Isaías 30:18 - Kaxinawá Bíblia (BR)

¹⁸ Mã haskabiashanaya Senhor Deusũ matu manaikiki, hawẽ nui pae matu uĩmakatsirã. Haska matuwẽ nuitxakayamai matu uĩmakatsi ikikiki, ha Deus yunuti kushipa kanetiruma hayawẽ taearã. Senhor Deus dasibi tsuabũra mã manakaibuwẽ taea hawẽ benimakanikiki.

Isaías 30:18 Referencias Cruzadas

Salmos 2:12

Ha inũ, hawẽ bake kẽwãkĩ pepawakubaĩkãwẽ, mã nĩkamawẽ taea hawaira matuki sinataya hau bai namakishũ matu tenãyamanunã. Hamẽ tsuabũra Deusũ Katua betxipaikĩ mekemakubaĩmisburã, habu besti benimakubaĩmisbuki.

Salmos 27:14

Senhor Deuski mestẽtã hawẽ kushipai punu nukama hawẽ shinã betxipaikĩ hawa txĩtuãma haki mestẽkubaĩkãwẽ.

Salmos 34:8

Ibubis Senhor Deuski txiti ikĩ unãkãwẽ. Senhor Deusrã, merabenã pepahairaki. Tsuabũra haska wai haki txiti ika ha huni benimakũkaĩmiski.

Salmos 84:12

Senhor Deus kushipa dasibi binu keyuatuũ, tsuara miki txiti ikĩ mia ikũwainã, benimakanikiki.

Provérbios 16:20

Yununika pepatũ hamapai akĩ pewairã, hawẽ daya pewakubaĩkĩ ewa wamiski. Tsuãra Senhor Deus ikũwãyã benimawakĩ hatu duawamiski.

Isaías 28:17

Ha hiwe benikinã, hawẽ tanati mane shãkama dispi derũtãshũ tana pewamisbu keska hawẽ yunuti kushipa kanetiruma ishanikiki. Hawẽ tapa yushtuma keska wakĩ hawẽ hãtxa kanetirumawẽ ẽ ashanaii”, hatu wanikiaki. Txanitxakakĩ ha hune iruti mã benamisrã, barush ui ikĩ yamawashanikiki. Hene bai matabirãkĩ hanu mã hunemisbu matu betsekãbaĩshanikiki.

Isaías 33:2

Senhor Deusuũ, miki txiti ikĩ nũ mia manaii. Nukuwẽ nuiriwe! Penama tibi mĩ kushipawẽ merabewakĩ nuku uĩmakubaĩwẽ. Nũ bika teneaitiã nuku merabewakĩ piskumakubaĩwẽ.

Isaías 33:5

Naiurirã, Senhor Deus shanẽ ibu dasibi binu keyua hiweaki. Ha nukũ Deusũnã, Sião anu hawa kanetiruma inũ hawẽ yunuti kushipa pepawẽ atxishanikiki.

Isaías 40:31

Hakia tsuabura Senhor Deuski txiti ikaburã, ana kushipa bena hayakubaĩkanikiki. Kushikaini hawa punu nukatiruma inũ bai tanabaini hawa babutirubumaki, ixmĩ hawa peshukuama nuyakaunai keskairã.

Isaías 42:14

Senhor Deusũ ana yuikĩ: “Hatishuĩra ẽ nishma dakani inũ ẽ pes dakanirã, ẽ hui ẽ ana meketirumaki. Hakia natiã aĩbu bake kainũ ika bis imis keskai inũ, ana teneama tsekerẽ imis keskai ẽ haskashanaii.

Isaías 42:16

Beshushbu hatu iyukinã, bai tanamabaĩkĩ hanu uĩ buisbuma anu ẽ hatu iyushanaii. Meshu anu buaibu hatu bebũshũ bĩ hatu txashawashũkĩ mai txakabu pãpa wakĩ bebũkiri hawamawakĩ ẽ hatu pewashũshanaii. Na habu haska tibirã, hawa yupatirubuma ẽ hatu ashũshanaii.

Isaías 55:8

Senhor Deusũ ana hatu yuikĩ: “Ẽ shinanã, matũ mã shinãmis keskamaki. Ẽ haska amisrã, matũ mã amis keskamariki. Nai keyatapa nenumahairatũ mai binua keska ẽ shinãmis inũ haska ẽ amistunã, matũ shinã ẽ binuaki”, ikĩ Senhor Deusũ hawẽ hãtxa txanima mestẽwaniki.

Isaías 61:8

Deusũ hatu yuikĩ: “Yunuti kushipa pepa ea Senhor Deusũ ẽ betxipaimiski. Hakia habu yumetsumisbu inũ yura betsa tenãmisbu danaĩ ẽ hatuki sinatamiski. Ẽ shinã haskawẽ taea enabu habu duawakĩ heneama pewẽ hatu manakukatsi iki ẽ hatube yubakakĩ mestẽwãkĩ ẽ akibi ashanaii.

Isaías 64:4

Nũ miki txiti ikaibu mĩ nuku merabewamis keska tsua mia keska yushĩ betsa binua hayama nũ nĩkaisma inũ nũ uĩsmaki. Mia besti mĩ Deus kayabi kushipatũ dasibibu binuaki.

Isaías 8:17

Senhor Deusũ hawẽ hãtxa Jacó enabukiri hunebiaya eanã, ikũwaĩ ẽ haki txiti ikaii.

