Hechos 4:19 - Kaxinawá Bíblia (BR)

¹⁹ Pedro inũ Joãonẽ hatu nĩkasama hatu kemakĩ: —Dasibi nũ amis Deusũ unaĩwẽ taea haratu txibaĩ pemẽ? Matũ hãtxa nĩkaimẽkaĩ? Deusũ hãtxa nĩkairaka? Haskakẽ matũmebi unãti wakãwẽ.

Kashinawa : Diosun Jesúswen taexun yuba bena yiniki

¹⁹ Pedro inun Juanen jatu ninkasama jatu kemakin: —Dasibi nun amis Diosun unainwen taea ¿jadatu chibain pemen? ¿Matun jancha ninkaimenkain? ¿Diosun jancha ninkaidaka? Jaskaken matumebi unanti wakanwen.

Hechos 4:19 Referencias Cruzadas

1 Reis 12:30

ha ouro ina awa bake bene dami dabe Betel inũ Dã anushũ kẽwaĩ Senhor Deuskiri Israelĩ enabu txakabui taeaibũ

1 Reis 21:11

Nabotẽ mae anu hunibu habube hiweabu anibu unanepabu inũ shanẽ ibubube kene hatu anu bumashina uĩtã datei haska Jezabelĩ hatu yunua hune yubakashĩshũ

1 Reis 22:14

hawẽ hãtxa nĩkabiakĩ Micaíasĩ kemakĩ yuikĩ: —Senhor Deus hiweawẽ taeshũ haska Senhor Deusũ haska shinaĩ ea yuia besti ẽ hatu yui kaii— abaini

Êxodo 1:17

hakia hatu haska wabia habũ bake kaĩmamisbũ hawa shanẽ ibũ yunuti hãtxa nĩkashunama Deusũ kushipaki mesei datekĩ huni bakebu kaiaĩ hawa hatu meama hiwemakubainaibuwẽ taeshũ

Jeremias 26:12

shanẽ ibubu inũ yurã kaiã Jeremiasĩ ana hatu yuikĩ: “Haska na Templo inũ nukũ maewãkiri ẽ hãtxai mã nĩkashurã, emebi ẽ ikamaki. Senhor Deusũ hawẽ kena kushipawẽ ea yunua hua ẽ txanishuki.

Daniel 3:18

Hakia nuku merabewamabia shanẽ ibuũ, mianã, uĩrahairawe. Mĩ yushibubu nũ kẽwãma inũ mane ouro dami bebũ hawa dãti ishũ nũ kẽwãmariki— akaibuwẽ taea

Daniel 6:10

hawẽ yunuti hãtxa bena hawẽ kena kenekĩ Dariõ ma mestẽwãshina Daniel nĩkatã hawẽ hiwe anu kai hikishũ hanu ushamis dĩtu anu Jerusalémkiri uiã shui bepẽ keyutã shaba tibi dabe inũ bestiki Deusbe haskakũkaĩmis keskai hãtxanũ ika dãti ishũ hawẽ huiwẽ kẽwãkĩ Deusũ merabewati yukakĩ taewaya

Amós 7:16

Haskawẽ taeshũ Senhor Deusũ hãtxa mia yuinũ nĩkawe. Miã ea yuikĩ: “Israelĩ enabukiri txakabu yuikĩ Deus hãtxashũyamawe. Ha dikabi Isaque enabukiri hatu yuãyamawe”, mĩ ea wabia

Miquéias 6:16

Samaria anu shanẽ ibukĩ Onrĩ hatu yunukubaini inũ Acabẽ enabũ txakabuwakubainibu hatũ beya tapinishũ txibãkĩ mã habiaskari wakubainaii. Haskawẽ taeshũ matũ maewã txakabuwakĩ yamawakĩ hanu hiweabũ matuki kashekĩ hau matu dakewakĩ datenũbũ ẽ hatu yunushanaii. Haska enabũ mã ea dakewakubiranibuwẽ taeshũ eãri ẽ matu dakehairawashanaii.”

