Isaías 8:18 - Kaxinawá Bíblia (BR)

¹⁸ Senhor Deusũ hawẽ bake betsabu ea anu inãkĩ yunua habubetã Israelĩ enabu Senhor Deusũ haska betxipaiai hawẽ kushipa unãmakĩ shabakabi wati nũ ikũkainaii. Mati keyatapa Sião anu hiweshũ Senhor Deus dasibi kushipa binuatũ nuku yunua nũ akai nũ hawena nuku uĩshãkanikiki.

Isaías 8:18 Referencias Cruzadas

Gênesis 33:5

Haskai menetã Esaú bewenikitã hatu uĩbaũkĩ aĩbu hawẽ bakebuya betxikĩ Jacó yukakĩ: —Na mibe beaiburã, mĩ tsuabumẽ?— aka —Enabuki. Deusũ ea hatu inãkubaĩshinaki, mĩ tsuma ẽ earã— akaya

Salmos 22:30

Enabu pakubaĩkĩ Senhor Deuski mesekĩ kẽwãshãkanikiki. Hakiri hãtxakĩ yuibaũshãkanikiki, pakubaĩkĩ hakiri yui heneamarã.

Isaías 53:10

Senhor Deusũ hawẽ tsuma bika betsa betsapa hawena wamashanikiki. Nukũ txakabuwẽ taeshũ hawẽ hiwea yaushiama inãshanaiwẽ taea hiwea txaipa bitã bababu mirima uĩ hatuki nukushanikiki. Senhor Deusũ haska betxipai yubakani hawẽ tsumawẽ taeshũ haska tibi meneshanikiki.

Isaías 7:16

Hawa txakabu inũ hawa pepa unãriama haskaitiã ha mai pakea anushũ shanẽ ibuhaira dabetũ mia dateaiburã, hatũ mai pakea henebainabu ana tsua hayama ishanikiki.

Isaías 7:3

hanushũ Senhor Deusũ Isaías yuikĩ: “Ha tari hanushũ patsamisbũ basi bai anu ha baiwẽ katãwẽ. Kai pashku debu anu shãtu wanibu anu ha deshũ anu mĩ huni bake Sear-Jasubebe hikikaĩ shanẽ ibu Acaz hari uĩ ka haki nukutã

Isaías 8:3

txipu ẽ aĩ Deusũ hãtxa yuishunikabe ẽ habe txutanameima ha tuyatã huni bake kainiki. Hanushũ Senhor Deusũ ea yuikĩ: “Mĩ bake kenakinã, ‘Maer-Salal-Hás-Baz’, washãwẽ, nukũ hãtxawẽ yuiarã, ‘Hawairakirã atxishũ yamawaki’, akinã.

Lucas 2:18

haska Deusũ nai tsumã hatu yuishu nĩkabirã uĩwani ikũ habiaska uĩkãshu txashuwã mekenikabu txĩtũbaĩkĩ Deus kẽwãkubainaibũ dasibibũ haska habũ yuikubainaibu yura betsabũ nĩkai e itã xinaĩ: “Hawa yui ikanimẽkaĩ?” ikaibũ hanua Mariã haska wanaibu hawẽ huĩti merãs xinã heneama inikiaki.

Lucas 2:34

hanushũ Simeãonẽ hatu yuikĩ: —Deusũ hau matu duawakubaĩshanũwẽ— iwanã, Maria besti yuikĩ: —Na bakerã, hawẽ yura Israelbu unãti wakatsi Deusũ katuniki. Hawẽ yusĩa nĩkatã hatiritũ xinã betsa watã txibaĩbũ inũ hatiritũ xinã betsa wama danãkubaĩshãkanikiki. Mĩ bake danãkĩ nupe kenuhairawẽ mĩ huĩti txatxia keska wakĩ mia yumãwãkĩ mia nuitapawashãkanikiki— anikiaki.

Hebreus 10:33

Hanushũ hatiri matubi itxakĩ mirimabũ uĩaĩbũ bika betsa betsapawẽ matu memaibũ hanua betsabu ha nuitapaibube hatuki dasishũ hẽ iyamai dateama mã hatu merabewakubainibuki.

Hebreus 12:22

Maturã, nukũ shenipabu na mai anua Deuski nukua datenibu keskama txanima kayabi Mati Sião inũ Deus hiweatũ maewã Jerusalém pepa txasha txasha ikai nai anu hanu hawẽ nai tsumabu hanu haki dasia tsuã hati tanatiruma habũ Deus kẽwaĩbu haskabu anu mã ma ikũwaĩ haki kemaki.