Malaquias 2:17

Senhor Deusũ matũ hãtxa nĩkai ma matuki txikishi hatsãhairabiakẽ nĩkamas matũ ana yukakĩ: “Nuku nĩkai hau hatsanũ hawa nũ hãtxa txakabu yuiai?” iwanã, mã yukakubainaii. Hakia matũ yuikĩ: “Nũ txakabu wabiaya Senhor Deus nukuwẽ benimaikiki, shinã txãkainã”, iwanã, hãtxakĩ mã yuikubainaii. Hakia matuburã, Deus pepama dabanẽ mã ikũkainaii, hawa ikũwãmarã.

Lucas 15:20

nawa henebaini hawenabu anu txĩtũkaini hawẽ epã hiweki kemariamabiakẽ txaike hawẽ epã betxibaini hawẽ nui kuxikaini haki nukutã benimahairakĩ ikushũ tãtsu tãtsu akaya

Lucas 2:25

habiatiãri huni betsa pepahaira Deus kẽwãkĩ kaneisma hawẽ kena Simeão Jerusalém anu hiweshũ Deusũ Israelbu dasibi ana merabewakĩ hatu pekakĩ akawashanai yubani Simeão manakakubaĩxina hawẽ Yushĩ Pepa haya hatũ merabewakĩ unãmaya

Hechos 5:31

Deusũ haska watã nai anu ainitã hawẽ yusiuri nuku tsaũshunimakẽ ha nukũ mekenã inũ nukũ yusĩnã nũ ma hayaki. Haskawẽ taea nũ Israelbu shukua tibi tsuabũra nukũ txakabu henetã Deus anu txĩtuĩ nũ xinã betsaibu nuku hawenabu wakĩ Deusũ nukũ txakabu buatã ana xinãmaki.

Romanos 5:20

Hanua haskai yurabu txakabu bestiwẽ hiwei mesei atimapahairakubainaibũ Deusũ hawẽ yunuti inũ hawẽ nemati nukũ shenipabu Moisés yusĩmakinã, ana hatũ txakabu ewawati waniki. Hanua txakabui pikubiaibũ Deus hatuwẽ nuikĩ hatũ txakabu binumakĩ hawẽ pepahaira hatu unãti wamakĩ hatu duawaniki.

Romanos 9:22

Haska yurabũ hatũ txakabuwẽ Deus danaĩbu Deus hatuki sinatakĩ mawa kayabiwẽ hatu kupishanai inũ, ha besti kuxipahaira Deusũ yurabu unãmakatsi ikĩ haska hawẽ kuxipawẽ hawaira akama teneshũ manayukubainikiki.

Efésios 1:6

Haska nuku wakinã, Deus duapahaira nũ hawẽ kẽwãpakeshanũbũ nuku haska waniki, hawẽ bake abuniwẽ nukuri hawẽ duawanũ ishunã.

Efésios 1:8

Deusũ nuku haska wakinã, dasibi binuatũ nuku unãnepa wakĩ haska nuku pe nĩkanika wakĩ hawa yauxiama Deusũ nuku ashuniki.

Santiago 5:11

Ha inũ, txĩtuãbumawẽ taeshũ Deusũ duawakĩ hatu kẽwãkubainiki. Nukubu nũ xinã txãkãkatsis ikairã, hawara bika tenekĩ haska besti meama hawẽ kuxipakĩ binukĩ nũ tenetirubuki, haska nũ abuamabiarã. Haska nukũ shenipabu Jó ini mã nĩkamiskiri shabakabi ana matu xinãmanũ nĩkakãwẽ. Hamapai bika tibi yurabũ tenetirubu Jõ tenekubainaya hawẽ yura txami keyuni inũ hamapai bikahaira teneai Deusũ nemama ibiaya Jõ Deus ikũwãpakekubaini txĩtuãma inikiaki. Haska Jõ ikũhairawai nukũ Shanẽ Ibu Deusũ haskara watã hawẽ nuikĩ duawakĩ atimas hawẽ isĩ shushawatã ana hawenabu inũ hawẽ yuinaka debui keyuima ana hawẽtxaĩs inãkeakebainikiaki, hawẽ xinã pepawẽ Deus Jówẽ nuikinã, nukũ Shanẽ Ibu nui txakama inũ merabenã txakaismatũ hawẽ nuikĩ ashũkinã.

2 Pedro 3:15

Xinaĩrakãwẽ. Nukũ Shanẽ Ibu nukuwẽ nui hĩ hĩ ikama pewẽ nuku pashawakatsi nuku merabewaikiki. Habiaskiri nukũ betsa Paulõ matu keneakeakeshũyamaki, Deusũ merabewaya unãnepakinã.

2 Pedro 3:9

Hanu Jesus huti wani ma binuaya habũ xinãtxakai hãtxamisburã, eskaki, xinãkãwẽ. Nukũ Shanẽ Iburã, matuwẽ taearã, hĩ hĩ ikamaki. Dasibibu Deuskiri xinã betsatã hau benui mawa kayabi iyamashanũbũ tenetã matu manakai ikũkainikiki.

1 Samuel 2:3

Nukũ mekenika Senhor Deusũ dasibi unãmiswẽ taea hau keĩ tsua hãtxayamakubainũbũwẽ. Haska yurabũ amisbu unãti wakĩ pepawẽ inũ txakabuwẽ mĩ hatu kupimiski.