Hechos 2:33 - Kaxinawá Bíblia (BR)

³³ Hanushũ ana bestẽwãtã Deus hau habe shanẽ ibunũ, iwanã, hawẽ yusiuri tsaũtã haska yubakani hawẽ Yushĩ Pepa hawẽ Epã Jesus inã hatũ nuku inãkeakekĩ nuku kuxipa waikiki, na habia nĩkakĩ mã uĩanã.

Kashinawa : Diosun Jesúswen taexun yuba bena yiniki

³³ Januxun ana bestenwantan Dios jau jabe xanen ibunun, iwanan, jawen yusiudi tsauntan jaska yubakani jawen Yushin Pepa jawen Epan Jesús inan jatun nuku inan akeakekin nuku kushipa waikiki, na jabia ninkakin man uiainan.

Hechos 2:33 Referencias Cruzadas

Isaías 52:13

Senhor Deusũ ana hatu yuikĩ: “Ẽ tsumapã dasibi binukĩ keyuaya shanẽ ibuhaira wakĩ dasibi hatu binumatã ẽ tsaũshanaii.

Isaías 53:12

Hawẽ tsuma pepa hawẽ hiwea hawa yaushiama mawashanaiwẽ taeshũ Deusũ duawakĩ hawẽ tsuma kushipa betsabube manakukĩ ha hawẽ tsuma duahairawashanikiki. Huni txakabu keska wakĩ txitebiaibũ yurabũ txakabu itxapa buashũkĩ habũ txakabuwamisbu hatu ea ashũshanaiwẽ taeshũ pepa bestiwẽ Deusũ manakushanikiki.

Mateus 28:18

Jesus nukuki kematã nuku hãtxa wakĩ yuikĩ: —Hawẽ kuxipa ea inãkĩ hawara nai anua inũ hawara mai anua mekekĩ ẽ yunukubaĩshanũ Ẽ Epã ea Shanẽ Ibu waniki.

Marcos 16:19

Shanẽ Ibu Jesus hatube hãtxai meneaya hanushũ Deusũ nai anu ainitã hawẽ yusiuri tsaumaya

Lucas 24:49

Haska ẽ Epã ea yununi keska wakĩ eãri ẽ maturi yunuaii. Deusũ hawẽ hãtxati kuxipa datetima ẽ matu yunushanai binũ ika na habia Jerusalém anu hiweyushũ manakayukãwẽ. Deusũ hawẽ kuxipa nai anua matu inã bitã nawa dasibibu yusĩkĩ taewashãkãwẽ— hatu watã

João 14:16

Mã haska wakubainaya ẽ matu yukashuna Merabenã Bena betsa Deusũ matu anu yunushanikiki, hau matube hiwei ikibi ipashanunã.

João 14:26

Hakia hawẽ Yushĩ Pepa matũ Mekenã Bena ẽ kenaya ẽ Epa Deusũ yunua hushũ haska ẽ matu yusĩkubaĩmis dasibi ẽ matu yuiai ana shabakabi matu xinãmakubaĩshanikiki.

João 15:26

Hanushũ maturi danaĩbũ ẽ Epa anua mekenã betsa matu anu ẽ yunua hanua Yushĩ Txanima Unãmanika hushũ ekiri matu unãmai ea hãtxashũshanikiki.

João 17:5

Epaã, eskatianã, mai nũ damiwariama mĩ besuũbia ẽ shanẽ ibui taeaitiã ẽ txashakapa hawẽrua hayani keska habias ea inãshãwẽ.

Hechos 1:4

Hanua Jesus hawẽ kuxipayabube niyushũ hau Jerusalém anua kaĩbaĩyamayushanũbũ hatu nemakĩ yuikĩ: —Haska Epa Deusũ matu yubani ẽ matu yuixinarã, hau matu inãkĩ yunushanũ nenua kaĩama habianushũs manayushãkãwẽ.

