Isaías 44:13 - Kaxinawá Bíblia (BR)

¹³ Ha dikabi habũ hi dami wamisbu shinanãkãwẽ. Haska wakatsi ikĩ hi tanatiwẽ tanamisbuki, hawẽ kenetiwẽ ha tanamabaũkĩ dami wakatsi bishakinã, hawẽ keneti betsa compassowẽ ariakinã. Haska watã hi dami wanikã tanamabauni dayakĩ hi huni keska hawẽ yura hawẽrua watã hatũ yushĩ kẽwãti hiwe anu nitxĩmisbuki.

Isaías 44:13 Referencias Cruzadas

Gênesis 31:32

Raquelĩ hawẽ epã kẽwãti mãkã dami yumetsubiakirãshĩkẽ Jacó hawa unãma ana yuikĩ: —Haratutũra mĩ mãkã dami beshiã mĩ betxiaya ha enabu hau mawanũwẽ. Enabu anua ẽ mabu dasibi uĩ keyuwe. Haniara mĩ mabu betxitã butãwẽ— aka

Gênesis 35:2

haska wa datekĩ hawenabu inũ hawẽ tsumabu Jacó yuikĩ: —Matu anua dami yushĩ tibi mã haya kaĩmakãwẽ. Hanua nashi txuki petã pepanũ, ika matũ tari betsa sawetã

Isaías 41:7

Dami wakĩ hi mabu wanikatũ hawẽ haibu ouro mane inũ prata mane wanikari benimawamiski. Hawẽ mastatiwẽ mane dami wakĩ sapa wanikatũ hatũ mane mabu txusha txusha anika benimawariamisbuki. Hanushũ dami menekĩ ma keyutã ha mane tsis anika yuikĩ: “Mĩ pehaira wamiski”, atã hanushũ ha dami hau dabeke dabeke iyamanũ pregowẽ mestẽwãkĩ mastamisbuki.

Isaías 44:14

Haska inũ, betsarã, tsuãra kusha banaima uĩ yumewaima txipu ha kusha ewaima hayatã deratirubuki. Hamẽ haska wama ni shukua anua cedro kasmai hi betsa ewapa hamebi yumeima mekekubaĩkĩ ewapahaira deratirubuki.

Hechos 17:29

Nũ haskai Deusunabukĩ nũ haska xinãtirubumabiakẽ hunibũ xinã txakakĩ Deus haska keska dabanẽ hatũ xinãwẽ habũ deus wakĩ ouro inũ prata inũ mixki dami wamisbuki.

Deuteronômio 4:28

Nawa betsa betsapabu anushũ harishũ yushĩ hunibũ hatũ mekẽnẽ dami wakĩ hi inũ mishki dami wamisbu ha damirã, uĩtirubuma inũ, nĩkatirubuma, inũ pitirubuma inũ, huĩsinatirubumabiakẽ nawabũ beya txibãkĩ mã hatubetã kẽwãshanaii.