Isaías 44:22 - Kaxinawá Bíblia (BR)

²² Eanã, haska txakabukĩ mã ea nĩkaisbuma matũ txakabu ẽ ma matu pua ashunaki, nai kuĩ dunua pua ibaini yamabaĩmis keska wakinã. Ẽ ana ma matu mebikinaĩ ea shinaĩ txĩtũribirãkãwẽ, ea anu beirã”, ikaya

Isaías 44:22 Referencias Cruzadas

2 Samuel 12:13

e itã haskaima Natã bebushũ Davĩ yuikĩ: —Senhor Deus danãkĩ txakabu betsa betsapa ẽ akimaki— ikaya kemakĩ Natãnẽ yuikĩ: —Mĩ txakabuwaimawẽ taeshũ Senhor Deusũ mia kupia mĩ mia mawama ishanaii.

Neemias 4:5

Jerusalém mishki kene benawakĩ pewabaunaibu hatuki ẽhẽ ikaibuwẽ taeshũ hatũ txakabu buashunama mia bebunua hatu hakimayamashãwẽ”, aka

Salmos 51:1

Senhor Deusuũ, mĩ nui paewẽ ewẽ dabanã iwe. Mĩ ewẽ nuimiswẽ taeshũ ẽ txakabu ea tere ashũwẽ.

Salmos 51:9

Ẽ txakabu atimapa tibi mia bebũ tashnia mĩ uiainã, ea tere ashũtã ana haska shinãkĩ uĩyamawe.

Isaías 1:18

Senhor Deusũ ana matu yuiai nĩkakãwẽ: “Matube hãtxakĩ matũ hiwea ẽ matu pewakatsis ikai nenu ea anu bekãwẽ. Matũ txakabu huni dama tenã himi shana biri ikai keskabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii. Mã txakabumis atimapahairabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii.

Isaías 1:27

Ẽ itxakanika hayama inũ ẽ mekenã pepatũ mã Sião anu hiweabu matũ txakabu ẽ matu putama ea anu mã ana txĩtũshanaii.

Isaías 31:6

Israelĩ enabuũ, mã habũ Deus berabĩwãkĩ mã danã paepawabiairã, shinã betsatã Deus anu berikãwẽ.

Isaías 33:24

Haskaibutiã ha maewã anu hiweabu betsa taska: “Ẽ isĩ tene hayaki”, iwanã, yuiama ishãkanikiki. Jerusalém anu hiweabu txakabumisbu Senhor Deusũ hatũ txakabu ana shinãma hatu buashũshanikiki.

Isaías 41:14

Senhor Deusũ hawẽ hãtxa mestẽwãkĩ yuikĩ: “Jacó enabu Israelbuũ, ha mã tesheishtani mã babubiarã, hawa dateyamakãwẽ, ẽ matu merabewairã. Earã, Israelĩ Deus meribirã, ẽ matũ piskumanikaki.

Isaías 43:1

Hakia natianã, Jacó enabu Israelbuũ, nĩkakãwẽ. Senhor Deusũ matu dami wanitũ matu yuikĩ: “Dateyamakãwẽ, matu iyunibu haria hatu putamabirãkĩ ẽ matu tashnimabiranimaki. Eã matu katunishũ matũ kenawẽ kenakĩ ena ẽ matu waniki.

Isaías 43:25

Mã pubẽ sinatapabubiakẽ ea ẽ matũ Deus matuwẽ nuikĩ matũ txakabu ana tanakatsi ikama matu tere ashũtã ẽ ana shinãma ishanaii.

Isaías 52:9

Senhor Deus hawenabuwẽ nuikĩ hatu maemashũ matu daewakĩ mã Jerusalém matu purenibu maniarã, ma matuki sinataibu hatu nitxĩtã matu tashnimaiwẽ taeshũ kẽwaĩ hatube sai sai ikĩ hatu kemakãwẽ.

Isaías 55:7

Huni txakabubũ hau hatũ hiwea txakabu inũ hatũ shinã txakabu henetã hau Senhor Deus anu benũbũwẽ. Mã haskaibuwẽ taea Senhor Deus matuwẽ nuishanikiki. Matũ txakabu henetã Deus anu txĩtũribirãkãwẽ. Harã, matuwẽ dabanã ikĩ matũ txakabu matu buashũshanikiki.”

Miquéias 7:18

Nukũ mekenika Senhor Deusuũ, minabu eskarabes tesheniwẽ nuikĩ mĩ hãtxa danãkĩ nũ txakabuwaima tere akĩ mĩ ana shinaĩsmawẽ taea Mekenika Yushĩ mia keska betsa tsua hayamaki. Nukuki sinatapakeama maĩtã haska mĩ nuku betxipaiai mĩ nuku uĩmamiski, nuku duawakubaĩkinã.