Hechos 10:45

nawã hãtxa betsa betsapa tsuã hatu yusĩriamawẽ hãtxai taekĩ Deus kẽwaĩbu ha ikũwaĩbu Jope anua Pedrobe bekãshu hatu nĩkai: “Habaa! Habu judeubumabiakẽ Deusũ hatu haska hãtxamakĩ hawẽ Yushĩ Pepa haburi ma hatu inãshuki”, ikaibũ

Hechos 2:17

Deus txanii: ‘Ma bari hawẽ henei kaya ẽ Yushĩ Pepa yurabu anu ẽ hatu yunua hatuki dasikẽ matũ huni bakebu inũ matũ aĩbu bakebũ ekiri yusĩaĩbũ berunãbu usha keskashũ dami betsa betsapa uĩaĩbũ anibubu usha ekiri namariashãkanikiki.

Hechos 5:31

Deusũ haska watã nai anu ainitã hawẽ yusiuri nuku tsaũshunimakẽ ha nukũ mekenã inũ nukũ yusĩnã nũ ma hayaki. Haskawẽ taea nũ Israelbu shukua tibi tsuabũra nukũ txakabu henetã Deus anu txĩtuĩ nũ xinã betsaibu nuku hawenabu wakĩ Deusũ nukũ txakabu buatã ana xinãmaki.

Romanos 5:5

Haska nũ manakatiru Deus nukuwẽ nuimis nuku unãmakĩ hawẽ Yushĩ Pepa nuku inã hawẽ taeshũ Deus ikũwãkĩ txibãkubaĩkĩ haska nuku yubani manai hamẽ nũ manakamaki. Haska xarabuwẽ taeshũ hamapai bika nũ teneairã, hawẽ taeshũ Deus nũ kẽwãkubainaii.

Gálatas 3:14

Haskawẽ taeshũ haska Deusũ Abraão duawakĩ pepa yubani Jesus Cristowẽ taeshũ judeubumãri mã ikũwãyã Deusũ Abraão yubaniwẽ taeshũ hawẽ Yushĩ Pepa Deusũ ma matu inãni dasibi mã ma hayaki.

Efésios 1:13

Cristowẽ taea mã judeubuma dikabitũ hawẽ hãtxa txanima Deusũ bake Jesus mekenãkiri kakape nĩkatã ikũwaĩbu hawẽ nuku tibi unãti wati yubanishũ hawẽ Yushĩ Pepa nuku inãtã ha dabe hawenabu nuku inũ matu warianiki.

Efésios 4:8

Haska Jesus shanẽ ibukĩ haki sinataibu binutã hawenabu pepa manakumiskiri Deusũ hãtxa Davĩ keneni yuikĩ: “Habu binukĩ maematã iyuniki. Hakia habũ txibãmisbu pepabu pepawẽ hatu manakumiski”, iniki.

Tito 3:6

Nukũ mekenã Jesus Cristõ hawẽ pepa hawa yauxiama hawẽ Yushĩ Pepatũ kuxipa nukuki dasiwaniki.

Hebreus 10:12

Hamẽ Jesus Cristo ikirã, habũ nũ ikũwãshanaibu nukũ txakabu nuku buashunũ ika besti ha bestiwai cruzkia nuku mawashũtã ana ipatimai bestẽtã hawẽ Ibu Deusũ yusiuri hanushũ betsabu binũa besti natiã ma tsauwaki, hanua nuku hãtxashũkũkainirã.

Hebreus 2:9

Nai tsumabu kuxipa keskama Jesus kuxipa beshmas keska wayutã Deusũ hawẽ nui nuku uĩmakĩ Jesus tashnimatã hau dasibibuwẽ taea mawatã bestẽnũ Deusũ yunua haska txibaĩ nuitapatã mawatã binuniwẽ taea natiã Jesus kuxipahaira dasibibu binua hawẽ ibu dapi ma tsauwa nũ unaiĩ.

1 Pedro 1:21

Haskakirã Cristõ hawẽ Epã hãtxa matu unãmaiwẽ taeshũ mã Deus ikũwãnibuki. Haska matu wabiaya tenãbu Deusũ ana bestẽwãkĩ Shanẽ Ibu wani na habiatiã matũ xinãwẽ hakiri ikũwãkĩ Deusũ hiwekuĩa matu inãshanai mã haki txiti ishũ manakakubainaii.

1 Pedro 3:22

Hanua Jesus mawa ana besteã nai anu ka hawẽ Epa Deusũ yusiuri tsauwa Deusũ nai tsumabu inũ shanẽ ibu kuxipa dasibibu Deusũ Jesus yununi Jesus shanẽ ibukĩ dasibibu hatu mekekubainikiki.