Isaías 43:5 - Kaxinawá Bíblia (BR)

⁵ Dateyamakãwẽ, ẽ matube niakirã. Matunabu ana itxawakĩ nenuma bari huaikiria inũ bari kaikiria hatu iwekĩ ẽ txĩtũwãshanaii.

Isaías 43:5 Referencias Cruzadas

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Isaías 41:14

Senhor Deusũ hawẽ hãtxa mestẽwãkĩ yuikĩ: “Jacó enabu Israelbuũ, ha mã tesheishtani mã babubiarã, hawa dateyamakãwẽ, ẽ matu merabewairã. Earã, Israelĩ Deus meribirã, ẽ matũ piskumanikaki.

Isaías 41:8

“Jacó enabu Israelbuũ, ea nĩkakãwẽ. Ha betxipaikĩ ẽ katuni ẽ tsuma ẽ haibu Abraão mã hawẽ bababuki.

Isaías 41:9

Mai uke betsauria eã ẽ matu kenaniki, txaihaira ianẽwã deshũ betsauria matu katukinã. Hanushũ matu yuikĩ: ‘Maturã, mã ẽ tsumabuki’, akĩ eã matu katunishũ ẽ matu danaĩsmaki.

Isaías 43:1

Hakia natianã, Jacó enabu Israelbuũ, nĩkakãwẽ. Senhor Deusũ matu dami wanitũ matu yuikĩ: “Dateyamakãwẽ, matu iyunibu haria hatu putamabirãkĩ ẽ matu tashnimabiranimaki. Eã matu katunishũ matũ kenawẽ kenakĩ ena ẽ matu waniki.

Isaías 43:2

Mã hene pukebainaya ẽ matubetã pukekubaĩshanaii. Hene besusi pukebaini mã hasama ishanaii. Matumebi mã txi anu napukubia mã menuama ishanaii, ha herepã matu dawakara akamarã.

Isaías 44:2

Ea ẽ matũ damiwakĩ bawanika Senhor Deusũnã, mã kaĩriama matu pe ewawakĩ ẽ matu merabewakubainiki. Jacó enabu Jesurum nĩkaisma mishtĩbuũ, ẽ matu katuni, mã ẽ tsumaburã, dateyamakãwẽ.

Isaías 49:12

Uĩkãwẽ! Txaihairakea matu merabewanũ ika bekanikiki, nortekiria inũ bari hikiaikiria inũ mai metuhaira Sinim anua beirã.

Isaías 49:18

Bewenikitã mĩ mae uĩbaũwẽ, dasibi itxatã mia anu ana bei haskabirãkanimẽkainã. “Ea Senhor Deus ẽ hiweawẽ ibubis mia akatsi ẽ yubakaii. Dasibi habu beshunã, mane inũ tari hawẽrua mia sawemakĩ akawai bekanikiki, aĩbu beneyakatsi daumis keska mia wakinã.

Isaías 54:3

txipu yusiuri inũ yusmauri minabu pai manibaũkĩ nawa shukua itxapa hatu atxitã natiã ha mae hanu tsua hiweabuma anu habũ maewatã hiweshanaibuwẽ taearã.

Isaías 54:7

“Ẽ matu heneyubaĩshanaii, hatishuĩra kamarã. Hakia ẽ nui pae ewapawẽ ana txĩtũkirã matuki nukui ẽ matube ketashameyushanaii.

Isaías 61:9

Matũ bababu pakubaini pe hiweabũ nawa shukua tibibũ hatukiri pe shinãkĩ kẽwãkĩ yuikubaĩshãkanikiki. Senhor Deusũ hawenabu pewẽ hatu duawakubainai dasibibũ hatu uĩkĩ unãshãkanikiki”, ikaya

Isaías 8:10

Mã nukukiri yubakabia mã akama ishanaii. Haska betxipaikĩ mã katushũ yuibia mã nuku akama iriashanaii, Deus nukube nashui itã nuku mekeawẽ taearã.”

Jeremias 23:7

txanima Senhor Deusũ ana yuikĩ: “Bari betsatiã ana ekiri datã aki yubakama ishãkanikiki, ‘Senhor Deus hiweatũ hawẽ kenawẽ Israelĩ enabu Egito anua kaĩmabiraniki’, akĩ yuiamarã.

Jeremias 23:8

Ana hariria shinãma hakia Senhor Deus datã akĩ yuikĩ: ‘Nawã mai pakea nortekiria inũ nawã mai pakea betsa betsapa anu sa akĩ ẽ hatu nitxini anua Israelĩ enabu ana iwekĩ ẽ hatu itxawaniwẽ taeshũ Senhor Deus hiweatũ kena ẽ datã akaii’, ikĩ na hatũ mai anu hiweshũ besti haska yui yubakakubaĩshãkanikiki”, iniki.

Jeremias 29:14

Txanima ẽ matu merabewaya mã ana eki nukushanaii. Tsuã matu ana bika tenemama binumatã betsahaira uĩmakĩ ẽ matu hiwemashanaii. Hanira nawa shukuabu tibi anu sa iki hatũ mae tibi anu mã bunibu haria matu itxawakĩ keyutã na mae anu ana ẽ matu txĩtũmashanaii. Ea Senhor Deusũ ẽ hãtxa ẽ mestẽwaiĩ”, inikiaki.

Joel 3:7

Hakia eanã, haria hatu peiwẽ inãbianibũ Israelĩ enabu ana itxawanũ, iwanã, ẽ hatu iweshanaii, habũ mae anu hau ana hiwekubainũbunã. Matũ shenipabu Feníciabũ Israelbu hatu bika tenemanibu keska habiaskari bika tenemakĩ ẽ matu kupishanaii.

Miquéias 2:12

Senhor Deusũ ana hatu yuikĩ: “Itxakanikabu hatu kupi keyutã Jacó enabu dasibi ana hatu itxawakĩ ha Israelĩ enabu txai hatu iyunibu hatira itxapama teshenibu ẽ hatu itxawashanaii. Txashuwã kenekauana anu mapuabu inũ basi mirima anu mapuabu keska ẽ hatu itxawaya yurabu mirima benimai hãtxa txakayamashãkanikiki.

Lucas 13:29

Ha inũ, Deus shanẽ ibukĩ mai hirabi anua nortekiria inũ, sulkiria inũ, estekiria inũ, oestekiria ikũwaĩbu dasibi dasia tsaushũ pishãkanikiki.

João 10:16

Nenu besti enabumaki, na txashuwã kene anuarã. Hakia txashuwã betsaburi Deusũ ea ma yununiki. Israelbumabiakẽ haturi ẽ mekekubaĩshanaii. Ẽ hui nĩkaibu txashuwã shukua bestitxai mekenika bestitxaiya keska Israelbũ ea ikũwaĩbube Deusũ enabu dasibi ea iweshũshãkanikiki, hatuki dasi wakinã.