Isaías 44:23 - Kaxinawá Bíblia (BR)

²³ Isaías benimakĩ yuikĩ: Senhor Deusũ hawẽ kushipa matu uĩmakĩ Jacó enabu Israelbu ma ana hatu mebikinãki. Naiĩ, Senhor Deusũ hatu haska waiwẽ taea benimakĩ kẽwãkãwẽ. Mai kini keyatapahairatuũ, benimai sai ikãwẽ. Mati tibi inũ ni shukua inũ dasibi hi mapubaunabuũ, hawẽ kushipa uĩ benima txakayamai kãtakãwẽ.

Isaías 44:23 Referencias Cruzadas

Salmos 65:13

Pãpa anu ma basĩ keyubia anu hanu txashuwanẽ pi itxamisbuki. Napaku anu shekiwã tibi benei batxi pepa sawemisbu keskaki. Haskawẽ taea dasibibu kãtai benimai sai sai imisbuki.

Salmos 69:34

Dasibi nai inũ, mai inũ, ianẽwã inũ, dasibi habu tibi anu dami wakĩ Deusũ hiwemani hiwebaunabũ habũ hau kẽwãkubainũbũwẽ.

Salmos 69:35

Deusũ ha maewã Sião ana meketã Judá mai pakea anu hatũ maewã tibi ana hatu benawamakĩ benimashanikiki. Deusũ tsumapã bakebũ ha maewã ibu watã ha merã hiwekĩ hatuna wanũbarikanikiki. Habũ Deusũ kena betxipaimisbu ha merã hiwepakeshãkanikiki.

Isaías 43:1

Hakia natianã, Jacó enabu Israelbuũ, nĩkakãwẽ. Senhor Deusũ matu dami wanitũ matu yuikĩ: “Dateyamakãwẽ, matu iyunibu haria hatu putamabirãkĩ ẽ matu tashnimabiranimaki. Eã matu katunishũ matũ kenawẽ kenakĩ ena ẽ matu waniki.

Isaías 43:7

Dasibi enabu ẽ kenaya habũ ea duawakĩ yurabu ẽ kushipa hau uĩmashanũbũ hatu dami wakĩ ẽ bawanirã, ea anu ana hatu iwerikãwẽ’ ”, iwanã,

Isaías 46:13

Eã ẽ matu tashnimabirãshanairã, ma kemaikiki. Mekekĩ hawairakirã ẽ matu piskumashanai ma txaimaikiki. Sião mekea haya wakinã, eã ẽ ashanaii. Haska watã Israelbu ẽ kushipa ẽ hatu anu buteshanaii”, itã,

Isaías 49:13

Senhor Deusũ hawenabu bika teneaibu ana haska uĩkatsi ikama hatuwẽ nuikĩ ma hatu daewaiwẽ taea naiĩ, benimai sai sai ikãwẽ! Mati matipaã, benimai sai sai ikãwẽ! Maiĩ, benima paepai shinã txãkãkãwẽ!” ikaya

Isaías 49:3

Ea haska watã Senhor Deusũ ea yuikĩ: ‘Israelĩ, mĩ ẽ tsumaki. Miwẽ ẽ kushipa hatu uĩmakĩ ẽ hatu tashnimashũshanaii’ ”, ikaya

Isaías 52:9

Senhor Deus hawenabuwẽ nuikĩ hatu maemashũ matu daewakĩ mã Jerusalém matu purenibu maniarã, ma matuki sinataibu hatu nitxĩtã matu tashnimaiwẽ taeshũ kẽwaĩ hatube sai sai ikĩ hatu kemakãwẽ.

Isaías 60:21

Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Isaías 61:3

Sião anu bika tenei hiweaburã, ana txi mapu hatu mapu tukumama maiti hawẽrua inãkĩ hatu sawematãwẽ. Nui kashatxakayamisbu hatu nese watã benimati sheni ininipa hatu inãtãwẽ. Tsuabura hawawẽ haskatima merabewakĩ benimawakĩ kãtati shinã txãkãti hatu yusĩtãwẽ. Mĩ hatu haska wa yurabũ hatu kenakĩ: ‘Ha hi kushipa tekeisma Senhor Deusũ bananishũ hawẽ kushipa hatu unãmati hiki’, akĩ hatu kenashãkanikiki.

Efésios 3:21

Jesus Cristo nũ txibaĩbu ikũwaĩ betsabubetã Deus kẽwãkĩ heneama duawakubainãkãwẽ, niti ikamarã. Haskakirã.

Efésios 4:9

Na inakainikiri kenekĩ haskararakiri Davĩ xinãkĩ yuini matu yuinũ nĩkakãwẽ. Messias Deusbe nai anu hiwea mai anu ha dukũ butui taeniki.

1 Pedro 4:11

Haska inũ, tsuãra yusĩkatsis ikinã, Deusũ matu yusĩmis keska besti hau hatu yusĩkubainũbũwẽ, ibubis hatũ hãtxawẽ akamarã. Ha inũ, tsuãra yura betsabu merabewakatsis ikĩ haska Deusũ matu kuxipa inãmis hatu uĩmakĩ hau hatu merabewakubainũbũwẽ. Hawara betsa betsapawẽ merabenãkĩ mã akubainairã, hawẽ Deus hatu kẽwãmakubaĩkãwẽ, Jesus Cristowẽ taeshunã. Mã hatu haska wakubainairã, Jesus Cristo shanẽ ibumis dasibi kuxipa pepa hawenaki, ikibi ini hawẽ kuxipa paepa heneismarã. Haskakirã.

Apocalipse 12:12

Haskawẽ taea nai inũ mã hanu hiweabuũ, benimarikãwẽ. Hakia mã mai anu inũ iãnẽwã anu hiweabuũ, mã peirakãwã. Satanás pubẽhairatũ bari itxapama besti matu itxakawatiru xinaĩ matu anu ma hari butuaki”, hatu wa

Apocalipse 18:20

haskaya hui betsa kaĩ txani: “Nai anuabu inũ, mã Deusunabu meribibu inũ, mã hawẽ hãtxa yuishunikabu inũ, mã Jesusũ kuxipayaburã, Deusũ na mae ewapa txakabuhaira kupikĩ matuwẽ dabanã shũska sinatakĩ ashanaiwẽ taea maturã, benimai xinã txãkãkubaĩshãkãwẽ”, ikai nĩkatã ẽ matu keneshunaii.