Isaías 28:17 - Kaxinawá Bíblia (BR)

¹⁷ Ha hiwe benikinã, hawẽ tanati mane shãkama dispi derũtãshũ tana pewamisbu keska hawẽ yunuti kushipa kanetiruma ishanikiki. Hawẽ tapa yushtuma keska wakĩ hawẽ hãtxa kanetirumawẽ ẽ ashanaii”, hatu wanikiaki. Txanitxakakĩ ha hune iruti mã benamisrã, barush ui ikĩ yamawashanikiki. Hene bai matabirãkĩ hanu mã hunemisbu matu betsekãbaĩshanikiki.

Isaías 28:17 Referencias Cruzadas

Isaías 28:15

Matũ yuikĩ: “Hau isĩ txakabu hua nukuki nukuyamashanũ ika ha mawa mekenikabe nũ ma yubakaimaki. Mawa bumisbu anu nũ ma habe yubakaimaki. Nũ hawẽ irui meketiru mã benairã, txani besti nũ benaii. Hunenũ ika txaniwẽ besti nũ parananãkũkainaii”, ikaibũ

Isaías 28:2

Senhor Deusũ huni kushipa ma hatuki tanashũ pewani txipu Samaria anu yunushanikiki. Hawẽ kushiparã, barush ui mesehaira niri ikai keskaki. Niwe kushipahaira bekĩ dasibi txakabuwamis keskaki. Ui tueketã heneisma keskaki. Hene bai mata txakayamakĩ dasibi atxibaĩmis keskaki. Hawẽ mekẽnẽ mai txakabuwakĩ berãkĩ

Isaías 30:18

Mã haskabiashanaya Senhor Deusũ matu manaikiki, hawẽ nui pae matu uĩmakatsirã. Haska matuwẽ nuitxakayamai matu uĩmakatsi ikikiki, ha Deus yunuti kushipa kanetiruma hayawẽ taearã. Senhor Deus dasibi tsuabũra mã manakaibuwẽ taea hawẽ benimakanikiki.

Isaías 32:2

Habu tibirã, eskabu ishãkanikiki. Niwe beaya hanu irutirubu keska inũ, ui niweya beaya hanu pashatirubu keska inũ, mai tsusĩ anu mibãkĩ bai tibi waimabu anu hanu hene habai keska inũ, hanu hawa hayama anu barĩ kuahairai anu mishkipãwã dakashũ mai utawamis keskabu ishãkanikiki.

Isaías 61:8

Deusũ hatu yuikĩ: “Yunuti kushipa pepa ea Senhor Deusũ ẽ betxipaimiski. Hakia habu yumetsumisbu inũ yura betsa tenãmisbu danaĩ ẽ hatuki sinatamiski. Ẽ shinã haskawẽ taea enabu habu duawakĩ heneama pewẽ hatu manakukatsi iki ẽ hatube yubakakĩ mestẽwãkĩ ẽ akibi ashanaii.

Jeremias 7:14

Haskawẽ taeshũ ha ẽ kẽwãti hiwe meribi Siló anua ẽ txakabuwani keska wakĩ matũ shenipabu inũ matubu na ẽ kẽwãti hiwe matu meribi wamatã ẽ kena ẽ netani ha mã haki txiti ikabu habiaskari wakĩ ẽ txakabuwashanaii.

Jeremias 7:20

Haskamisbuwẽ taea eari berukukaũ hatuki ẽ sinata paepai ea uĩshãkanikiki, na ẽ kẽwãti hiwe inũ, na mae anu hiweabu inũ, hatũ inabu inũ, hatũ mibã hi sharabu inũ, hatũ yunu tsekariabuma ẽ kupishanaii, bai ewapa ketiã hi ikainai tsuã nukawatiruma keska wakinã. Haska Senhor Deusũ txanima ẽ matu yuiaii”, ikĩ

Mateus 7:27

hanua ui ika bai matahairakĩ hawẽ hiwe atxia mixkiki tsamĩamawẽ taea hawaira niwẽwã bekĩ tsibuskea di ika keskakĩ hawẽ daya benuhairamisbuki. Haska dayamisbu keska patapabuki, ẽ hãtxa danaĩburã— akĩ hatu yusĩkĩ hãtxa meneai

Romanos 2:2

Hamẽ tsuabũra txakabuwakubaĩmisbu kaneama Deusũ unãti watã hatu kupishanai nũ unaiĩ.

Romanos 2:5

Haska inũ, mã hatiritũ txakabu betsa betsapa akĩ henekatsi ikama Deus xinãma txakabu ibubis matsãkeakebaĩkĩ Deus sinatamamisbuwẽ taeshũ yurabu dasibi unãti washanaitiã ana manama Deusũ matu kupishanikiki.

Apocalipse 11:19

hanushũ Templo nai anua bepẽshũ ha hiwe meranua Deusũ nukũ shenipabu yubani kene hi bauki arua hatu uĩmaya kana baka baka iki tĩ ikaĩkainaya patxa sakuaya barush ui ewapabu niri iki haskai keyushanai ẽ uĩshuki.

Apocalipse 16:21

haska waya naiuria barush ui itamama betsa 40 kilo yurabuki niri imaya barush ui mesehairawẽ taea yurabu Deuski shetxakashanaibu nĩkakĩ ẽ uĩshuki.

Apocalipse 19:2

Ha inũ, yura dasibibu unãshũ kaneama kupimiswẽ taeshũ mae ewapa aĩbu hininipa keskatũ yurabu dasibi txakabuwamakubainai ma kupikiki. Ha inũ, aĩbu hininipa keskatũ Deusũ tsumabu tenãkubaĩmiswẽ taeshũ Deusũ hawẽ mae ewapa haki sinata paepakĩ yamawaikiki”, itã

Apocalipse 8:7

ha nai tsuma betsa ha dukũ primeirõ hawẽ trombeta txã akĩ taewaya mai pakea tibi anu niri iake iakekaũkĩ barush ui inũ txi ha dabe himiyabi husia Deusũ puta mai pakea tibi anu kuakĩ ha pakea betsa anu kawãkĩ ni inũ ni mashu terça parte kuakĩ basi nãke dakayabi dasibi kuakẽ