Isaías 55:7 - Kaxinawá Bíblia (BR)

⁷ Huni txakabubũ hau hatũ hiwea txakabu inũ hatũ shinã txakabu henetã hau Senhor Deus anu benũbũwẽ. Mã haskaibuwẽ taea Senhor Deus matuwẽ nuishanikiki. Matũ txakabu henetã Deus anu txĩtũribirãkãwẽ. Harã, matuwẽ dabanã ikĩ matũ txakabu matu buashũshanikiki.”

Isaías 55:7 Referencias Cruzadas

Gênesis 6:5

Senhor Deusũ hatu uĩkĩ: “Mai anu yurabu txakabuhairakĩ hatũ shinã txakabu hawa heneabumahairaki.

Salmos 51:1

Senhor Deusuũ, mĩ nui paewẽ ewẽ dabanã iwe. Mĩ ewẽ nuimiswẽ taeshũ ẽ txakabu ea tere ashũwẽ.

Isaías 1:19

Shinã betsatã mã ea nĩkakubainaibunã, ha mai anua mibã pepahaira beneai haya mã pikubaĩshanaii.

Isaías 31:6

Israelĩ enabuũ, mã habũ Deus berabĩwãkĩ mã danã paepawabiairã, shinã betsatã Deus anu berikãwẽ.

Isaías 32:7

Ha yurabu atimapai daya peisbuma matxupakĩ hatu parã bestikĩ hawarawẽ kemuti watã hatu hawẽ atximisbuki. Nuitapaibu hatu parã paepa watã ana hatu txakabuwamisbuki. Hawa hayabuma: “Yunuti kushipawẽ ea merabewakĩ ashũwẽ”, ibiaibũ hatu parã bestimisbuki.

Isaías 40:2

Hãtxa duapawẽ Jerusalém anuabu merabewakĩ ea hatu hãtxa washũkãwẽ. Hatu yuikinã, matu tsuma wanishũ matu dayamamisburã, ma keyuaki. Mã kanetxakayamakubaĩmiswẽ taeshũ ẽ kupiti kushipahaira bestikima ẽ ma matu tenemakubainimaki. Haska memakĩ matũ txakabu ẽ ma matu pakamaimaki”, ikaya

Isaías 43:25

Mã pubẽ sinatapabubiakẽ ea ẽ matũ Deus matuwẽ nuikĩ matũ txakabu ana tanakatsi ikama matu tere ashũtã ẽ ana shinãma ishanaii.

Isaías 44:22

Eanã, haska txakabukĩ mã ea nĩkaisbuma matũ txakabu ẽ ma matu pua ashunaki, nai kuĩ dunua pua ibaini yamabaĩmis keska wakinã. Ẽ ana ma matu mebikinaĩ ea shinaĩ txĩtũribirãkãwẽ, ea anu beirã”, ikaya

Isaías 54:10

Mati matipa ibubis maebiai inũ mawa matekei niri ibiaya hakia ẽ nui ikibi ika miwẽ taearã, hawa betsai maetiruma inũ ẽ yubakani hawẽ unanuma hiwemati hawa betsa wakĩ ẽ maewatirumariki’ ”, iki Senhor Deus miwẽ nui hãtxaikiki.

Isaías 54:8

Hawaira matuki sinatakauã matuki dakei matu anua ẽ irubiaima hakia ẽ nui ikibi ini ha ẽ nuimis ẽ ana matu uĩmashanaii”, ikikiki, matũ mebikinanika Senhor Deus hãtxai txanirã.

Isaías 58:6

Haskatimahairaki! Samakea kayabi eã ẽ betxipaiairã, eska tibi shinaĩ itiki. Nĩkairakãwẽ. Mane dispi txiwetameya nasa keska wakĩ yunuti txakabu pekakãwẽ. Hatu bika tenemakĩ mã huni betsa neshakĩ akawarã, ana hatu bika tenemama henekãwẽ. Hatu itxakawaibu merabewakĩ hatu mepãmakãwẽ. Tsuãra hatu yunutxakai mã pubẽmisrã, yamai beshtekerikãwẽ.

