Isaías 28:16 - Kaxinawá Bíblia (BR)

¹⁶ haskaibuwẽ taeshũ Senhor Deusũ hatu yuikĩ: “Mishki karuhaira ẽ katuni ha mishki uĩbaĩ hakimatima haki tsamabaũkĩ mestẽwãti Sião anu ẽ tashnimashanaii. Tsuãra ha mishki betxipaikĩ katutã hawẽ datetirubumaki, ma haki txiti ikarã.

Isaías 28:16 Referencias Cruzadas

Gênesis 49:24

hakia hatũ pũyã pũshukuama kushipakĩ minabũ hatu maemakubaĩshãkanikiki. Jacó Deus kushiparã, pehairaki! Israelĩ mekenika kushipa ẽ kẽwaiĩ.

Isaías 30:18

Mã haskabiashanaya Senhor Deusũ matu manaikiki, hawẽ nui pae matu uĩmakatsirã. Haska matuwẽ nuitxakayamai matu uĩmakatsi ikikiki, ha Deus yunuti kushipa kanetiruma hayawẽ taearã. Senhor Deus dasibi tsuabũra mã manakaibuwẽ taea hawẽ benimakanikiki.

Isaías 54:11

Ana mia yuikĩ: “Mae danãkĩ mia itxakawakĩ nuitapawanishũ tsuã mia daewai miwẽ nuisbumabiakẽ, eã mĩ mishki bemaki mia hawẽrua wakĩ bui nãke dekẽ hi hi ikaiwẽ ẽ mia bepush shanaii. Mishki hawẽ mestẽwãti safira nãke txashakapawẽ ẽ mia mabuyashanaii.

Daniel 2:45

Ha haska mishkiri yuiarã, mĩ uiãyã mati keyatapa anua mishki ewapa bestitxai tsuã meshte meshte akama ibubis tsekekirani mati anua taramekirãkĩ mane ferro inũ, mane bronze inũ, mapu bawa inũ, mane prata inũ, mane ouro haki tĩ ikĩ dasibi mishpu wakĩ keyua keskashanai mĩ shanẽ ibuhaira Deus kushipahairatũ mia unãkĩ mia uĩmashinaki, haska tashninũbariairã. Mĩ namashina txanimahairaki. Ha inũ, ẽ mia nĩkamakĩ yuiairã, txanimariki— aka

Mateus 21:42

Jesusũ ana hatu yuikĩ: —Deusũ hãtxa kenenibu yuikĩ mã uĩsmamẽ? Matu ana yusĩnũ nĩkakãwẽ: ‘Hiwe wanikabũ mixki danãbiaibũ habias mixki Deusũ bishũ deshũ makeresh wakĩ hawẽ kene mestẽwã keska wakĩ nuku uĩmakĩ: Habaa! imakĩ nuku harakiri xinãtima washanikiki’, ashũ keneniki.

Marcos 12:10

—Deusũ hãtxa kenenibu uĩkĩ mã yuismamẽ? Matu ana xinãmanũ nĩkakãwẽ: ‘Hiwe wanikabũ mixki danãbiaibũ habias mixki Deusũ bishũ deshũ makeresh wakĩ hawẽ kene mestẽwã keska wakĩ

Romanos 10:11

Haska inũ, Deusũ hãtxa yuishunika Isaísĩ kenekĩ: “Tsuabũra Messiasĩ hãtxa ikũwãkĩ txibaĩbu ẽ hatu hawa dake wama ishanaii”, aniwẽ taeshũ

Romanos 9:33

Na habias yusĩa Messiaskiri Deusũ hawẽ hãtxa yuishunika Isaías yuimakĩ: “Uĩa. Ẽ haska yubakani ẽ kuxipa mixki keska Jerusalém anu ẽ nitxĩshanaii, haki huti iki itxapabu tsakabaĩbaini tĩ ikubaĩshãkanikiki, ikũwãmarã. Hakia tsuabũra hawẽ hãtxa ikũwãkĩ txibaĩbu ẽ hatu hawa dake wama ishanaii”, aka nĩkatã hari kenerianiki.

1 Coríntios 3:11

Ha inũ, ma ẽ mixki buya pewabianikẽ ana yusĩnã betsa hushũ ana betsa wakĩ taewatirumaki. Haska keskari wakĩ Jesus Cristokiri ẽ matu yusĩ taewanikiri tsuã yusĩa benawẽ matu yusĩkĩ ana betsa watirumariki.

Efésios 2:20

Haskakẽ mã ikũwaĩbu dasibirã, mã mixki hiwe keskabuki. Habu dukũtũ mixki hiwe wakatsi bepushkĩ buyamisbu keskarã, Jesusũ kuxipayabu inũ hawẽ hãtxa yuishunikabũ yusĩkĩ Jesus Cristokiri besti akaibu txanima Cristo hamebi hawẽ mestẽwãti kayabiki, mixki ewapa maratãshũ tsamĩkĩ mestẽwãmisbu keskarã.

2 Timóteo 2:19

Hatu haska wabiaibũ ma meribi Deusũ hawenabu kuxipa wakĩ mestẽwani hawa ana betsa wama ishanai ma Deusũ hãtxa kaneama kenenibu hayaki. Haskakẽ: “Nukũ Shanẽ Ibũ haratura hawenabu ma unaĩkiki”, ha inũ: “Tsuabũra nukũ Shanẽ Ibũ kenawẽ Deusbe hãtxakinã, hatũ txakabu txitetã hau henekubainũbũwẽ”, ariani kenenibu hayaki.