Isaías 35:4 - Kaxinawá Bíblia (BR)

⁴ Datebu hatu yuikinã: “Ana dateama benimarikãwẽ! Na habia matu dapiki, matũ Deusũ matu piskumakatsirã. Matu meketã matuki sinataibũ haska betxipaimisbu keska habũ txakabumiswẽ hatu kupikĩ tenemashanikiki.”

Isaías 35:4 Referencias Cruzadas

Isaías 1:24

Haskawẽ taeshũ Senhor Deus kushipa dasibi binuatũ hawẽ kushipawẽ Israel merabewamis hawẽ hãtxa kushipawẽ hatu yuikĩ: “Hatishũ besti matũ txakabu ẽ tenetiruki! Mã habu eki sinataiburã, matũ txakabu tanatã matube detenameai keskakĩ ẽ matu kupishanaii.

Isaías 28:16

haskaibuwẽ taeshũ Senhor Deusũ hatu yuikĩ: “Mishki karuhaira ẽ katuni ha mishki uĩbaĩ hakimatima haki tsamabaũkĩ mestẽwãti Sião anu ẽ tashnimashanaii. Tsuãra ha mishki betxipaikĩ katutã hawẽ datetirubumaki, ma haki txiti ikarã.

Isaías 31:5

Isapã hawẽ bake mekea ha mamaki nuyakaũmiski. Haska keskariai Senhor Deus dasibi binua Jerusalém mekei ẽ haskashanaii. Earã, ẽ hawẽ mekenãki. Ẽ hawẽ piskumanikaki. Ẽ hawẽ mepamanikaki. Nuitapaibu ẽ hatũ pashawanikaki”, ea wakubainikiki.

Isaías 32:4

Hatũ akarã, shinãtãs akĩ kaneama hakia bebũkiri shinã pewatã akubaĩshãkanikiki. Habũ hamapai hatu yuikinã, shabakabihaira hatu unãmashãkanikiki.

Isaías 33:22

Ha shashuwã natxãkãki hawẽ dispi tibiki ha tari haki pũtea niwe bekĩ ana pũtes wamawẽ taea ha tari pea pea itiruma ishanikiki. Hatũ shashuwã ana harakiri katirumakẽ haki inatã habu nukuki sinatamisbũ mabu pepa dasibi mapematã mabu nũ pashkaibũ bekũbu inũ tekeyabũri habuna bishãkanikiki. Ha haskaibutianã, Senhor Deusrã, nukũ Shanẽ Ibu inũ, nukũ unãtinanika inũ, nukũ hãtxa pewatã txibãmanika ishanaiwẽ taea hatũ nuku piskumashanikiki.

Isaías 40:2

Hãtxa duapawẽ Jerusalém anuabu merabewakĩ ea hatu hãtxa washũkãwẽ. Hatu yuikinã, matu tsuma wanishũ matu dayamamisburã, ma keyuaki. Mã kanetxakayamakubaĩmiswẽ taeshũ ẽ kupiti kushipahaira bestikima ẽ ma matu tenemakubainimaki. Haska memakĩ matũ txakabu ẽ ma matu pakamaimaki”, ikaya

Isaías 44:2

Ea ẽ matũ damiwakĩ bawanika Senhor Deusũnã, mã kaĩriama matu pe ewawakĩ ẽ matu merabewakubainiki. Jacó enabu Jesurum nĩkaisma mishtĩbuũ, ẽ matu katuni, mã ẽ tsumaburã, dateyamakãwẽ.

Isaías 49:25

Senhor Deusũ mestẽwãkĩ yuiarã: “Ha detenamenika kushipatũ hawara huni betsana bishiã txanima ana mebĩshũtiruki. Ha inũ, huni pubenẽ hawẽ hawara biãbiashĩkẽ txanima mebĩtiruki. Habu matuki sinatai ha ikaibu ea ẽ matu hãtxashũshanaii. Eã kayabis matũ bakebu ẽ matu piskumashũshanaii.

Isaías 49:4

ea hawẽ tsumapã shinãkĩ: “Hamẽ ẽ daya ẽ benui hawa biamabia dayahairakĩ ẽ kushipa ẽ hamẽ puta bestimaki”, ẽ ibiaya txanima dasibi ẽ akairã, Deusũ tsuma keyuaki. Deusũ besti hawẽ kushipawẽ ea manakua ẽ uĩshanaii.

Isaías 61:2

Ea ẽ Senhor Deus ha baritiã ẽ hatuwẽ nuikĩ ẽ hatu merabewashanai hatuki txanitãwẽ. Ha shabatianã, nukũ Deus ha nukuki sinatamisbu nuku hatu kupishũshanikiki, iki hatuki txanirã. Dasibi punu nukabu hatu merabewakĩ ea hatu daewashũtãwẽ.

