Isaías 35:5 - Kaxinawá Bíblia (BR)

⁵ Hanushũ bekũbu bepeshetã uĩshãkanikiki. Patabu pape ikĩ nĩka pewashãkanikiki.

Isaías 35:5 Referencias Cruzadas

Êxodo 4:11

Senhor Deusũ ana yuikĩ: —Tsuã yurabu keshaya bawanimẽ? Hãtu wakĩ huyu wakĩ pata wakĩ bekũ wãkĩ inũ uĩmairã, tsuã amismẽ? Hakia eã besti ẽ amiski, Senhor Deusũnã.

Provérbios 20:12

Hawẽ nĩkati pabĩki inũ hawẽ uĩti beru Senhor Deusũ dami wakĩ hatu hayawaniki.

Isaías 42:16

Beshushbu hatu iyukinã, bai tanamabaĩkĩ hanu uĩ buisbuma anu ẽ hatu iyushanaii. Meshu anu buaibu hatu bebũshũ bĩ hatu txashawashũkĩ mai txakabu pãpa wakĩ bebũkiri hawamawakĩ ẽ hatu pewashũshanaii. Na habu haska tibirã, hawa yupatirubuma ẽ hatu ashũshanaii.

Isaías 42:18

Deusũ ana hatu yuikĩ: “Patabuũ, nĩkakãwẽ. Beshushbuũ, shinãkĩ unãkãwẽ.

Isaías 43:8

“Enaburã, ea anu nitxĩkãwẽ. Haburã, beruyabia beshushbuki. Pabĩkiyabia nĩkaisma patabuki.

Isaías 50:4

Habu nuitapai punu nukabu ea Isaíasĩ ẽ hatu merabewakĩ benimawashanũ Senhor Deusũ ea unanepa watã ea yununiki. Ẽ shabakabi pe nĩkakubainũ merabewakĩ shaba tibi Deusũ ea pe yusĩkubaĩmiski.

Isaías 50:5

Senhor Deusũ tapĩmakĩ ea unanepa waya hawa danaĩ haki petxi ẽ hawẽ huĩti kushismaki.

Mateus 12:22

Habianushũri yushĩ txakabũ huni beshush wakĩ huyu wani Jesus anu iweabu hawẽ yushĩ txakabu nitxĩkĩ Jesusũ shushawa hanushũ uĩ pewai hãtxaya

Mateus 21:14

hanua ha Templo hemaĩtĩ anu bekũbu inũ kistseresnibu Jesus anu iweabu hatu kaya waya

Lucas 4:18

“Nuitapaibu kakape ẽ hatu yusĩnũ Deusũ ea katuniwẽ taea hawẽ Yushĩ Pepa ẽ hayaki. Hanushũ huĩti nixmabu hatu benimawakĩ yura betsã hatu tsuma wa henemakĩ bekũ keskabu bepesha keska wakĩ hatu yusĩ pewakĩ hatu itxakawaibu nemakĩ Deus benimawatikiri dasibibu ẽ hatu unãmakubaĩshanũ Deusũ ea yununiki”, hatu watã keneni hãtxa yuikĩ keyushũ

João 11:37

hakia shanẽ ibu betsabu yuinameriai: —Huni bekũ shushawabiaxina hau Lázaro mawayamanũ shushawati xaraxina hawawẽ haska watima damapaikiki— abainaibũ

João 9:39

Jesusũ ana yuikĩ: —Deusũ hatu unãti waiwẽ taea yurabube ẽ hiwekũkainaii. Tsuabũra uĩsbumã bepesheshũ hau uĩshanũbũ inũ natiã tsuabũra xinãkĩ uĩbiai bekũ keska hau ishanũbũ ẽ huniki— ikai

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.

Efésios 5:14

Haskakẽ haska xinã betsa watirubu xinãkĩ Deuskiri nawati yuikĩ: “Txakabũ matu tsumarã, mepamarikãwẽ. Mã mawabiani hanũ beniribirãkãwẽ. Matũ txakabu mã heneaya Messias Cristõ hawẽ txashawẽ matu yusĩkĩ matu unãmashanikiki”, ikaki.