Isaías 49:18 - Kaxinawá Bíblia (BR)

¹⁸ Bewenikitã mĩ mae uĩbaũwẽ, dasibi itxatã mia anu ana bei haskabirãkanimẽkainã. “Ea Senhor Deus ẽ hiweawẽ ibubis mia akatsi ẽ yubakaii. Dasibi habu beshunã, mane inũ tari hawẽrua mia sawemakĩ akawai bekanikiki, aĩbu beneyakatsi daumis keska mia wakinã.

Isaías 49:18 Referencias Cruzadas

Gênesis 13:14

Ló ma kakẽ Senhor Deusũ Abrão yuikĩ: “Hanu mĩ nia anushũ uĩbaũwẽ, nortekiri inũ, sulkiri inũ, bari huaikiri inũ, bari kaikiri uĩkinã.

Provérbios 17:6

Anibubũ maiti hawẽrua keskarã, hawẽ bababu hayakubaĩmisbuki. Hatũ epabu pepabuwẽ taea hatũ bakebu kẽkubaĩmisbuki.

Isaías 45:23

Emebi hãtxai yubakakĩ hawẽ maemakĩ binumati ẽ yuimisrã, ha ẽ yubakani hãtxarã, ẽ meneshanaii. Eskashãkanikiki: Dasibibũ ea kẽwaĩ ea bebũ dãti itã, ‘Mia besti mĩ Deuski’, ikĩ ea datã akĩ

Isaías 49:12

Uĩkãwẽ! Txaihairakea matu merabewanũ ika bekanikiki, nortekiria inũ bari hikiaikiria inũ mai metuhaira Sinim anua beirã.

Isaías 49:22

Senhor Deusũ yuikĩ: “Hau mĩ huni bakebu hau pũtsaumetã iwekĩ mĩ aĩbu bakebu hau iatã mia anu iwenũbũ nawabu shukuabu ẽ hatu yunushanaii, mae tibi ẽ unãmati hatu uĩmakinã.

Isaías 52:1

Senhor Deusũ yuikĩ: “Siãonẽ, bestẽriwe! Bestẽtã pei kushipariwe! Maewã Jerusalém meribituũ, habũ Deus ikũwãbuma huni txakabu ana mia anu txĩtũbirã hikiama ishanaibuwẽ taea mĩ tari hawẽruahaira saweriwe.

Isaías 54:7

“Ẽ matu heneyubaĩshanaii, hatishuĩra kamarã. Hakia ẽ nui pae ewapawẽ ana txĩtũkirã matuki nukui ẽ matube ketashameyushanaii.

Isaías 54:9

“Haska inũ, Noé hiweatiã hene ewawatã mai hirabi atxi keyushĩshũ txipu Noé yubakĩ: ‘Ẽ ana hene ewawakĩ mai atxi keyuama ishanaii’, ika ẽ yubakani keska natiã habiaskari ẽ yubakariaii: ‘Ẽ ana miki sinatama ishanaii. Ha inũ, ẽ ana pubẽkĩ mia date date akama ishanaii.

Isaías 61:10

Haskakiri Senhor Deus yubakakũkainaiwẽ taea ea ẽ shinã txãkaiĩ. Hawẽ meketi haya ea inãkĩ piskumatã hawẽ yunuti kushipawẽ ea mekekĩ binumakĩ ea duawakubainikiki, huni aĩyãkatsi iki hawẽruakĩ maiti pepa sawemis keskai inũ aĩbu beneyanũ, iwanã, hawẽruakĩ dauti betsa betsapawẽ daumis keskairã. Haskawẽ taea ẽ Deuswẽ ẽ benima txakayamaii.

Jeremias 2:32

Txipash beneyai kakinã, hawẽ dauti hawẽrua saweirã, hakimatirumẽ? Hakimatirumahairaki. Hamẽ mã enaburã, bari itxapa kakũkaĩkĩ mã ea hakimakũkainaii.

Números 14:21

Hakia ẽ hiwea inũ ẽ kushipa mae hirabi anushũ uĩmisbuwẽ taea haska ẽ mia yuiai txanima kayabiki.

João 4:35

—iwanã, ana nuku yuikĩ: —Matũ bai mã banaxina uĩkĩ yuikĩ: “Ana ushe dabe inũ dabe ka bimi huxiã nũ tsekashanaii”, iwanã, mã xinãbiaya ana matu yusĩnũ nĩkakãwẽ. Deusũ bai kaiskĩ uĩkãwẽ. Ma hanu ikũwaĩbu itxawati peki.

Apocalipse 21:2

Hanushũ ana betsa tashnikiranai uĩkĩ aĩbũ huni benewanũ, iwanã, hawẽ beneki nukui kanũ ika hawẽruai keskamis Jerusalém maewã bena ma dasibi iruya pepaya Deusũ nai anua buteaya

Apocalipse 22:15

Hamẽ betsaburã, Deus danãkĩ hamapai txakabuwamisbu inũ, mukayakĩ Satanásã kuxipa yukamisbu inũ, txutanamebaũmisbu inũ, yura betsa tenãmisbu inũ, yushĩ dami betsa kẽwãmisbu inũ, dasibi hamapai tibi abubaũmisbu inũ, txani txakamisbu habu haskamisbu besti baxikushãkanikiki, habu Deusũ mae pepa anu hikiamarã.