Isaías 44:9 - Kaxinawá Bíblia (BR)

⁹ Tsuabũra habũ yushĩ dami wamisburã, haburã, hamẽki. Ha inũ, habũ yushĩ dami watã betxipaibiamisbu, hamẽriki. Tsuabũra ha dami hamẽbiakẽ kẽwaĩburã, haburã, bekũ inũ shinaũmabuki. Haskaburã, hatu usaĩ hatuki kasheti sharaki.

Isaías 44:9 Referencias Cruzadas

2 Reis 19:18

Txanima Deus kayabima habũ mekenika yushibubu dami txi anu napukĩ hatu menukĩ keyurianibuki. Ha haska wakinã, mekenika deus kayabima anibuki. Hi inũ mishki dami wakĩ hunibũ akĩ kẽwãti mekenika yushibubu akubainibuwẽ taeshũ Assíria nawabũ hatũ dami teke teke akĩ menukĩ keyunibuki, yamawakinã.

Salmos 115:4

Habũ Deus ikũwãbumanã, hatũ yushĩ kẽwãti dami wakinã, hatũ mekẽnẽ ouro inũ prata amisbuki.

Salmos 115:8

Tsuabũra ha yushĩ kẽwãti dami wamisburã, habia hatũ dami keskabuki. Ha habũ hatũ dami ikũwaĩbu habiaskaribuki.

Isaías 41:24

Eã ẽ matu uianã, matuburã, mã kushipa hayamahairabuki, mã hawa dami betsa watirumahairarã! Habu unaĩsmapakĩ mã dami katumisburã, mã peirakãwã!

Isaías 41:29

Ha yushĩ dami tibirã, hawama hamẽki. Hawa dami watirubumahairaki. Hawa kushipa hayama dami bestibuki.”

Isaías 42:17

Ẽ hatu haska wabainaya dami yushĩ inũ hawẽ kẽwãti tibi tsuabũra hatu yuikĩ: ‘Maturã, mã nukũ deusbuki’, hatu amisburã, haburã, hatũ damiki dakekĩ henebaĩshãkanikiki”, itã

Isaías 42:18

Deusũ ana hatu yuikĩ: “Patabuũ, nĩkakãwẽ. Beshushbuũ, shinãkĩ unãkãwẽ.

Isaías 43:8

“Enaburã, ea anu nitxĩkãwẽ. Haburã, beruyabia beshushbuki. Pabĩkiyabia nĩkaisma patabuki.

Isaías 43:9

Mae tibi anuabu inũ nawabu mã shukuakeakeaburã, hanus hatube mã itxatiruki. Haska Deusũ hawenabu merabewai kai tsuã bebũkiri unãtã yuitirubu ikimamẽ? Haska txanimamẽkaĩ, tsuãra uĩmashũ nuku bebunua txanikãwẽ, nũ nĩkanunã, haska yui kayabimẽkainã”, ikĩ

Isaías 44:11

Ha dasibi habuã ha dami kẽwãmisburã, habu hatuki kasheti besti ishãkanikiki. Ha habũ yushĩ dami wamisburã, hunibu bestiki. Hanu Deusũ hatu unãti waitiã dasibi ha bebũ mapushãkanikiki. Hatu haska wa babui date paepashãkanikiki.

Isaías 44:18

Ha huniburã, hawa unãma inũ hawa tapiãbumaki. Beruyabia uĩkĩ pewama beshush hairabuki. Hatũ shinã hatu bepuhaira hawa nĩka pewatirubumariki.

Isaías 44:20

Txanimahaira txi mapu pia keska wamisbuki, hatũ shinã txakabũ hatu parãhaira pepa haska henetã txibainã. Ha huniburã hatũ txakabuwẽ taea haskatã pashatirumahairaki. Hawara hunĩ dami watã hawẽ mekẽnẽ tsumatã hawẽ shinã pemawẽ taea hawa shinã pewama ha dami hatu uĩmairã, ha huni txanitxaka bestikanikiki.

Isaías 45:16

Tsuabũra dami yushĩ wamisburã, haburã, dakeshãkanikiki. Betsabu hatuki kashetã usãshãkanikiki.

