Hechos 3:19 - Kaxinawá Bíblia (BR)

¹⁹ Haska xinãma Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ, hau matũ txakabu matu buashununã.

Kashinawa : Diosun Jesúswen taexun yuba bena yiniki

¹⁹ Jaska shinanma Dios man chibankatsis ikaidan, matun chakabu jenetan matun shinan betsa watan Dios anu bedikanwen, jau matun chakabu matu buaxununan.

Hechos 3:19 Referencias Cruzadas

Salmos 51:13

Mĩ ea haska waya ha mĩ ea yusiaĩwẽ mia nĩkaisbuma huni txakabubu hau mia anu benũbũ mĩ bai pepakiri ẽ hatu yusĩshanaii.

Salmos 51:9

Ẽ txakabu atimapa tibi mia bebũ tashnia mĩ uiainã, ea tere ashũtã ana haska shinãkĩ uĩyamawe.

Isaías 43:25

Mã pubẽ sinatapabubiakẽ ea ẽ matũ Deus matuwẽ nuikĩ matũ txakabu ana tanakatsi ikama matu tere ashũtã ẽ ana shinãma ishanaii.

Isaías 44:22

Eanã, haska txakabukĩ mã ea nĩkaisbuma matũ txakabu ẽ ma matu pua ashunaki, nai kuĩ dunua pua ibaini yamabaĩmis keska wakinã. Ẽ ana ma matu mebikinaĩ ea shinaĩ txĩtũribirãkãwẽ, ea anu beirã”, ikaya

Isaías 6:10

Hatu nĩkamamakĩ habũ shinã hatu beputãwẽ. Hatũ pabĩki inũ hatũ beru bepukĩ hatu hunebaũtãwẽ. Mĩ hatu haska wa uĩbiai inũ nĩkabiakĩ hawa ekiri tapiãma ishãkanikiki, hau ea anu beaibu ẽ hawa hatu shusha wayamashanunã”, ikaya

Isaías 61:3

Sião anu bika tenei hiweaburã, ana txi mapu hatu mapu tukumama maiti hawẽrua inãkĩ hatu sawematãwẽ. Nui kashatxakayamisbu hatu nese watã benimati sheni ininipa hatu inãtãwẽ. Tsuabura hawawẽ haskatima merabewakĩ benimawakĩ kãtati shinã txãkãti hatu yusĩtãwẽ. Mĩ hatu haska wa yurabũ hatu kenakĩ: ‘Ha hi kushipa tekeisma Senhor Deusũ bananishũ hawẽ kushipa hatu unãmati hiki’, akĩ hatu kenashãkanikiki.

Isaías 61:9

Matũ bababu pakubaini pe hiweabũ nawa shukua tibibũ hatukiri pe shinãkĩ kẽwãkĩ yuikubaĩshãkanikiki. Senhor Deusũ hawenabu pewẽ hatu duawakubainai dasibibũ hatu uĩkĩ unãshãkanikiki”, ikaya

Jeremias 36:3

Judá enabu anu hatu anu txakabu betsa betsapa ea Senhor Deusũ ẽ hatu yunuti waima ẽ shinãkubainai habũ nĩkaimashũ shinãriakubaĩkĩ hatũ shinã betsa wakĩ hatũ txakabu henekĩ shinã betsa watirubumẽkaĩ. Habũ haska wakĩ hatũ shinã txakabu tibi henekubainaibu hatũ txakabu ẽ hatu buashũshanaii, ana shinãmarã”, aka

Joel 2:13

Matũ txakabu henetã shinã betsa wakĩ matũ Mekenika Senhor Deus anu txĩtũtã ha besti txibãkĩ hawẽ hãtxa ikũwãkubaĩkãwẽ. Senhor Deus nuikipa duapa hĩ hĩ isma unãshubira sinatakũkaĩmis betxipainamenikahaira matu kupikatsi ikamabia matu kupitiruwẽ taeshũ nui bika tenekĩ matũ tari mã ushnimis keska wakĩ matũ huĩtinĩ mã txakabumis uĩmakĩ matũ tari ushnia keska wakãwẽ.

Mateus 18:3

nuku yuikĩ: —Ikũ ẽ matu yuiaii. Bake mixtĩbũ hawa dateama ea ikũwaĩ txĩtũkatsi ikama ea txibãkubaĩtirubuki. Tsuabura haska keskariakĩ hawa keãma ea ikũwãkĩ txibãmarã, nai anu mã ebe hiwei shanẽ ibutirumahairaki.

Lucas 22:57

Pedrõ parãkĩ yuikĩ: —Aĩbuũ, hamaki. Ẽ ha unãmaki— ikaya

Hechos 1:6

hanushũ hatube itxabu betsã Jesus yukakĩ: —Shanẽ Ibuũ, na habiatianã, nawabu nitxĩtã nukunabu Israelbu ana hatu pewakĩ kuxipa wai mĩ hatũ shanẽ ibui taei kai?— akabu

Hechos 11:18

Deusũ hatu haska waxina Jerusalém anua ikũwaĩbũ nĩkatã ana Pedro ha akama nesetã Deus kẽwãkĩ yuikĩ: —Judeubuma dikabiwẽ nuikĩ hatu xinã betsa wamakĩ txanima Deusũ hatu hiwekuĩa inãriaikiki, ikibi imakinã. Pehairaki— anibukiaki.

