Isaías 55:6 - Kaxinawá Bíblia (BR)

⁶ Isaíasĩ hatu yuikĩ: “Mã Senhor Deuski nukukatsis ikairã, menã kenarikãwẽ, na habia txaima matu dapi nia mã haki nukutirukirã.

Isaías 55:6 Referencias Cruzadas

Jó 8:5

Haskawẽ taeshũ Deus kushipahaira dasibi binua benariwe, hau miwẽ nuinũ haskakiri yukakubaĩkinã. Mĩ haska hiwei pepakĩ uĩmaya hawẽ pepawẽ mia merabewakĩ hawara sharabu mĩ ma benuima mia ana inãshanikiki.

Salmos 14:2

Naiurishũ Senhor Deusũ yurabu uĩkĩ shinãkĩ: “Tsuabu pepakĩ ea ẽ Deus ea benabaũkanimẽkaĩ?” ibiaya

Salmos 27:8

Ẽ huĩtinĩ mikiri ea yuikĩ: “Senhor Deus benai haki nukuwe”, ea wa haskawẽ taeshũ miki nukunũ, iwanã, mĩ ẽ Deus ẽ mia benaii.

Salmos 32:6

Haskawẽ taeshũ tsuãra mia ikũwaĩ txĩtuãma bika tenekĩ mia yukabu mĩ nĩkamiski. Mia yukakĩ haska wamisbuwẽ taea bika teneti itamama hatu anu hubiai ana hatuki kemama ishanikiki.

Salmos 34:19

Tsuabura huni pepabu merabenaĩ yurabũ hatu unãma betsa betsapawẽ hatu itxakawamisbuki. Hakia Senhor Deusũ haska teneaibu hatu duawakĩ haska tibi hatu putamakĩ binumamiski.

Provérbios 8:17

Tsuabũra ea betxipaiaiburã, eãri ẽ hatu betxipaimiski. Tsuabũra ea benai eki nukumisbuki.

Isaías 45:19

Ea hãtxairã, hune ẽ isma inũ hanira mai anu hunea meshu anua ẽ ismariki. Jacó enabu eã hatu yuikĩ: ‘Hanira tsua niama anu ea benakãwẽ’, ẽ hatu aismaki. Ea ẽ Senhor Deus txanima ẽ hãtxamisrã, kaneama ikũ kayabi ẽ yuiaii”, iwanã,

Isaías 45:22

Mai kesua anu hiwebaunabuũ, ea anu bekãwẽ, matu mekekĩ ẽ matu piskumashanairã. Earã, ẽ Deuski, ea keska betsa hayamarã.

Isaías 46:13

Eã ẽ matu tashnimabirãshanairã, ma kemaikiki. Mekekĩ hawairakirã ẽ matu piskumashanai ma txaimaikiki. Sião mekea haya wakinã, eã ẽ ashanaii. Haska watã Israelbu ẽ kushipa ẽ hatu anu buteshanaii”, itã,

Isaías 49:8

Senhor Deusũ ana hatu yuikĩ: “Ẽ yubakaniwẽ taea ẽ duapa matu uĩmakatsi ikĩ ẽ matu kemaniki. Ha shabatiã matu piskumakatsis ikĩ ẽ matu merabewaniki. Matuwẽ yubakatã mestẽwãkatsis ikĩ matu pe arukĩ ẽ matu merabewaniki. Matũ mai pakea txakabuwanibu matu ana ibu wamatã ẽ matu hatu pewamashũriakatsis ikaii.

Isaías 58:9

Hanushũ ebe hãtxakĩ mã ea kenaya nĩkatã ẽ matu kemashanaii. Hawara mei datei bis ikĩ mã ea hawaira yukaya eã matu kemakĩ: ‘Ẽ nenuki’, ẽ matu ashanaii. Hawara atimapã matu tsuma mã yamawakĩ keyuai inũ, huni betsa mã ana hatu itxama inũ, metukĩ mã ana hatu yuãma inũ,

Isaías 65:24

Habũ ea kenakĩ ea ea ariabuma eã dukũ hatu kemakĩ: ‘Hawamẽ?’ ẽ hatu wakubaĩshanaii. Ebe hãtxakĩ hawarakiri ea yuka keyuriabuma ẽ hawaira hatu nĩka keyukubaĩshanaii.

