Isaías 42:4 - Kaxinawá Bíblia (BR)

⁴ Hanushũ hawẽ yunuti kushipawẽ txakabu binuriama hawa huĩrukuãma inũ hawa punu nukai unãyamasama ishanikiki. Nawa shukua betsa betsapabu Ianẽwã Mediterráneo kesha anu hiweshũ ẽ tsumapã hãtxa nĩka pewashãkanikiki”, aka

Isaías 42:4 Referencias Cruzadas

Salmos 22:27

Senhor Deusrã, ha nukũ shanẽ ibu kayabiki. Mae pakea tibi hatu shanẽ ibushũmiski. Haskawẽ taeshũ mai hirabi anu hiwebaunabu yura betsa betsapa shukuabũ Senhor Deus shinãtã ha bebũ dãti ishũ hau kẽwaĩ beshanũbũwẽ.

Isaías 40:22

Nukũ Deusrã, naĩ mai atxia mamaki hawẽ shanẽ ibu hanu tsauti hayaki. Hari tsaushũ hunibu uĩkinã, shini keska hatu uĩkiki. Naiwẽ hatu atxi keyukĩ hawẽ hatu bepu keyuaki. Tari hiwe txumia hatu pũtea keska wamiski.

Isaías 40:28

matubunã, mã unãmamẽ? Mã nĩkaismamẽ? Nukũ Senhor Deus ikibi ini mai hirabi bawakĩ dami wanirã, harã, punu nukatiruma inũ hĩ itirumaki. Haska dasibi shinãkĩ unã keyuai tsuã nĩkakĩ tana keyutirumaki.

Isaías 41:5

Ianẽwã Mediterráneo kesha anu mai pakea tibi anu hiwebaunabu haskaibu uĩ date paepaibũ mai hirabi kesuakea patxa sakui taka taka ikaya dasibibũ txaimashũ uinũ ika beshãkanikiki.”

Isaías 42:10

Kãtati bena betsawẽ Senhor Deus kãtashũkãwẽ. Nenumahaira mai kesua anushũ kẽwãbaũkãwẽ. Tsuabura mã ianẽwã shashuwãwẽ mapuabu inũ, mã ianẽwã merã yuinaka hiweabu inũ, mai pakea tibi ianẽwã kesua anu mã yurabu hiweabunã, Deus kẽwãkãwẽ.

Isaías 42:12

Ianẽwã kesha mai pakea tibi anushũ Senhor Deus pepawakĩ shabakabi duawakĩ hau kẽwanũbũwẽ.

Isaías 42:21

Ẽ matũ Senhor Deus piskumanikatũ ẽ yusiã hawẽruawẽ ẽ matu e imati ewapa ashũbiakubaina

Isaías 49:1

Senhor Deusũ tsuma txani: “Ianẽwã kesha anu mae tibi anu hiwebaunabu inũ dasibi mã txaihaira anu hiweabuũ, ẽ hãtxai ea nĩkakãwẽ. Ẽ kaĩriama ẽ ewã bake nãti merã ẽ nanea Senhor Deusũ ea katukĩ ẽ kena kayabiwẽ ea kenaniki.

Isaías 55:5

Nawabũ matu unãbuma mã hatu kenaya habũ matu unãmabia nĩkanũ ika matu anu kushibirãshãkanikiki, ea Israelĩ Senhor Deus meribitũ ẽ kushipawẽ ẽ matu duawaiwẽ taearã”, ikai nĩkatã

Isaías 60:9

Haburã, shashuwã tibi itxatã beaibu maewã Társis anua shashuwã betsa betsapari bebukirãkĩ matũ bakebu txaikea matu iweshũkĩ hatũ ouro inũ hatũ prata hatu bemashãkanikiki, ea Israelĩ Senhor Deus meribitũ ẽ matu kushipahaira wai ea duawanũ, ika beirã.

Isaías 9:7

Ha yumetã tsauirã, Davi shanẽ ibuni anu tsaushanikiki. Shanẽ ibuhairakĩ hawẽ kushipawẽ mai hirabi anu shanẽ ibukĩ tsuma keyubaũshanikiki. Hawẽ unanuma hiweaibu keyuama inũ hawẽ yunuti kushipa keyuama ipakeshanikiki. Ha shanẽ ibuhairairã, mestẽ tsuã maewakĩ tsekatiruma habias ipakeshanikiki. Deus kushipahaira dasibi binua hawẽ nui pae tsuã nuka watirumatũ nuku haska washũshanikiki.

Mateus 12:21

Hanushũ txakabu binuaya nawa shukua betsa betsapabũ ikũwãkĩ ẽ tsuma manashãkanikiki’, aka nĩkatã keneniki. Haska hakiri keneni menekĩ Jesusũ yusĩkĩ hatu shushawakubainiki.

Marcos 3:3

huni mekẽ meyuxki betxitã Jesusũ yuikĩ: —Benikirã ha maniabu namakis niwe— aka benia nikẽ

Romanos 16:26

natiã ha hãtxa hakiri hatu kenemakĩ shabakabi wama ini haska Deus ikibi initũ yununi txanima natiã yurabu shukua tibibũ nĩkatã tapĩ keyutirubu wani ma nũ unaiĩ, hau Deusũ hãtxa ikũwãkĩ txibãshanũbunã.

1 Coríntios 9:21

Deusũ yusĩa danãma Jesus Cristõ yusĩa heneama txibãkubaĩkĩ judeubuma habũ Moisés yusĩa txibãbuma Jesus ikũwãmanũ ika hatube hiwea hatũ beya keska txibaĩ ẽ hatube hiweriamiski.