Isaías 44:10 - Kaxinawá Bíblia (BR)

¹⁰ Tsuãra mane dami wakĩ yushĩ ha kẽwãti wakĩ hanushũ haki payumis anushũ hawẽ kẽwãti deus wairã, ha huninã, hanu hamapai dayatitiãbiakẽ benumiski.

Isaías 44:10 Referencias Cruzadas

1 Reis 12:28

haska shinãtã txipu hawẽ unanepabube hãtxanamei menetã ouro ina awa bake bene dami dabe Moisĩ betsa Arãonẽ ani keska hau anũbũ hatu yunua akĩ keyushũ hatũ shanẽ ibubu inũ yura itxapabu bebũ nitxiãbu metukĩ Jeroboãonẽ hatu yuikĩ: “Jerusalém anu kashũ Senhor Deus kẽwaĩ ma txai butã butãmisbu bikawẽ taeshũ na mekenika yushibu dami dabetũ Egito anua nukũ shenipabu hatũ hatu pashawanirã, naki”, hatu watã

Salmos 115:4

Habũ Deus ikũwãbumanã, hatũ yushĩ kẽwãti dami wakinã, hatũ mekẽnẽ ouro inũ prata amisbuki.

Isaías 40:19

Huni yura dami wanikatũ huni keska wakĩ dami wamisrã, haska keskamẽ, Deusrã? Tsuãra mane dami wakĩ huni wa hanushũ ouro pewanikatũ hawẽ yura ourowẽ pushatã prata mane dispi txiwetameya sawemakĩ hawẽ yura kaĩmamiski.

Isaías 41:29

Ha yushĩ dami tibirã, hawama hamẽki. Hawa dami watirubumahairaki. Hawa kushipa hayama dami bestibuki.”

Isaías 45:20

Senhor Deusũ ana yuikĩ: “Matu habu teshewayamabu hanira mã hiwebaunabuũ, dasibi ea anu itxai bekãwẽ. Hatira hawa unãbumã hatũ hi dami yushĩ iatã shuku dakabaini habe hãtxakĩ hawa hatu meketã piskumatirumabia hamẽ yukai hãtxawãmisbuki.

Daniel 3:1

Hanushũ hatũ shanẽ ibuhaira inũ hawẽ mekenika yushibubukiri dasibibu hatu shinãmati dami wakĩ hawẽ keyatapa 27 metro inũ hawẽ hashpa 2 metro inũ 70 centímetro mane ouro dami watã hau Babilônia mai pakekauana mapãpa hawẽ kena Dura anu hau nitxĩshanũbũ shanẽ ibuhaira Nabucodonosorĩ hatu yunua mane dami pewanikabũ nĩkatã haska hatu yunua akubaĩkĩ ma keyushunabu

Daniel 3:14

shanẽ ibuhairatũ hatu yukakĩ: —Ẽ mekenika yushibubu inũ mane ouro dami ẽ hatu yunua ashiãbu mã kẽwãma ishurã, txanimamẽ?

Habacuque 2:18

Yushĩ hatu dami wamakĩ keyutã hawẽ hawa watimẽ? Hamẽ besti kẽwãtirubuki. Ha yushĩ damirã, hakiri hawẽ txani besti mia unãmakĩ yusĩtiruburã, hawẽ hawa watimẽ? Hamẽ besti nĩkatirubuki. Yushĩ dami haska hãtxatiruma tsuãra ha yushĩ dami wabiamisrã, haskatã haki txiti itirumẽ? Txanima hamẽ tsua haki txiti itirumaki.

Hechos 19:26

Ha yusĩnã Paulõ hatu yuikĩ: “Mekenẽ hunĩ damiwarã, yushĩ kuxipa deusmaki”, akĩ yurabu habũ bimisbu nuku putamakanikiki. Nenu nukũ mae Éfeso anu bestima hakia Ásia hirabi anushũ hatu yusĩkubaunai nĩkakĩ hatu haska wai mã unaiĩ.

1 Coríntios 8:4

Yushĩ dami kẽwãti betsa kẽwãkĩ hawẽ kẽwãti nami inãnãnaĩbu bitã mã piaiburã, haskarã nũ unãriaii. Hawẽ kẽwãti yushĩ dami hiwea hayama inũ hawa kuxipa hayamahairaki. Hakia nukũ mekenika Deus bestitxai hiwea nũ unaiĩ.