Isaías 49:19 - Kaxinawá Bíblia (BR)

¹⁹ Mĩ mae dasibi pure pure akĩ yamawakĩ txakabuwanibu mania anurã, natianã, mĩ mae ana hatiuirama pesheishta anu yura hiwebauni dama ishanikiki. Haska inũ, habũ matu yamawaniburã, ma nenuma buyamabuki.

Isaías 49:19 Referencias Cruzadas

Provérbios 1:12

Huni mawa maiwabu maĩ sheamis keska hatu wakĩ hunibu hiweabu hatu tenãkĩ nũ hatu yamawashanaii.

Isaías 1:7

Matũ mai pakea anu ana tsua hanu hiwetima wakĩ ma txakabuwakubainimabuki. Matũ maewã tibi txiwẽ ma matu kuaĩmabuki. Mã uĩbiaya matũ berubi matuki sinatamisbũ matũ mibã mã banaima habũ pikanikiki. Sodoma maewã Deusũ yamawani keska matũ mai pakea dasibi matunari ma hayamaki.

Isaías 49:17

Mia habũ benibaũkatsi shinaĩburã, hĩ hĩ ikanikiki, habũ mia txakabuwakatsi shinanibu keskamarã. Habũ mia txakabuwaniburã, ma hanira buabuki.

Isaías 49:8

Senhor Deusũ ana hatu yuikĩ: “Ẽ yubakaniwẽ taea ẽ duapa matu uĩmakatsi ikĩ ẽ matu kemaniki. Ha shabatiã matu piskumakatsis ikĩ ẽ matu merabewaniki. Matuwẽ yubakatã mestẽwãkatsis ikĩ matu pe arukĩ ẽ matu merabewaniki. Matũ mai pakea txakabuwanibu matu ana ibu wamatã ẽ matu hatu pewamashũriakatsis ikaii.

Isaías 5:6

Haska watã haki petxikaĩkĩ ẽ henebaĩkĩ ana pewakĩ ẽ ana hawa dameshteama inũ ẽ ana basi meshatirumaki. Ẽ haska wabaina hanu ni shushu benei inũ hau mae musha benetxakayamashanũwẽ. Ha inũ, hau ana hamamaki ui iyamanũ nai kuĩ ẽ nemashanaii.

Isaías 54:3

txipu yusiuri inũ yusmauri minabu pai manibaũkĩ nawa shukua itxapa hatu atxitã natiã ha mae hanu tsua hiweabuma anu habũ maewatã hiweshanaibuwẽ taearã.