mã nuku duawaima txanimisbuki. Ha inũ, damiwakĩ yushĩ itsa wabu mã kẽwãbiapauni ha henetã Deus hiwea kayabi ikũwãkĩ mã duawakĩ taewaimaki.

2 Pedro 2:1

Israelbu ẽ shenipabu anu Deusũ hãtxa yuishunika matxupa naxui ika hayanibuki. Habiaskariai matu anuri yusĩnã matxupa matu naxui iria hayabuki. Habu hatũ hãtxa hawẽruabia hatũ xinã txakabuwẽ matu daũkĩ akawakanikiki, nukũ Shanẽ Ibũ ma nuku meketi pewabianikẽ hawẽ kuxipa danaĩ parananaĩburã. Haska matu yusĩkĩ husiaibu Deusũ hawaira hatu kupishanikiki.

1 Samuel 28:11

aĩbũ kemakĩ: —Tsua ea tashnimashũwẽ, iwanã, mĩ ea aki ikai?— aka Saulũ yuikĩ: —Samuelĩ yushĩ ea kenashũwẽ— aka

1 Samuel 28:16

kemakĩ Samuelĩ yuikĩ: —Ma miki sinatakĩ Senhor Deusũ mia ma henebiaimakẽ mĩ haskakĩ hamẽ ea yukai?

1 Samuel 28:7

haska wa haskatima Saulũ hawẽ shanẽ ibu beshmasbu yunukĩ yuikĩ: —Hari kashũ ẽ yukai kanũ haniara aĩbu mawabũ yushĩbe hãtxamismẽkaĩ, ea benashũbaũtãkãwẽ— hatu wa hawẽ shanẽ ibu beshmasbũ Saul kemakĩ yuikĩ: —En-Dor anu mawabube hãtxamis aĩbu hiweaki— akabu

1 Samuel 28:8

shanẽ ibukĩ tari hawẽrua sawemis pekatã tari betsa Saulũ sawetã ana shanẽ ibu keskama huni dabebe meshu merã ha aĩbu anu kashũ hikitã yuikĩ: —Huni betsa hawẽ kena ẽ mia yuia ma mawa hawẽ yushĩ hau hunũ mĩ muka kushipawẽ ea kenashũwẽ, mia pakakatsi ẽ mia yukairã— aka