Daniel 4:27

Haskawẽ taeshũ shanẽ ibuũ, ẽ hãtxa mĩ ea txibãtirumẽkaĩ, ea nĩkawe. Ana nĩkaismama pepas akubaĩwẽ. Mĩ txakabu henekubaini nuitapaibuwẽ nuikũkaĩshãwẽ. Haska wakubaini unanuma hiwei mĩ mabuyapakeshanimẽkaĩ, mia kupiamarã”, anikiaki.

Jonas 3:10

Nínive anu hiweabu haska wakubaini hatũ txakabu ma heneabũ Deusũ uĩtã hawẽ kupiti Jonasĩ hatu banabimashina Deusũ shinã betsa watã kupiti hatu anu ana yunuamakẽ

Mateus 9:13

Deusũ Oséias yuinirã, mã uĩriamamẽ? Matu yuinũ nĩkairakãwẽ: ‘Ea benimawanũ ishũ txashuwã kuakĩ menu keyuaiwẽ besti akama yurabuwẽ nuikĩ hau ea benimawakubainũbũwẽ’, aka nĩkatã Oséiasĩ keneniki. Haskakẽ: “Ẽ txakabuki”, iwanã, xinaĩbu hatũ huĩti pewakĩ ẽ hatu merabewa xinã betsa watã hau Deus ikũwanũbũ ẽ huniki, huni dauya keskairã. Hakia: “Ẽ txakabumaki”, ikĩ xinaĩbu hatu merabewatanũ ika ẽ huamaki— hatu waniki.

Marcos 7:21

Haska inũ, eska yurabu haya hatũ xinã uke merã aruabu txakabu xinãkĩ shabakabi tashnimamisbuki. Eska tibi shabakabi xinãwẽ kaĩkinã, kemukĩ hamapai tibi shebi hayabu txutabaũmisbuki. Ha inũ, yumetsumisbuki. Ha inũ, yura betsaki yubakatã tenãmisbuki.

Marcos 7:23

Haska tibi yurabũ xinã anua tashnikĩ hatu txakabuwamiski, Deus sinatamakinã— hatu anikiaki.

Lucas 15:10

Ikũkĩ habiaskari ẽ matu yuaii. Yura bestitxaitũ hawẽ txakabu atimas henetã hawẽ xinã betsa watã ikũwãyã Deusũ nai tsumabu benimamisbuki— iwanã,

Lucas 7:47

Haskakẽ ewẽ nuikĩ ea abuhairaiwẽ taeshũ hawẽ txakabu mirimabiakẽ ma ẽ buashuna mĩ unãtiruki. Hamẽ tsuãra txakabu eskarabes nũ buashuna mawaira ea inũ ẽ Epa xinã mirĩmisbuki— iwanã,

Hechos 26:20

Harishũ Damasco anushũ dukũ kakape hatu yusĩ taewatã txipu Jerusalém anushũ yusĩriatã Judéia mai pakea hirabi anuabu judeubu inũ judeubuma ẽ hatu yusĩkĩ: “Xinã betsa wakãwẽ”, ẽ hatu wa tsuãra xinã betsa watã Deusũ bake ikũwãkĩ hatũmebi hatũ hiwea bena hayakĩ uĩkubainimabuki, ẽ hatu unãmakubainarã.

Hechos 3:19

Haska xinãma Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ, hau matũ txakabu matu buashununã.

Santiago 1:15

Na txakaburã, eskaki. Matu yuinũ nĩkakãwẽ. Tsuabũra habũ huĩti merã hawara txakabu xinãkĩ me taewatã: “Hawamaki”, ikĩ txakabu betsa betsapa mekĩ mata wakubaini Deusbe ana haibunameama hawẽ hãtxa ana txibãkatsi ikama ikubainaibuwẽ taea niti ikama Deusbe hiweama mawai benushãkanikiki.