Hebreus 9:5 - Kaxinawá Bíblia (BR)

⁵ Hanua hawẽ unãmati aruti bau mamaki Deusũ kuxipa unãmati nai tsuma itsa dami dabe besũ dabetã hawẽ peiwẽ hawẽ hatuwẽ nuiti bau beputi atximanibukiaki. Deus kẽwãti mabukiri hatis ẽ matu yusĩyuaii.

Kashinawa : Diosun Jesúswen taexun yuba bena yiniki

⁵ Janua jawen unanmati aduti bau mamaki Diosun kushipa unanmati nai tsuma itsa dami dabe besun dabetan jawen peiwen jawen jatuwen nuiti bau beputi achimanibukiaki. Dios kenwanti mabukidi jatis en matu yusinyuaii.

Hebreus 9:5 Referencias Cruzadas

2 Reis 19:15

“Israelĩ enabu mekenika Senhor Deusuũ, mĩ hatube yubakani hãtxa aruti bau mamaki querubin dabe tsaua anu hatu mamaki shanẽ ibu mĩ tsauaki. Nai inũ mai hirabi mĩ dami waniwẽ taea mai hirabi anu shanẽ ibu tibitũ enabu dasibi miã besti mĩ hatu yunumis mekenika Deuski, Deus betsa hayamarã.

Romanos 9:4

Enabu Israelburã, nukũ shenipabu anua Deusũ ana hatu ibu wakĩ hawẽ bakebu keska watã hatube hiwekĩ hawẽ kuxipa hatu uĩmai hawẽruai hatu bebunua txashahairakũkainikiaki. Hatu haska wakĩ Deusũ hawẽ yunuti inũ hawẽ nemati Moisés yusĩmakĩ hau itxashũ Deus kẽ kayabi wakubainũbũ hatu yusĩkĩ Messiaskiri hatu yubani haska manakakĩ hau txibãkubainũbũ betsa betsapakiri hatube Deus yubakakũkainikiaki.

Efésios 3:10

Hau haska Deus besti unãnepatũ unã keyuai yushĩ kuxipabu inũ nai tsumabu nai anushũ haska Deusũ huneni natiã huni txakabubũ hawẽ bake ikũwaĩbũ Deusũ hatu unãmakĩ hatu binumaikiki.

Hebreus 4:16

Haskakẽ hawara mei nũ bika teneaitiã hau nuku merabewanũ Deusũ kuxipa xinãkĩ haki dateama ikũwaĩ haki txanikĩ ea akubainãkãwẽ, hau nukũ Epa Deus nuikipatũ nukuwẽ dabanã ikĩ hawẽ duapawẽ nũ nuitapai hau nuku merabewanunã.

1 Pedro 1:12

Ha Messiaskiri hatu txanimakĩ hau Deusũ hãtxa yuishunikabũ ibubis Deusũ yusĩa nĩkatã hakiri hatuna besti watirubuma Deusũ habu txipu hiweshanaiburi hau habũri hakiri unãshanũbũ, iwanã, habu matu kenemashuniki, matu merabewakinã. Messias Cristokiri kakape matu unãmakatsi ikĩ hawẽ Yushĩ Pepa naiuria yunua hanushũ Jesuskiri yusĩnã betsabũ hakiri datã akĩ matu unãmakubaunibuki. Na habias kakape matu yusĩaĩbu Deusũ nai tsumabũri ana tapĩpai iriakanikiki.

1 Samuel 4:4

haska shinãtã huni itxapa Siló anu hatu yunua bushũ hanua Senhor Deus dasibi kushipabu binu keyua hatube yubakani hãtxa aruni bau ha querubin hamamaki Senhor Deus mekeabu tsaumis beaibũ Elĩ huni bake dabe Hofni inũ Finéias hatube buriaibũ