Isaías 45:7 - Kaxinawá Bíblia (BR)

⁷ Bari txashati inũ, meshu inũ, benimai hiweti inũ, hamapaiwẽ bika teneti sharabu pawakĩ ẽ dami waniki. Na haska tibi dami wakinã, ea Senhor Deusũ anishũ ẽ akubaĩmiski”, iwanã,

Isaías 45:7 Referencias Cruzadas

2 Reis 19:25

Hakia mĩ haska hatu wamaimarã, ẽ Senhor Deus ma bebũkiri yubakanishũ ẽ mia amaima mĩ unãmamẽ? Nenumahaira mĩ shenipabutiã ẽ hatukiri yubakani natiã miã mĩ hatu akubainimaki. Maewã mishki kenebaunibu betsa betsapa txakabuwakĩ dasibi teke teke akĩ hanus mishki mãtxiã keska mĩ hatu yamawakubainimaki.

Jó 2:10

nemakĩ Jó yuikĩ: —Aĩbuũ, unaĩsmapatũ hãtxa yuiyamawe. Pepa Deusũ nuku inaĩ nũ bimiski. Haskai txakabu hanua huai ha dikabi bikĩ nũ tenetirumamẽ?— atã txakabu dasibi Jó tenekubaini Deuskiri hawa hãtxa txakabu yuiama ikũkainikiaki.

Salmos 8:3

Nai dami watã mĩ haki ushe inũ bishi dami wakĩ hanani uĩkĩ hakiri ẽ shinãmiski.

Êxodo 14:20

nai kuĩ meshu wakĩ Egito nawa detenamenikabu inũ Israelĩ enabu namakis nitxĩtã Egito nawabukiri hatu meshu watã hanua Israelĩ enabu anu hatu shabawabainaya hanua Egito nawabũ Israelĩ enabuki hawa hatuki nukuama ishiaĩbũ

Isaías 31:2

Hakia ha Deusrã, unanepahairaki. Hamapai tibi atiruki. Txakabu watiru unaĩkiki. Hawara yuitã maewakĩ ana shinã betsa waismaki. Huni txakabubu hatuki sinatakĩ hatu kupishanikiki. Habũ txakabuwaibu tsuãra hatu merabewamisbu hatuki sinatariamiski.

Isaías 42:16

Beshushbu hatu iyukinã, bai tanamabaĩkĩ hanu uĩ buisbuma anu ẽ hatu iyushanaii. Meshu anu buaibu hatu bebũshũ bĩ hatu txashawashũkĩ mai txakabu pãpa wakĩ bebũkiri hawamawakĩ ẽ hatu pewashũshanaii. Na habu haska tibirã, hawa yupatirubuma ẽ hatu ashũshanaii.

Isaías 44:24

Matũ mebikinanika Senhor Deusuũ, mã kaĩriama matũ yura yumewanitũ matu yuikĩ: “Earã, ẽ Senhor Deusũ dasibi dami wakĩ nai hirabi kesukauana wakĩ inũ mai dikabi tashnimatã ẽ mestẽwaniki, tsuã ea hawa merabewamarã.

Daniel 2:22

Hawara tapiã bika huĩti uke merã inũ hawara hunea unãmakĩ keyumiski. Hamapai meshu meranua unã keyuikiki. Shabarã, habia habe ketashameaki.

Amós 3:6

Hamẽ maewã anu mese huaya hatu unãmakĩ tsuãra trombeta txã txã akaiwẽ taea yurabũ nĩkai datemisbuki. Ha maewã anu haska kainã, Senhor Deusũ ma hanu txakabu hatu yunua haska besti kaĩkũkaĩmiski.

Amós 4:13

Senhor Deusũ mati matipa wamis inũ, niwe shũku imamis inũ, haska yubakani yurabu unãmamis inũ, shababiakẽ hatũ betsa wakĩ meshu maewamis inũ, mai dasibi anu mati keyatapahaira tibi anu nikaũmisrã, hawẽ kenarã, Mekenika Deus kushipahaira dasibi binu keyua Senhor Deuski.

Amós 5:6

Mã hiwekũkaĩkatsis ikairã, Senhor Deus anu txĩtũtã hawẽ hãtxa txibãkĩ ea akubaĩkãwẽ. Hakia mã haska wamakẽ betsatiã txi kushipahaira keska Senhor Deusũ matu anu yunushanikiki, mã Israel hiwebaunabu anurã. Ha inũ, Betel anua ha txi ketikainai tsuã nuka watiruma ishanikiki.

Hechos 4:28

Haska dasibi bebũkiri mĩ hakiri yubakani hau haska wai bunũbũ mĩ yuinirã, txanima haska keskarã, habunã, ma akimabuki.

Santiago 1:17

Nukũ Epa Deusũ bari inũ ushe inũ bixi damiwanitũ hawẽ xinã betsa betsapa waisma inũ hakiri hawa huneamawẽ taea haska tibi hawa txakabuma pepa besti hanua huai nuku inãkubainikiki.

Judas 1:13

Ha inũ, iãnẽwã niwẽ betxuruãkĩ tũkash akĩ kesha anu bakush henebaĩmis keskakĩ habũ txakabuwai parananãkĩ dake pae shabakabi henebainaibu dasibibũ uĩtirubuki. Ha inũ, bixi hawẽ bai ana tanabainama keskai ha parananãmisbu unãnumas buaibu ana tsuã txibãtirubumaki. Haskawẽ taeshũ hanu mexuhaira Deusũ hatu washuni anu hanu hatu nitxĩtã kupihairashanikiki, niti akamarã.

Judas 1:6

Ha dikabi Deusũ hawẽ nai tsumabu nai anua habu tibi ha mekei hanu hau shanẽ ibunũbũ hatu yunubia haska besti mekekatsi ikama hatũ daya henebiranaibu Deusũ hatu nemakĩ hanu mexuhaira kaĩkaĩtirumanu hatu bitxitã hanu bari hawẽ heneai anu hatu kupiaitiã haburi kupishanai hatu mekea mapuabuki.