Daniel 4:27

Haskawẽ taeshũ shanẽ ibuũ, ẽ hãtxa mĩ ea txibãtirumẽkaĩ, ea nĩkawe. Ana nĩkaismama pepas akubaĩwẽ. Mĩ txakabu henekubaini nuitapaibuwẽ nuikũkaĩshãwẽ. Haska wakubaini unanuma hiwei mĩ mabuyapakeshanimẽkaĩ, mia kupiamarã”, anikiaki.

Amós 5:6

Mã hiwekũkaĩkatsis ikairã, Senhor Deus anu txĩtũtã hawẽ hãtxa txibãkĩ ea akubaĩkãwẽ. Hakia mã haska wamakẽ betsatiã txi kushipahaira keska Senhor Deusũ matu anu yunushanikiki, mã Israel hiwebaunabu anurã. Ha inũ, Betel anua ha txi ketikainai tsuã nuka watiruma ishanikiki.

Jonas 3:8

Ana haska tibi ikama mã shinã txakakĩ haska txakabu tibi mã amis inũ mã detenamei heneama mã ikũkainai natiã henetã nui bika teneai unãmati tari besha sawe keyutã hau nukuwẽ nuinũ Deus kushipahaira dasibi hatu binua hui kushipawẽ yukakubaĩkãwẽ.

Mateus 5:25

Haska inũ, yura betsa mã devehairawẽ taeshũ ha mã deveatũ nawa shanẽ ibu anu matu iyuaya hau shanẽ ibũ hawẽ policiabu matu bitximayamanũ ha mã devea hawawẽra daewakãwẽ.

Lucas 13:25

Eskaki, matu yuinũ nĩkairakãwẽ. Ikis ẽ hãtxa ikũwãkĩ mã ea txibãtiruki. Hakia ẽ Epã mae hikiti shui ma ẽ bepukẽ tsuabura hikinũ, iwanã, kene petxiuri nishũ kenakĩ yuikĩ: “Shanẽ Ibuũ, nuku bepẽshũwẽ”, mã wa matu nemakĩ yuikĩ: “Mã hania ikimẽkaĩ? Ẽ matu unãmabĩ!” matu wa

João 8:21

Habianushũri Jesusũ mapuabu hatu ana yuikĩ: —Ea ẽ hanira kakenã, ea benai matũ txakabuwẽ taea mã mawashanaii. Hanu ẽ kashanai anu mã katirumaki— hatu wa

Efésios 3:13

Haskakẽ kakape ẽ yusĩkubaũmiswẽ taeshũ ea bitxiabu matu merabewanũ ika matuwẽ taea nuitapai ẽ bika teneaii. Hakia ekiri xinaĩ punu nukama benima bestikubaĩkãwẽ, ewẽ taeshũ Deusũ matu duawaiwẽ taearã.

Deuteronômio 4:29

Harishũ atimas yushĩ dami danãkĩ matũ mekenika Senhor Deus hakimatã danãbianishũ ana benakĩ matũ yushĩ hirabiwẽ inũ matũ huĩti hirabiwẽ shinaĩ mã ana haki nukutiruki.

Deuteronômio 4:7

Hakia nawabũ hatũ kẽwãti yushibu itxapa hayabũ kẽwãkĩ yukabiabu hawa hatu nĩkatã kematirumaki. Hakia nukuburã, nukũ mekenika Senhor Deus nũ haya hawẽtsaĩs nũ yukai tibi nuku nĩkatã kemakubainikiki.

Hebreus 2:3

Uĩwẽ. Ha dukũ nukũ Shanẽ Ibũ hamebi hawẽ pashati hakiri ibubis bebũkiri txani taeniki. Hanushũ nuku yubakĩ tsuabũra hakiri nĩkai txanima Deusũ hãtxa nũ unãkubainibuki. Nukuburã, hawẽ pashati ewapa txanima hubianikẽ mekei peama hiwe kayabikatsi ikamarã, haskatã ibubis nũ pashatirubumaki.

Hebreus 3:13

Haskama matuburã, haska Deusũ hãtxa natiã txaniaya natiã besti matũ xinã mã hawaira pewatirubuki. Haskawẽ taea manama benimarabe bestinãkãwẽ, bari tibirã, hau tsuã taska betsa matu parãyamanũbũ inũ txakabũ matu meshtea txĩtuĩ matũ huĩti mã kuxiyamanũbunã.