Isaías 31:2 - Kaxinawá Bíblia (BR)

² Hakia ha Deusrã, unanepahairaki. Hamapai tibi atiruki. Txakabu watiru unaĩkiki. Hawara yuitã maewakĩ ana shinã betsa waismaki. Huni txakabubu hatuki sinatakĩ hatu kupishanikiki. Habũ txakabuwaibu tsuãra hatu merabewamisbu hatuki sinatariamiski.

Isaías 31:2 Referencias Cruzadas

Jó 5:13

Huni unanepa hawẽ shinã txakabuwẽ yubakai parananãmisbu Deusũ hatu beshtemiski.

Isaías 1:4

Mã hunibu txakabuhairarã, mã peirakãwã! Mã yurabu atimapa txakabu bestiwẽ kemui mã hiwearã, matũ ibubũ txakabuwakubainibuwẽ taea mã hawẽ bakebũ habias txakabu txibaĩbu inũ, mã hawẽ bababũ haska ariaiburã, haska wakĩ mã ma Senhor Deus heneaki. Israelĩ Deus mekenã meribi mã hayabia putatã mã ma shunũbainaki.

Isaías 30:3

Faraónẽ kushipa iruti mã benabiai ka iruti hayamakẽ hawẽ taea mã dake bestishãkanaii. Hawẽ hanu irui utati mã benabiai ka matu ashuãmawẽ taea mã babukirãshanaii.

Isaías 30:7

Egito ana kushipa hayama inũ hawa hatu merabewatirumawẽ taeshũ hawẽ kena betsa dabikĩ: “Yuinaka mese atimapa hawauma hi hi ikai keskaki”, akinã.

Isaías 31:3

Egito nawaburã, hunibu bestiki, deusmarã. Hatũ cavalorã, nami inũ shau besti hayaki, yushĩmarã. Deusũ hawẽ kushipa yunukĩ hatu kupiaitiã ikirã, eskashãkanikiki. Egito nawabũ hawẽ kushipawẽ mekenikabu inũ Israelĩ enabu hatuki iruaibu ha dabe mawai dasibi hanus di ishãkanikiki, benui keyuirã.

Isaías 32:6

Yurabu atimapai daya peisma hawẽ beyawẽ taea haska hãtxamis heneama inũ, haska txakabu shinaĩ keska yubakatã heneama akubaĩmisbuki. Txakabu besti kaĩmatã hiwenũ ika hamapai atimapati benakubaini Senhor Deuskiri hãtxa txakabu yui txanitxakamisbuki. Habunã, bunibiranaibu hawa hatu inãma inũ ũpash manubiranaibu hatu amakĩ pewatã hatu nitxĩsbumaki, hatu nuitapawakinã.

Isaías 45:7

Bari txashati inũ, meshu inũ, benimai hiweti inũ, hamapaiwẽ bika teneti sharabu pawakĩ ẽ dami waniki. Na haska tibi dami wakinã, ea Senhor Deusũ anishũ ẽ akubaĩmiski”, iwanã,

Jeremias 36:32

una sebi betsa Jeremiasĩ bishũ hawẽ keneshunika Baruque inãtã Jeremiasĩ ana yuikubaina hawẽ hãtxa Baruquẽ ana keneshũkubaĩkĩ una sebiki ha dukũ keneshina shanẽ ibuhaira Jeoaquimnẽ kuashina keska habias hãtxa kenekĩ keyua ha dikabi hãtxa betsa habias keskari Jeremiasĩ ana yuikĩ txitximakubaina Baruquẽ kenekĩ keyushunikiaki.

Amós 3:6

Hamẽ maewã anu mese huaya hatu unãmakĩ tsuãra trombeta txã txã akaiwẽ taea yurabũ nĩkai datemisbuki. Ha maewã anu haska kainã, Senhor Deusũ ma hanu txakabu hatu yunua haska besti kaĩkũkaĩmiski.

Números 10:35

Senhor Deusũ hãtxa aruni hi bau bukatsi ia taewaibũ Moisĩ Deus yuikĩ: “Senhor Deusuũ, benirikaĩwẽ, ha mia danaĩ miki sinataibũ mia uĩ datei hau pashai sa ikubainũbunã”, aki hãtxakũkaini

Números 23:19

Yurabu hiwebia mawamisbu keskama Deus txanitxakaismaki. Ha inũ, hawẽ shinã betsa waismaki. Hawara yuishũ amiski. Hawara yubakashũ akĩ keyumiski.

Mateus 24:35

Hakia habiaskariai nai anua inũ mai anua Deusũ damiwani habu keyushãkanikiki. Hakia ẽ hãtxawẽ bebũkiri ẽ matu yusĩaĩnã, binuama menepakeshanikiki.

Romanos 16:27

Deus ha besti unãnepahaira kẽwãkubainãkãwẽ, niti ikamarã, hawẽ bake Jesus Cristowẽ taeshunã. Haskakirã. Hatiski, ẽ hãtxarã. Paulo

Josué 23:15

Hakia hawẽ yubani hãtxa danãkĩ yushibubu bebũ ana duawai mã dãti ishũ hatu kẽwãshanaya matuki dakekĩ matuki ana sinatahairakĩ hati ikis matu duawamis keska wakĩ ana akama hakia betsa betsapa matu tenemakĩ yupukĩ na mai pepa matu ibu wamani anushũ tere akĩ Senhor Deusũ matu hawaira yamawashanikiki, kupikinã”, hatu watã

1 Samuel 2:3

Nukũ mekenika Senhor Deusũ dasibi unãmiswẽ taea hau keĩ tsua hãtxayamakubainũbũwẽ. Haska yurabũ amisbu unãti wakĩ pepawẽ inũ txakabuwẽ mĩ hatu kupimiski.