Hechos 3:20 - Kaxinawá Bíblia (BR)

²⁰ Deusũ matu hawẽ daewakĩ pepawakĩ benimawakatsis ikĩ hawẽ bake Messias Cristo bebũkiri katutã matu yubaniki, hau mã haki dasishanũbunã.

Kashinawa : Diosun Jesúswen taexun yuba bena yiniki

²⁰ Diosun matu jawen daewakin pepawakin benimawakatsis ikin jawen bake Mesías Cristo bebunkidi katutan matu yubaniki, jau man jaki dasixanunbunan.

Hechos 3:20 Referencias Cruzadas

Mateus 16:27

Hamẽ ẽ matũ Hutxi Kayabi Iuwarã, ẽ Epã kuxipaya Shanẽ Ibui hawẽ nai tsumabube ana hushũ tsuabũra ea txibaĩ hiwei pemisbu inũ txakabumisbu habu tibi ẽ hatu manakushanaii, pepa inũ txakabuwenã— iwanã

Mateus 24:3

Oliveiras Mati anu mapeketã Jesus tari ka tsaukẽ nũ hawẽ tsumabũ hune yukakĩ: —Ha mixki hiwe tekekĩ purekĩ keyushanaibu mĩ nuku yuishurã, mia yukapa? Mĩ ma mai hirabi hawẽ henei keyuaitiã mĩ ana huashanai kemai taeai haskai nũ unãtirumẽkaĩ? Nuku yuiwe— nũ wa

Marcos 13:26

ẽ matũ Hutxi Kayabi Iuwa shanẽ ibui kuxipahairai txashahaira nai anua nai kuĩ meranua ẽ huai uĩaĩbũ

Lucas 19:11

yura itxapabũ Jesusũ yusĩaĩ nĩkakubaĩkĩ xinãkĩ: “Jerusalém anu kematã nawabu nitxĩtã Deus samama shanẽ ibuhairai kaimẽkaĩ”, iwanã, yuiaibuwẽ taeshũ

Lucas 21:27

Ha haskaibũ ẽ matũ Hutxi Kayabi Iuwa shanẽ ibui kuxipahairai txashahaira nai anua nai kuĩ meranua ẽ huai uĩshãkanikiki.

Hechos 17:31

Huni betsa katushũ yurabu anu yununi mawa bestẽwãkĩ yurabu dasibi hawẽ kuxipa hatu uĩmaniki. Haskawẽ taeshũ ha shaba ma Deusũ katuni anu ha huni katuniwẽ taeshũ yura dasibi mai hirabi anu hiwebaunabu hatu unãti wakeakekĩ keyutã Deusũ hawa kaneama hatu kupishanikiki— hatu wa

Hechos 3:19

Haska xinãma Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ, hau matũ txakabu matu buashununã.

Hechos 3:21

Hanua natianã, Jesusrã, naiuri kayuimaki. Haurishũ Deusũ mai anuabu hawẽ hatu pewamakĩ keyumakĩ manakamayuikiki, haska hawẽ hãtxa yuishunika meribibu hiweshũ nuku keneshũpaunibu keska wamayukinã.

2 Tesalonicenses 2:2

eska tashnishanaikiri bebũkiri nũ matu ana shabakabi yusĩainã. Tsuãra Yushĩ Pepatũ yuia keska xinãkĩ: “Nukũ Shanẽ Ibu Jesus ma huaki”, ikĩ matu paraĩbu inũ, yusĩa betsa tapĩtã: “Jesus hune ma huimakiaki”, ikaibu inũ, nukuki parana ẽ kene keska bushũ matu yuikĩ: “Paulo eska txanikiki, Jesus ma huimakiaki”, ikĩ mã haska tapiãma ibiaimakẽ matu parãkĩ yuiakeakeaibu nĩkatã e iki huĩti metesheketã matũ xinã hawaira maewai hatuwẽ dateyamashãkãwẽ.

2 Tesalonicenses 2:8

Hanua ha huni txakabu tashnikẽ nukũ Shanẽ Ibu Jesus dasibi hawẽ txasha kuxipaya hukirã ha huni txakabũ kuxipa mebĩkĩ paismawatã hawẽ hashpawẽ shuũ akĩ kupikĩ tenãshanikiki.

Hebreus 9:28

Ha inũ, Cristo haska keskariai hawẽ hiweawẽ besti wai mawariakĩ Deus nuku inãshũkĩ nũ habũ ikũwãshanaibũ itxapabũ txakabu nuku buashuniki. Txipu ana ha katxu Cristo huirã, ana txakabu pewatanũ ika huama hakia nũ habũ manaka bestiabu nuku pasha watã mekẽnũ ika ana hushanikiki.

Apocalipse 1:7

Uĩa. Nai anua nukũ Shanẽ Ibu nai kuĩwẽ huai dasibibũ uĩshãkanikiki. Ha dikabi habũ hatu tenãmanibu inũ habũ danãmisbu mai hirabi anu manibaunabũ uĩ datei kashashãkanikiki. Haskashãkanikiki, txanimarã.