Isaías 63:5 - Kaxinawá Bíblia (BR)

⁵ Ẽ hatu uĩbauna hanu tsuã ea merabewatirumakẽ ea e itã ana: “Tsuaĩra ea merabewawa”, ibiatã ẽ mekẽnẽ ẽ hatu dete keyushinaki. Ẽ sinatahairaiwẽ taea ẽ kushipawẽ ẽ hatu maemashinaki.

Isaías 63:5 Referencias Cruzadas

Salmos 22:11

Natiã hawãra ea bika tenemaitũ detekĩ ea keshekẽ tsua betsã ea merabewatiru ẽ hayamaki. Haskawẽ taea txai ea dapashkabaĩyamawe.

Salmos 69:20

Ẽ txakabukiri tsuãra ea yuikĩ ea huĩti meteshmiski. Ea haska wabu benima hayama ẽ punu nukahairaki. Ewẽ nuikĩ tsuã ea daewakĩ benimawatirubu hamẽ ẽ benakubainaii.

Isaías 40:10

Uiã. Shanẽ Ibu hawẽ kushipaya hawẽ pe yunutiwẽ hatu pe mekei ma huikiki. Hawenabu merabewakĩ hatu piskumatã hatũ manakuti pepa hatu inãshanikiki.

Isaías 41:28

Eã ẽ uianã, hawa dami yushĩ betsa tashniamaki. Haratura yushĩ damipã merabewakĩ hunibu yusĩtirumaki. Matũ yushĩ dami ẽ hatu yukabia ea hawa kematirubumaki.

Isaías 50:2

Ana matu merabewanũ ika hushũ ẽ hawa huni betsa betxiama iniki. Ẽ matu kenabia tsuã taska mã ea kemama inibuki. Ẽ matu haska wabia haskakĩ mã ea benakĩ shinaĩsmamẽ? Eanã, matu merabewakĩ ẽ matu piskumatiruma mã ekiri shinaĩ imismẽ? Habũ matu tsuma wabu anua ẽ matu tashnimatiruma dabanẽ mã shinaĩ imismẽ? Earã, ẽ kushipaki. Ianẽwã yunukĩ: ‘Hawaira hene netsui metuwe’, ẽ wa itiru inũ heneri betsa wakĩ metu wakĩ ẽ tsusĩ wãyã baka ũpash manui mawai pisimayatiruki, hene hayamakenã. Ha hene netsua anuri mairi hanu tsua hiweabuma ẽ watiruki.

Isaías 52:10

Senhor Deusũ hawẽ kushipa hatu uĩmashanikiki, dasibi mai pakea nawa shukua tibi anu manibaũshũ uiaĩbunã. Dasibi mai hirabi anushũ ma nukũ Deusũ nuku mekekĩ piskuma nĩkakĩ unãshãkanikiki.

Isaías 63:3

Deusũ kemakĩ: —Txanima eã besti uva ẽ pemashina ikaii, tsuã ea dabewamarã. Sinata pae paekaĩ eki sinataibu ẽ hatu pema pema aka hatũ himi eki sa sa ikĩ ẽ tari txa akĩ himĩ ea irumawashinaki.

João 16:32

Mã ea haska wabiai hanu mã datei pashairã, ma kemakanikiki. Uĩrakãwẽ, hanu dasibi sa ikĩ mã bestibu ea dapashkabaĩkĩ mã ea henebiabaina earã, ẽ emestimaki. Ẽ Epa ebe ketashameshũ ea heneamaki.

1 Coríntios 1:24

Haskakẽ na kakape Messias Cristokiri betsabũ danãbiaibũ nũ judeubu inũ nũ judeubuma Deusũ nuku katuniwẽ taeshũ Deusũ hawẽ kuxipa Cristo yunukĩ habia keskari wakĩ dasibi unãhairamani ha besti xinãkĩ nũ ikũwaiĩ.