Mateus 22:21

habũ yuikĩ: —Romano shanẽ ibu Césarnaki— akabu hanushũ Jesusũri hatu yuikĩ: —Césarnawẽ taeshũ matũ shanẽ ibu César duawakĩ hawẽ governo dayashũmisbu pei hatu inãshũkubaĩkãwẽ. Hakia Deusri duawakĩ hawẽ yusĩa txibãkĩ hawara abuai ashũriakubaĩkãwẽ— hatu wa

Lucas 22:8

Jesusũ Pedro inũ João nitxĩkĩ yuikĩ: —Ha Páscoa xinãti nukũ piti pewatãkãwẽ— aka

João 7:24

Haskakẽ hawara bemakia uĩtã xinaĩ hawaira hãtxayamakubaĩkãwẽ. Hakia hawara mã unãti wakatsi ikairã, hawa kaneama uĩ pehairawatã pe xinãkĩ unãti watã ikubaĩkãwẽ— hatu waya

Hechos 4:13

hanua Pedro inũ João hawa dateama kuxipai shanẽ ibubũ uĩabũ berubi Jesuskiri shabakabi hatu yusĩaĩbu shanẽ ibubũ nĩkatã ha hunibu unãnepabuma inũ escola anushũ hawa tapĩsbumabia pewẽ hatu hãtxa waibuwẽ taea unaĩ e itã hakia Jesus hatube nishũ hatu yusĩkubainima xinãtã

Hechos 5:28

—Ha huni akimabukiri mã hatu yusĩaĩbu nũ matu nemahairabiaxina nukũ hãtxa hawa nĩkama haskakĩ Jerusalém anuabu hatu itxawakĩ mã ha hunikiri yusĩkĩ heneamamẽ? Haska wakĩ ha huni nukukiri yuikĩ: “Mã hatu tenãmaimaki”, akĩ mã nuku hawẽ taeshũ yuãkĩ mã nuku hatu dake wamakubainaii— ikaibũ

Hechos 5:29

haskaibũ Pedro inũ Jesusũ kuxipaya betsabũ hatu kemakĩ: —Haska Deusũ xinaĩ nũ txibanũ nuku yunumis nũ akatsis ikaii. Hunibũ yunuawẽ taea nũ beshteketirubumaki— iki

1 Coríntios 10:15

Na eska matukiri hãtxa yuikinã, mã huni unãnepatã matũmebi unãtinãtã mã xinãtirubu ẽ matu yuiaii.

2 Coríntios 4:2

Hakia hawa dakeama hawara huneshũ nũ aisma inũ, matxupakĩ tsua nũ paraĩsma inũ, Deusũ hãtxa hamakiri yuikĩ nũ betsa waismaki. Nũ haska wamiswẽ taea hiwekĩ nũ yusĩmis Deusũ unãyã hawẽ hãtxa nũ matu shabakabi yusĩkubaĩmiski, hau dasibibũ nukũ yusĩa nĩkatã hatũ xinã pewanũbunã.

Efésios 6:1

Bakebuũ, matu yununũ nĩkakãwẽ. Matũ ibubu nĩkatã hawẽ yunua ashũkubaĩkãwẽ. Haska wakĩ nukũ Shanẽ Ibu benimawakĩ mã kaneamaki.

1 Timóteo 2:3

Haska nũ hatukiri xinãkĩ hatu yukashunairã, harã, peki, nukũ mekenika Deusũ haska abumiskenã.

Hebreus 11:23

Ha inũ, Israelbu pahairaibuwẽ taea Egitonawa shanẽ ibu hatuwẽ datekĩ hatũ huni bakebu kaĩaĩ hau tenãkubainũbũ ishũ hatu yunubiaimakẽ hawa dateama Moisés ibubũ Deus ikũwãkĩ hatũ bake hawẽruahaira kaĩaĩwẽ nuikĩ ushe dabe inũ besti huneyunibukiaki.

Santiago 2:4

huni nuitapai dakewakĩ shanẽ ibu pe bestikiranai ikĩ mã duawakubaĩmiski. Haska katukĩ haska Deusũ matu amakatsis ikai mã akama ikũkainaii, xinãtxakakinã.