Hechos 11:21

Hanua habu Deusũ Yushĩ Pepatũ hatu kuxipa waya hatũ yusĩawẽ taeshũ Gregobu itxapabũ hatũ xinã sheni henetã hiwea bena nukũ Shanẽ Ibu Jesuskiri ikũwãnibukiaki.

Hechos 15:3

nitxiãbu bui Fenícia mai pakea inũ Samaria mai pakeakiri bukĩ judeubumã haska hatũ xinã txakabu henetã Jesus txibãxinabukiri hatuki txanikubainaibũ mae tibi anushũ ikũwaĩbũ haska waxinabukiri habũ kaka nĩkai benimatxakayamakubainaibũ

Hechos 17:26

Xinãkãwẽ, eskakirã. Na mai hirabi anu nũ hanu hiwebaũshanũbũ Deusũ huni bestitxai dukũ Adão dami watã hawẽ taeshũ dasibi nawa betsa betsapa pawanikiaki. Na nenu mai anu hatiãra inũ hanira nũ hiweshanũbũ ma hanu tibi nuku mae pewashuni anu nũ ikabuki, na habia mae anu nũ hiweaburã,

Hechos 2:38

Pedrõ hatu kemakĩ: —Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Haska watã mã Jesus Cristo ikũwaĩwẽ taeshũ hawẽ kenawẽ matu tibi nũ matu naximaya matũ txakabu buatã hawẽ Yushĩ Pepa Deusũ matu inã mã bishanairã.

Hechos 28:27

Hau uĩyamanũbũ hatũ beru bekua keskabuki. Hau nĩkayamanũbũ hatũ pabĩki pabepukua keskabuki. Na yurabu bushka kuxibũ hawa tapĩkatsis ikabumaki. Hau ẽ hatu merabewakĩ shushawapanã ea danaĩ ea anu bekatsis ikabumaki’, aka matũ shenipabu yusĩtã Isaíasĩ nuku keneshuniki.

Hechos 3:20

Deusũ matu hawẽ daewakĩ pepawakĩ benimawakatsis ikĩ hawẽ bake Messias Cristo bebũkiri katutã matu yubaniki, hau mã haki dasishanũbunã.

Hechos 3:21

Hanua natianã, Jesusrã, naiuri kayuimaki. Haurishũ Deusũ mai anuabu hawẽ hatu pewamakĩ keyumakĩ manakamayuikiki, haska hawẽ hãtxa yuishunika meribibu hiweshũ nuku keneshũpaunibu keska wamayukinã.

Romanos 11:25

Ẽ betsabu inũ ẽ puibuũ, Deusũ kuxipawẽ unãnepai hawẽ mã kẽyamashanũbũ hawara Deusũ matu ashũkatsis ikai haska hawẽ yubaka hunea hãtxani mã unã keyushanũbũ matu yuinũ nĩkakãwẽ. Haskai Israelbu huĩti kuxikĩ itxapabũ Jesus ikũwãbumaki. Haskakẽ Israelbuma hatira Deusũ meketã hanushũ itxapabu Deusũ Israelbu habu ana mekeriashanikiki.

2 Tesalonicenses 1:10

Haskakẽ hawara nukũ Shanẽ Ibukiri nũ matu yusĩ txanitanima mã ikũwaĩwẽ taeshũ hatiãra nukũ Shanẽ Ibu hanu huaitiã dasibi mai hirabi anushũ nũ ikũwãbaunaibũ txanima uĩtã duawakĩ nũ kẽwãshãkanaii.

2 Timóteo 2:25

Tsuabura nĩkaisbuma inũ patapabu mĩ hatu merabewakĩ pewakatsis ikairã, huĩti babutã hawa sinatama eska xinãkĩ hatu unãmakubaĩwẽ, Deusũ hawẽ txakabu unãma xinã betsa watã: “Haskarã, txanimaki”, ikĩ hatũ txakabu henetirubu manakinã.

Hebreus 4:1

Ha haskanibukiri natiã nũ yuikubainairã, hawẽ mae pepa haska Deus yubakani hanu huĩrukuĩ hikikatsi iki nũ ikaiburã, haska keskariki. Uĩrakãwẽ. Betsabũ matũ xinã mã betsa wamakẽ haskawẽ taea mã hikitirumariki.

1 Pedro 2:25

Ha dukũ na mai anu hiwearã, txashuwã ibuuma benuabu keska mã iki taenibuki. Hakia natiã Cristo ikũwãkĩ matũ hiwea txakabu henetã mã ma Cristo txibãyã hanua mekenika pepatũ ma matu mekeshũ uĩkiki.

2 Pedro 3:8

Ẽ betsabu inũ ẽ puibuũ, eskakiriri ẽ matuwẽ nuiai xinãkubaĩkãwẽ. Shaba tanakĩ ano tanariai mã hawẽ dabanã ikũkaĩmiski. Hakia Jesus Cristõ haska xinaĩsmaki. Shaba bestitxai hawaira keyumis inũ 1.000 ano kabiaya nukũ Shanẽ Ibu hawẽ nuismaki. Ana hakimayamashãkãwẽ.

Apocalipse 21:4

Haskawẽ taea habu kashamisbu hatũ beũ tashka watã ana mawa hayama inũ, ana saĩ ikama inũ, kasha hayama inũ, isĩ hayama dasibi haska Deusũ hawẽ bika hiweti wani beshtekĩ ana ha hayama waki”, ikaya