Isaías 64:5 - Kaxinawá Bíblia (BR)

⁵ Tsuara benimakĩ haska mĩ betxipaiai keska akaibu mĩ hawa hatu danãma nĩkatã merabewamiski. Mĩ haska betxipaiai keska hakimama mia ashunũbũ mĩ haska hatukiri shinãkubaĩmiski. Ha dukũ nũ mia txakabuwakĩ taewani bari itxapatiã ha txakabuwẽ taea ha shinaĩ mĩ nukuki sinatakũkainaii.

Isaías 64:5 Referencias Cruzadas

Salmos 37:4

Senhor Deus mĩ betxipaiairã, nuikipakĩ ha besti shinãkubaĩwẽ. Mĩ haska waiwẽ taeshũ haska uke merã pe shinãkĩ mĩ bikatsis ikai unãkĩ hawa yaushiama Senhor Deusũ mia inãshanikiki.

Isaías 1:30

Maturã, ha hi ewapa pei shanakaini hushĩmis keska mã ishanaii. Ha inũ, ha hua bana tsuã ũpash tatxa aisma keska mã ishanaii.

Isaías 63:10

Hatu haska wabia Israelbũ Senhor Deusũ Yushĩ sinatamakĩ dananibuki, nukũ mekenika meribi itxakinã. Haskawẽ taea ha danaĩbuki sinatakĩ hau hatu detenũbũ nawabuwẽ hatube detenamekũkainiki.

Isaías 63:7

hanushũ Isaíasĩ yuikĩ: “Ea hãtxairã, Deus nuikipakiri ẽ hãtxakatsis ikaii. Dasibi hatũ nuku ashũmis inũ, Israelĩ enabu hawẽ duapa keyutimawẽ nuku duawamis inũ, nukuwẽ nuikĩ nuku betxipaimiswẽ taea ha kẽwaĩ ẽ kãtakatsis ikaii.

Malaquias 3:6

“Ea ẽ Senhor Deus maei ẽ hawa betsaismaki. Mã Jacó enabuwẽ taeshũ ẽ matu yamawakatsi ismaki.

Hechos 10:35

Na mai anu hiwebaunabu tsuabũra Deus nĩkai haki mesekĩ txibã pewaibu Deusũ hawa hatu danaĩsma ea yusĩxina na habiatiã ẽ ma tapĩaiĩ.

Hebreus 4:16

Haskakẽ hawara mei nũ bika teneaitiã hau nuku merabewanũ Deusũ kuxipa xinãkĩ haki dateama ikũwaĩ haki txanikĩ ea akubainãkãwẽ, hau nukũ Epa Deus nuikipatũ nukuwẽ dabanã ikĩ hawẽ duapawẽ nũ nuitapai hau nuku merabewanunã.