Isaías 63:4

Eanã, ẽ yunuti kushipawẽ enabu Israel ẽ merabewashanai ha shabatiã ẽ ati wani ma hanu ikaya enabu ẽ hatu ana mebikinãshanaii.

Isaías 7:4

eska yuitãwẽ: ‘Síria shanẽ ibu Rezim hawenabube inũ Remaliasĩ bake matuki sinatahairai txi tsistu dekẽbia ma nukai keskabuki. Haskawẽ taea mesei hatuwẽ dateama mimebi pe mekewe.

Habacuque 2:3

Haska nama keskawẽ ẽ mia unãmai hawaira huamabiakẽ hanu huai katutã ẽ yunua txanima hushanikiki. Hakia hawa niti ikama hushanaiwẽ taea manayukubaĩshãwẽ.

Malaquias 3:1

Senhor Deus kushipa dasibi binu keyuatũ matu yuikĩ: “Ẽ hãtxa bunika ea bebũ ẽ nitxĩshanaii, hau hatũ ẽ hanu kashanai bebũkiri hau ea bai pewashũshanunã, ikĩ Senhor Deus ẽ matũ shanẽ ibu mã ea benakubaĩmisbu hanu eki nukuti Templo anu hawairakaĩ ẽ hikishanunã. Haska ẽ yubakani ẽ hãtxa matu bushuĩ ma kaikiki, ha uinũ ika mã ikubainaiburã”, ikaya

Lucas 21:28

Haskai taeaya mã hawawẽ ana hawa teneama samama ẽ matu pepawẽ hiwemayuai unãtã benimahairai naiuri teskãtã uĩkĩ ea betxishãkãwẽ— iwanã,

Efésios 6:10

Ẽ betsabu inũ ẽ puibuũ, nukũ Shanẽ Ibũ kuxipa paepa mã hayarã, hawẽ kuxipai ewakãwẽ.

1 Tesalonicenses 5:14

Ẽ betsabu inũ ẽ puibuũ, nũ ana matu yunuai nĩkairakãwẽ. Dayama txikixaibu hatu yusĩ pewakĩ hatu ha akubaĩkãwẽ. Ha inũ, hatũmebi hawara txakabuwatã kasmai nĩkatã beshtekei babuaibu hatu merabewakubaĩriakãwẽ. Ha inũ, betsabũ dama ikũwaĩ huĩti shubu heneama hatu merabewakubaĩriakãwẽ. Ha inũ, yurabu hiwe txakabu haskaira hatuki sinatama unãshubira hatu tapĩmakubaĩkãwẽ.

2 Timóteo 2:1

Mĩ ẽ bake keska Jesus Cristoki dasia mĩ hawẽ kuxipa hayanũ Deusũ hawẽ pepa mia inãnirã, hawẽ besti kuxipakũkaĩwẽ.

Hebreus 9:28

Ha inũ, Cristo haska keskariai hawẽ hiweawẽ besti wai mawariakĩ Deus nuku inãshũkĩ nũ habũ ikũwãshanaibũ itxapabũ txakabu nuku buashuniki. Txipu ana ha katxu Cristo huirã, ana txakabu pewatanũ ika huama hakia nũ habũ manaka bestiabu nuku pasha watã mekẽnũ ika ana hushanikiki.

Apocalipse 1:7

Uĩa. Nai anua nukũ Shanẽ Ibu nai kuĩwẽ huai dasibibũ uĩshãkanikiki. Ha dikabi habũ hatu tenãmanibu inũ habũ danãmisbu mai hirabi anu manibaunabũ uĩ datei kashashãkanikiki. Haskashãkanikiki, txanimarã.

Apocalipse 2:10

Matu bika memashanaibuwẽ taea dateyamakãwẽ. Eska wakĩ diabõ bestibu matu hatu atximatã bitxiti hiwe anu matu bitximashanikiki. Haska wakĩ dasibi mã ea ikũwaĩbu matu bika tenemaibu hawẽ matu unãti wakeakeshãkanikiki. Haskawẽ taea dez dia besti haska matu tenemaibuwẽ taea txĩtũyamashãkãwẽ. Matu itxakawakĩ matu tenãbiaibũ tenekubaĩshãkãwẽ. Matu haska waibuwẽ taeshunã, eãnã, matũ manakuti inãkinã, hiwea kayabi ẽ matu inãshanaii.

Apocalipse 22:20

Na hãtxa hatũ ea pewamaitũ yuikĩ: “Txanima ẽ samama ana kashanaii”, ikaki. Habiaskaki. Nukũ Shanẽ Ibu Jesus Cristoõ, menã hawaira huriwe, nũ mia xinaĩnã.