Hechos 10:15 - Kaxinawá Bíblia (BR)

¹⁵ ana hawẽ hui tashnimakĩ yuikĩ: —Deusũ hawara dasibi na mia pewashũshuwẽ taeshũ ana: “Deusũ mia nemamis”, yuikĩ ana danãyamawe— atã

Kashinawa : Diosun Jesúswen taexun yuba bena yiniki

¹⁵ ana jawen jui taxnimakin yuikin: —Diosun jawada dasibi na mia pewaxunxuwen taexun ana: “Diosun mia nemamis”, yuikin ana dananyamawe— atan

Hechos 10:15 Referencias Cruzadas

Mateus 15:11

Hawara yurabũ piabu hawa hatu txakabuwaismaki. Hakia yurabũ huĩti meranua hawara hãtxa txakabu xinaĩ anua tashnikĩ hatũ hatu txakabuwamiski, Deus sinatamakinã— hatu waya

Hechos 10:16

ana dabeki habiaskari Pedro yuikĩ nemaya hawaira ha tari ewapa nai anu ana hawẽri ainibainaya

Hechos 10:28

Pedrõ hatu yuikĩ: —Nũ judeubu nukũ shenipabũ beya txibaĩ judeubumabe nũ itxatirumahaira inũ matũ hiwe anu nũ hikitirumahairari mã unaiĩ. Nũ haskabiamiskẽ ẽ ana matu danãyamanũ Deusũ ea unãmakĩ yusĩxinawẽ taeshũ

Hechos 11:9

hanushũ nai anua hawẽ hui tashnikĩ ana ea hãtxa wakĩ xinã tapĩmakĩ ea yuikĩ: “Deusũ hawara dasibi na mia pewashũshuwẽ taeshũ ana: ‘Deusũ mia nemamis’, yuikĩ ana danãyamawe”, ea watã

Hechos 15:20

Hakia bari itxapa ma hari judeubu judeubumã mae tibi anushũ huĩrukũti tibitiã haska Moisés hatu keneshuni hatu yusĩ hatube beyamisbuwẽ taeshũ hau judeubumã judeubu hawaira hau berabĩ dabeyamanũbũ na besti nemakĩ hatu keneshunãkãwẽ, eska besti hatu beshtekinã. Yushĩ dami betsa kẽwãkĩ nami inãmisbu hau piyamanũbũ inũ, habu aĩyãkinã, haska Moisés hatu nemani hau txibanũbũ inũ, yuinaka teneshabu mawa hau piyamanũ inũ, yuinaka himi hau ayamanũbũ haska besti hatu nemakĩ keneshũ judeubuma dasibi anu bumanãkãwẽ— hatu wa

Hechos 15:29

Yushĩ dami betsa kẽwãkĩ nami inãmisbu ana piyamakubaĩshãkãwẽ. Ha inũ, yuinaka teneshabu piyamariashãkãwẽ. Ha inũ, yuinaka himi ayamariashãkãwẽ. Ha inũ, aĩyãkinã, haska Moisés nuku nemani ha txibãriakubaĩshãkãwẽ. Haska besti mã mekearã, hawa txakabuma mã pe besti hiweshãkanaii. Hau Deusũ matu pe mekekubainũwẽ”, hatu washũtã

Hechos 15:9

Nukunã, nũ Jesus ikũwaĩbu Deusũ nukũ huĩti pepawamis keska wakĩ habũri Jesus ikũwaĩbu Deusũ hawa hatu danãma hawa nuku pashkakĩ betsa wama habiaskas xinã hatube nuku waikiki.

Romanos 14:14

Hamẽ eã ẽ Shanẽ Ibu Jesus ẽ ikũwaĩ ẽ haki dasiawẽ taea ẽ xinãnã, hamapai piti tibirã, hamebi hawa txakabumaki. Hakia tsuãra hawẽ xinã mekei haska xinãkĩ pikatsi ikamarã, hau meyamakubainũbũwẽ. Txanima hawenarã, txakabuki.

Romanos 14:20

Haska wakĩ Deusũ daya mã benuama ishanaii, piti nũ pimis xinaĩ ha ikamarã. Txanima dasibi piti pepa bestibiakẽ hawara pitiwẽ Jesusunabu txĩtũmatiru harã, txakabuki.

1 Coríntios 10:25

Haska inũ, betsarã, mai dasibi Deusunaki. Ha inũ, dasibi betsa betsapa mai anua damiwanirã, hawenariki. Haskakẽ nami inãmisbu hiwe anua nami bi yuka iki: “Narã, yushĩ dami betsa hawẽ kẽwãti namimẽ?” iwanã, tapĩkĩ tsua yukai meseama bitã pikubaĩkãwẽ.

Tito 1:15

Eskakiri mĩ hatukiri xinãkubainũ mia yuinũ nĩkawe. Hawara uke merã xinã pepa tsuabura haya ha meranua xinã pepas kaĩmakĩ pepakiri xinãmisbuki. Hamẽ habũ Jesus Cristo ikũwãbumarã, uke merã pepa besti hayama xinã txakaburi haya uĩtxakatirubuki, hatũ huĩti meranua txakabu haya kaĩmaiburã.

Apocalipse 14:20

Hanushũ mae benãta uva bimiki paikĩ hawẽ hene bimisbu keska wakĩ Deusũ habũ himi habamakĩ bai mata keska wakĩ cavalo hawẽ kui anu kesũbaĩkĩ 300 quilômetro habamabaĩshanai ẽ uĩshuki.