Isaías 41:5 - Kaxinawá Bíblia (BR)

⁵ Ianẽwã Mediterráneo kesha anu mai pakea tibi anu hiwebaunabu haskaibu uĩ date paepaibũ mai hirabi kesuakea patxa sakui taka taka ikaya dasibibũ txaimashũ uinũ ika beshãkanikiki.”

Isaías 41:5 Referencias Cruzadas

Gênesis 10:5

Jafé hawẽ bakebu ianẽwã kesha betsa anu bushũ dasibibũ ibu wai shuku tibi hatũ hãtxa betsa wakĩ hatu pashka akeakenibukiaki.

Salmos 65:8

Bari huaikiria inũ bari kaikiri txaihaira ha maiwẽ hiwebaunabu mĩ e imati kushipahaira uĩ saki saki imisbuki. Miwẽ benimai hiwebaunabu sai sai iriamisbuki.

Salmos 65:9

Miã besti mai hirabi mekeshũ ui imakĩ dasibi mĩ benemamiski. Miã hene bai tapia tibi txara txara imakĩ nashimakĩ shekiwã trigo mĩ benemamiski. Haska wakĩ yunu bai wabu tibi mĩ hatu pewashũmiski.

Salmos 67:7

Deusũ hau nuku duawakubainũwẽ! Mai hirabi anu hiwebaunabũ hau pepawakĩ ha besti duawakĩ kẽwãkubainũbũwẽ!

Êxodo 15:14

Haska mĩ amis nĩkai nawa betsa betsapabu datehairashãkanikiki. Filisteu nawabu datei saki saki ikaibũ

Isaías 41:1

“Mai pakea Mediterráneo Ianẽwã kesha anu hiweabuũ, hãtxama pestã ea nĩkakãwẽ. Ana dateama huĩti kushipakãwẽ. Haska mã sinatanamemisburã, neri itxai bekãwẽ, haska ẽ matu amamiskiri nũ hãtxanũbunã.

Isaías 41:6

Habũ mabu wanikabũ hawẽ haibu mabu wanikari merabewakĩ hatu shinã txãkãwamisbuki.

Josué 2:10

Haska Egito anua mã pashaibu Senhor Deusũ Ianẽwã Tashipa matu pashkashuna mã pukebirani inũ Hene Jordão ukeri kesha betsauria Amorreu nawa shanẽ ibu dabe Seom inũ Ogue hatunabube mã hatu yamawaimairã, nũ unaiĩ.

Josué 5:1

Israelĩ enabu hau Hene Jordão pukenũbũ Senhor Deusũ nemakĩ hatu netsushũshĩkẽ bari hikiaikiria Amorreu nawabu shanẽ ibubu inũ Ianẽwã Mediterráneo kesha anu hiwebaunabu Canaã nawabu shanẽ ibubu dasibibũ hatukiri nĩkatã mẽtsisipa detenamenikabubia hatũ huĩti nishmai Israelĩ enabuki datei punu nukai ana kushipa hayabuma Israelĩ enabube detenamekatsi ikama inibukiaki.