Isaías 41:6 - Kaxinawá Bíblia (BR)

⁶ Habũ mabu wanikabũ hawẽ haibu mabu wanikari merabewakĩ hatu shinã txãkãwamisbuki.

Isaías 41:6 Referencias Cruzadas

Isaías 35:4

Datebu hatu yuikinã: “Ana dateama benimarikãwẽ! Na habia matu dapiki, matũ Deusũ matu piskumakatsirã. Matu meketã matuki sinataibũ haska betxipaimisbu keska habũ txakabumiswẽ hatu kupikĩ tenemashanikiki.”

Isaías 40:19

Huni yura dami wanikatũ huni keska wakĩ dami wamisrã, haska keskamẽ, Deusrã? Tsuãra mane dami wakĩ huni wa hanushũ ouro pewanikatũ hawẽ yura ourowẽ pushatã prata mane dispi txiwetameya sawemakĩ hawẽ yura kaĩmamiski.

Isaías 41:5

Ianẽwã Mediterráneo kesha anu mai pakea tibi anu hiwebaunabu haskaibu uĩ date paepaibũ mai hirabi kesuakea patxa sakui taka taka ikaya dasibibũ txaimashũ uinũ ika beshãkanikiki.”

Isaías 41:7

Dami wakĩ hi mabu wanikatũ hawẽ haibu ouro mane inũ prata mane wanikari benimawamiski. Hawẽ mastatiwẽ mane dami wakĩ sapa wanikatũ hatũ mane mabu txusha txusha anika benimawariamisbuki. Hanushũ dami menekĩ ma keyutã ha mane tsis anika yuikĩ: “Mĩ pehaira wamiski”, atã hanushũ ha dami hau dabeke dabeke iyamanũ pregowẽ mestẽwãkĩ mastamisbuki.

Isaías 44:12

Habũ mane dami wamisbu hatũ dayati mabu shinãkãwẽ. Mane payukĩ txiwẽ kuamisbuki. Hanushũ hawẽ pewakatsi mane kushipa betsa pewati tsumashũ mastatiwẽ mastakĩ pure pure akĩ hatũ pũyã kushipawẽ dayamisbuki. Hakia ha mane dami wanika piama dayakĩ hawẽ kushipa keyui inũ ũpash akama hĩ imiski.