Isaías 44:12 - Kaxinawá Bíblia (BR)

¹² Habũ mane dami wamisbu hatũ dayati mabu shinãkãwẽ. Mane payukĩ txiwẽ kuamisbuki. Hanushũ hawẽ pewakatsi mane kushipa betsa pewati tsumashũ mastatiwẽ mastakĩ pure pure akĩ hatũ pũyã kushipawẽ dayamisbuki. Hakia ha mane dami wanika piama dayakĩ hawẽ kushipa keyui inũ ũpash akama hĩ imiski.

Isaías 44:12 Referencias Cruzadas

Êxodo 32:4

Arãonẽ bitã ouro pau dasibi mishki kuahairatã haki payukĩ txakã txakã akĩ ina awa baketiu wakĩ hawẽ shũpĩ wãti inũ hawẽ mastatiwẽ Arãonẽ datsa datsa akĩ shũpĩ wãkĩ ina awa bake dami wakẽ dasibibũ uĩkĩ hatu yuikĩ: —Israelĩ enabuũ, uĩkãwẽ. Narã, nukũ mekenika yushĩ deuski, hatũ Egito anua nuku tashnimabiranimarã— hatu abaunaibũ

Êxodo 32:8

Haskai pe hiwebaĩtirubu ẽ hãtxa dama ẽ hatu yuibiashina hawaira ea henei pashkatã ourowẽ ina awa bake dami washũ inãkuĩ inãkĩ yuinaka menu keyukĩ yuikĩ: “Israelĩ enabuũ, nĩkakãwẽ. Egito anua nukũ mekenika yushinẽ nuku iweimatũ dami itsaki”, akĩ ma yuibaũkanikiki, minabunã—

Isaías 40:19

Huni yura dami wanikatũ huni keska wakĩ dami wamisrã, haska keskamẽ, Deusrã? Tsuãra mane dami wakĩ huni wa hanushũ ouro pewanikatũ hawẽ yura ourowẽ pushatã prata mane dispi txiwetameya sawemakĩ hawẽ yura kaĩmamiski.

Isaías 40:20

Hamẽ habu pei heshe hayamatũ hi kushipa katutã hi dami wanika unãhairai betxitã yunukĩ dami hamebi tĩ itiruma hatu amamiski. Haska keskamahairaki, nukũ Deusrã.

Habacuque 2:13

Hamẽ daya txakayamai hĩ hĩ ikĩ matũ maewã mã beninirã, Senhor Deus kushipahaira dasibi binu keyuatũ txiwẽ menu keyukĩ matu yamawãshanikiki.

Habacuque 2:18

Yushĩ hatu dami wamakĩ keyutã hawẽ hawa watimẽ? Hamẽ besti kẽwãtirubuki. Ha yushĩ damirã, hakiri hawẽ txani besti mia unãmakĩ yusĩtiruburã, hawẽ hawa watimẽ? Hamẽ besti nĩkatirubuki. Yushĩ dami haska hãtxatiruma tsuãra ha yushĩ dami wabiamisrã, haskatã haki txiti itirumẽ? Txanima hamẽ tsua haki txiti itirumaki.

Deuteronômio 4:28

Nawa betsa betsapabu anushũ harishũ yushĩ hunibũ hatũ mekẽnẽ dami wakĩ hi inũ mishki dami wamisbu ha damirã, uĩtirubuma inũ, nĩkatirubuma, inũ pitirubuma inũ, huĩsinatirubumabiakẽ nawabũ beya txibãkĩ mã hatubetã kẽwãshanaii.