Isaías 63:4 - Kaxinawá Bíblia (BR)

⁴ Eanã, ẽ yunuti kushipawẽ enabu Israel ẽ merabewashanai ha shabatiã ẽ ati wani ma hanu ikaya enabu ẽ hatu ana mebikinãshanaii.

Isaías 63:4 Referencias Cruzadas

Isaías 1:24

Haskawẽ taeshũ Senhor Deus kushipa dasibi binuatũ hawẽ kushipawẽ Israel merabewamis hawẽ hãtxa kushipawẽ hatu yuikĩ: “Hatishũ besti matũ txakabu ẽ tenetiruki! Mã habu eki sinataiburã, matũ txakabu tanatã matube detenameai keskakĩ ẽ matu kupishanaii.

Isaías 1:27

Ẽ itxakanika hayama inũ ẽ mekenã pepatũ mã Sião anu hiweabu matũ txakabu ẽ matu putama ea anu mã ana txĩtũshanaii.

Isaías 35:4

Datebu hatu yuikinã: “Ana dateama benimarikãwẽ! Na habia matu dapiki, matũ Deusũ matu piskumakatsirã. Matu meketã matuki sinataibũ haska betxipaimisbu keska habũ txakabumiswẽ hatu kupikĩ tenemashanikiki.”

Isaías 35:9

Ha bai anu inu betsa leão hayama inũ yuinaka mese pianãbu hari buama ishãkanikiki. Ha bai meribi anurã, txakabũ hatu tsumani Deusũ hatu peka ana txakabuuma hanu mapui txĩtũbirãshãkanikiki,

Isaías 52:3

ana Senhor Deusũ hatu yuikĩ: “Matu escravo tsuma wakubaĩkĩ hawa pei hesheishta matuwẽ taeshũ ẽ biama iniki. Hanua natiã eã matu pekakinã, haburi ẽ hawa pei hesheishta ẽ hatu inãmari inãshanaii.

Isaías 61:2

Ea ẽ Senhor Deus ha baritiã ẽ hatuwẽ nuikĩ ẽ hatu merabewashanai hatuki txanitãwẽ. Ha shabatianã, nukũ Deus ha nukuki sinatamisbu nuku hatu kupishũshanikiki, iki hatuki txanirã. Dasibi punu nukabu hatu merabewakĩ ea hatu daewashũtãwẽ.

Apocalipse 11:13

ha haskabaini nesebainaibũ patxa sakuaya ha mae décima parte pake betsa di akaya 7.000 yurabu debuaibũ dasibi yura betsabu habu hiweyuabu datehairai damapaikĩ Deus nai hirabi shanẽ ibu kuxipahaira ikũwãmabia kẽwaĩbu haskashanaibu nĩkakĩ ẽ uĩshuki.

Apocalipse 18:20

haskaya hui betsa kaĩ txani: “Nai anuabu inũ, mã Deusunabu meribibu inũ, mã hawẽ hãtxa yuishunikabu inũ, mã Jesusũ kuxipayaburã, Deusũ na mae ewapa txakabuhaira kupikĩ matuwẽ dabanã shũska sinatakĩ ashanaiwẽ taea maturã, benimai xinã txãkãkubaĩshãkãwẽ”, ikai nĩkatã ẽ matu keneshunaii.