Biblia Todo Logo
La Biblia Online
- Anuncios -




Isaías 64:4 - Kaxinawá Bíblia (BR)

4 Nũ miki txiti ikaibu mĩ nuku merabewamis keska tsua mia keska yushĩ betsa binua hayama nũ nĩkaisma inũ nũ uĩsmaki. Mia besti mĩ Deus kayabi kushipatũ dasibibu binuaki.

Ver Capítulo Copiar




Isaías 64:4
36 Referencias Cruzadas  

hawẽ mekenika Deus datã akĩ: “Senhor Deusuũ, mĩ ea mekekubaĩshanai ẽ mia manahairaii”, itã


Mã haskabiashanaya Senhor Deusũ matu manaikiki, hawẽ nui pae matu uĩmakatsirã. Haska matuwẽ nuitxakayamai matu uĩmakatsi ikikiki, ha Deus yunuti kushipa kanetiruma hayawẽ taearã. Senhor Deus dasibi tsuabũra mã manakaibuwẽ taea hawẽ benimakanikiki.


Hakia tsuabura Senhor Deuski txiti ikaburã, ana kushipa bena hayakubaĩkanikiki. Kushikaini hawa punu nukatiruma inũ bai tanabaini hawa babutirubumaki, ixmĩ hawa peshukuama nuyakaunai keskairã.


Hanua ẽ shanẽ ibuhairatũ enabu ẽ yusiuri ẽ hatu nitxiã mapuabu hatu yuikĩ: “Ẽ Epã mai damiwakĩ taewakĩ matu habe hiwemakatsi matu katunishũ natiã matu ma kenaikiki. Habe hiweri bekãwẽ, matu duawai benimaikikirã.


habiatiãri huni betsa pepahaira Deus kẽwãkĩ kaneisma hawẽ kena Simeão Jerusalém anu hiweshũ Deusũ Israelbu dasibi ana merabewakĩ hatu pekakĩ akawashanai yubani Simeão manakakubaĩxina hawẽ Yushĩ Pepa haya hatũ merabewakĩ unãmaya


Hanu maturi ka ẽ hiweai anu mã iriatiruwẽ taea kashũ bebũkiri ẽ matu pewashuĩ kashanaii. Ana hushũ ẽ matu iyushanaii, hanu nũ hiwenũbunã— itã


Mai hirabiki dasibi habu Deusũ damiwani: “Haratu hawẽ bakebu kayabimẽkaĩ?” ishũ shabakabi uĩkatsis ikĩ hĩ hĩ itxakayamakĩ manakanikiki.


Haskakẽ mã Deus ikũwaĩbũ hamapai hawẽ aka tibi Deusũ matu inãkubainai hayatã mã ashũkubaĩmiswẽ taea nukũ Shanẽ Ibu Jesus Cristo naiuria ana butuai mã uĩshanai mã manakubainaii.


Haska bestikiri mã xinãma hakia Deusũ bake Jesus mawa ana bestẽwani nai anua txĩtũkirã ana hushũ nuku mekeaya hakia yurabu txakabumisbu Deusũ hatu kupikĩ hau nuku meama ishanũ, iwanã, unãkĩ uĩshanũ ika mã manakanaii.


Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.


Haskama ha mae pepahaira hawẽrua nũ haska uĩriama txakabuma nai anu Deusũ hatu yubayama xinaĩ habianus hiweyunibukiaki. Haskakẽ habu katuni Deusũ ma hatũ maewã pewashuniwẽ taea Deus hatuki dakeama hatu xinaĩ: “Ẽ hatũ merabenã Yushĩki”, imiski.


Ẽ betsabu inũ ẽ puibuũ, nukũ Shanẽ Ibu ana hushanaya hĩ hĩ ikama tenetã manakakubaĩkãwẽ. Haska keskariakĩ bai wanikatũ hawẽ yunu banaima tsekashanũ, iwanã, ui ikai manamiski, hĩ hĩ ikamarã.


Nuku abuai haska uĩmakinã, nukũ dukũ nũ Deus abuama iniki. Hakia nukuwẽ nuikĩ nuku abukinã, hawẽ bake yununiki, hau ha mawakĩ daewaiwẽ nukũ txakabu buatã ana xinãyamakubaĩshanunã.


Síguenos en:

Anuncios


Anuncios


¡Síguenos en WhatsApp! Síguenos