Isaías 45:20

Senhor Deusũ ana yuikĩ: “Matu habu teshewayamabu hanira mã hiwebaunabuũ, dasibi ea anu itxai bekãwẽ. Hatira hawa unãbumã hatũ hi dami yushĩ iatã shuku dakabaini habe hãtxakĩ hawa hatu meketã piskumatirumabia hamẽ yukai hãtxawãmisbuki.

Jeremias 2:26

“Yumetsu betxishũ txiteabu dakemis keskai Israelĩ enaburã, haska keskai mã dakekũkaĩshanaii. Ha maewã anu mã hiweabu inũ, matũ shanẽ ibuhairabu inũ, matũ shanẽ ibu beshmasbu inũ, matunabu ebe hãtxashunikabu inũ, ẽ hãtxa yuishunikabu mã dakekũkaĩshanaii.

Daniel 5:23

Hakia nai anua Senhor Deuski kashekĩ hawẽ Templo anua hawẽ kẽwãti kẽtxa itxapa hau bitanũbũ mĩ hatu yunua bitãshũ ha besiaibubetã Senhor Deusũ kẽtxawẽ uva vinho akubaĩkĩ matũ dami yushĩ ouro inũ, prata inũ, bronze inũ, ferro inũ, hi inũ, nẽkati dami itxapa wanibu habũ hawa uiãbuma inũ, hawa nĩkabuma inũ, hawa unãbumahaira mĩ hatu kẽwãmashuki. Hakia betsarã, Deusũ besti mia hiwemakubaĩkĩ dasibi mĩ hiwea mia tsuma keyubia mĩ ha kẽwaĩsmaki.

Romanos 1:22

Ha Epa Deus kuxipahaira mawatiruma ana kẽwãma habũ xinã kuxitã ha dami uĩtiru kẽwãkatsi ikĩ huni mawatiru betsabũ dami waibu tsuabũra ha dami bitã kẽwaĩbu betsabũ peiyabu dami waibu bitã kẽwaĩbu betsabũ yuinaka piti inũ pitima tae dabe inũ dabeya dami waibu bitã kẽwaĩbu betsabũ nutawẽ sharaibu dami waibu bitã kẽwãkĩ haska xarabu besti kẽwãkubainũ ikĩ Deus danãkĩ yuikĩ: “Ẽ unãnepaki”, ibiai unaĩsmapabu ipaunibukiaki.

1 Coríntios 8:4

Yushĩ dami kẽwãti betsa kẽwãkĩ hawẽ kẽwãti nami inãnãnaĩbu bitã mã piaiburã, haskarã nũ unãriaii. Hawẽ kẽwãti yushĩ dami hiwea hayama inũ hawa kuxipa hayamahairaki. Hakia nukũ mekenika Deus bestitxai hiwea nũ unaiĩ.

2 Coríntios 4:4

Tsuabũra habũ ikũwãbumarã, na mai anushũ hatũ shanẽ ibu Satanásã hatu parãkĩ hatũ xinã nemakĩ bekũ keska hatu wamiski. Haskawẽ taeshũ Cristo, Deus itsa hiwea mekenika kuxipa yurabu mawashũtã hatũ txakabu ana xinãma buakatsis ini nĩkabiakĩ kaka pepa shabakabi ikũwãtirubumaki.

Efésios 4:18

Habu mexu merã nia keskashũ xinã txakakĩ pe xinãtirubuma unaĩsmapabuki, haburã, hawa benima pae Deus anua huaiwẽ benimama haska hawa tapiãma unaĩsmapa besti habu huĩti kuxiburã.

Efésios 5:8

Ha inũ, uatianã, nukũ Shanẽ Ibu unãkĩ ikũwãriama txakabui mexu merã ika keska mã hiwenibuki. Hamẽ eskatianã, Cristo ikũwaĩ haki dasitã matũ xinã maewatã mã betsahairawa mã ma shabaki pesea keska hiweabuki. Haska mã ma tapiã xinaĩ pe hiwekubaĩkãwẽ.

Deuteronômio 4:28

Nawa betsa betsapabu anushũ harishũ yushĩ hunibũ hatũ mekẽnẽ dami wakĩ hi inũ mishki dami wamisbu ha damirã, uĩtirubuma inũ, nĩkatirubuma, inũ pitirubuma inũ, huĩsinatirubumabiakẽ nawabũ beya txibãkĩ mã hatubetã kẽwãshanaii.