Isaías 43:6 - Kaxinawá Bíblia (BR)

⁶ Nortekiri hiweabu eã hatu yuikĩ: ‘Enabu ea ana hatu nitxĩshũrikãwẽ’, akĩ sulkiri hiweabu hatu yuikĩ: ‘Enabu ana hari yaushiama ẽ huni bakebu inũ ẽ aĩbu bakebu nenuma mai kesukauna anua ea hatu iweshũrikãwẽ.

Isaías 43:6 Referencias Cruzadas

Isaías 45:22

Mai kesua anu hiwebaunabuũ, ea anu bekãwẽ, matu mekekĩ ẽ matu piskumashanairã. Earã, ẽ Deuski, ea keska betsa hayamarã.

Isaías 49:12

Uĩkãwẽ! Txaihairakea matu merabewanũ ika bekanikiki, nortekiria inũ bari hikiaikiria inũ mai metuhaira Sinim anua beirã.

Isaías 49:22

Senhor Deusũ yuikĩ: “Hau mĩ huni bakebu hau pũtsaumetã iwekĩ mĩ aĩbu bakebu hau iatã mia anu iwenũbũ nawabu shukuabu ẽ hatu yunushanaii, mae tibi ẽ unãmati hatu uĩmakinã.

Isaías 54:3

txipu yusiuri inũ yusmauri minabu pai manibaũkĩ nawa shukua itxapa hatu atxitã natiã ha mae hanu tsua hiweabuma anu habũ maewatã hiweshanaibuwẽ taearã.

Isaías 60:4

Bewenikitã matu dapi uĩbaũkãwẽ. Uĩkãwẽ, dasibi haska tibi itxatã matu anu beshãkanikikirã. Matũ huni bakebu txaihaira hiweabu beshãkanikiki. Matũ aĩbu bake mishtĩbu hatu pũtsaumeshũ hatu iweshãkanikiki.

Isaías 60:9

Haburã, shashuwã tibi itxatã beaibu maewã Társis anua shashuwã betsa betsapari bebukirãkĩ matũ bakebu txaikea matu iweshũkĩ hatũ ouro inũ hatũ prata hatu bemashãkanikiki, ea Israelĩ Senhor Deus meribitũ ẽ matu kushipahaira wai ea duawanũ, ika beirã.

Jeremias 23:8

Ana hariria shinãma hakia Senhor Deus datã akĩ yuikĩ: ‘Nawã mai pakea nortekiria inũ nawã mai pakea betsa betsapa anu sa akĩ ẽ hatu nitxini anua Israelĩ enabu ana iwekĩ ẽ hatu itxawaniwẽ taeshũ Senhor Deus hiweatũ kena ẽ datã akaii’, ikĩ na hatũ mai anu hiweshũ besti haska yui yubakakubaĩshãkanikiki”, iniki.

Jeremias 29:14

Txanima ẽ matu merabewaya mã ana eki nukushanaii. Tsuã matu ana bika tenemama binumatã betsahaira uĩmakĩ ẽ matu hiwemashanaii. Hanira nawa shukuabu tibi anu sa iki hatũ mae tibi anu mã bunibu haria matu itxawakĩ keyutã na mae anu ana ẽ matu txĩtũmashanaii. Ea Senhor Deusũ ẽ hãtxa ẽ mestẽwaiĩ”, inikiaki.

Ezequiel 36:24

Mai pakea betsa betsapa anu nawabu tibi anu matu iyunibu anua matu ana ikĩ itxawashũ matũ mai pakea anu ẽ ana matu txĩtũmashanaii, hanu mã ana hiwei bushanũbunã.

Joel 3:7

Hakia eanã, haria hatu peiwẽ inãbianibũ Israelĩ enabu ana itxawanũ, iwanã, ẽ hatu iweshanaii, habũ mae anu hau ana hiwekubainũbunã. Matũ shenipabu Feníciabũ Israelbu hatu bika tenemanibu keska habiaskari bika tenemakĩ ẽ matu kupishanaii.