Hebreus 9:24 - Kaxinawá Bíblia (BR)

²⁴ Hanua hanu Deuski nukuti tari hiwe hunibũ na mai anushũ anibu anu Jesus Cristo hikiama, hakia nai anu hanu Deuski nukuti kayabi anu hikinishũ Deus bebunua natiã nuku hãtxashũkĩ Jesus Cristõ nuku ea ashuĩkiki.

Kashinawa : Diosun Jesúswen taexun yuba bena yiniki

²⁴ Janua janu Dioski nukuti tadi jiwe junibun na mai anuxun anibu anu Jesucristo jikiama, jakia nai anu janu Dioski nukuti kayabi anu jikinixun Dios bebunua natian nuku janchaxunkin Jesucriston nuku ea axuinkiki.

Hebreus 9:24 Referencias Cruzadas

Mateus 18:10

ana nuku yusĩkĩ: —Na bakeixtã ea ikũwaĩ keskabu hawa keĩsbumarã, Deusũ nai tsumabũ hatu mekei ẽ Epabe beisinaĩ habe hãtxakĩ hatu merabewamisbuwẽ taeshũ hawa hatu itxakawakĩ danãyamakubaĩkãwẽ— iwanã,

Marcos 14:58

—Nukũ nĩkakinã, Jesusũ eska yuiai nũ nĩkaxinaki. Matu yuinũ: “Na Deus kẽwãti mixki Templo hunibũ anirã, tekekĩ purekĩ keyutã usha dabe inũ besti kaya hunibũ akamakẽ ana ẽ benishanaii”, ikai nũ nĩkaxinaki— hatu wakeakeaibũ

Marcos 16:19

Shanẽ Ibu Jesus hatube hãtxai meneaya hanushũ Deusũ nai anu ainitã hawẽ yusiuri tsaumaya

Lucas 24:51

habu henemabaĩkĩ nai anu hawẽ Epã ainiaya

João 16:28

Hamẽ ẽ Epa Deusũ besuuria kaĩkirani na mai anu yurabube hiwenũ ika ẽ huni haska ea yununi menetã natiã ana hawẽri kakĩ na yurabu ẽ henebainaii— nuku waya

João 6:62

Hanua ẽ huni anu hawẽri ẽ matũ Hutxi Kayabi Iuwa ẽ ana kai uĩkĩ mã xinã betsa washanaii.

Hechos 3:21

Hanua natianã, Jesusrã, naiuri kayuimaki. Haurishũ Deusũ mai anuabu hawẽ hatu pewamakĩ keyumakĩ manakamayuikiki, haska hawẽ hãtxa yuishunika meribibu hiweshũ nuku keneshũpaunibu keska wamayukinã.

Romanos 8:33

Deusũ ma nuku katunishũ ma nuku pepawabianikẽ Deus bebũshũ tsuã nuku ha akĩ nuku txitetirumaki.

2 Coríntios 5:1

Haska inũ, na mai anu nukũ yurawẽ nũ hiwea peã shubuwẽ nũ hiweyua keskabukiaki, hatiara hawaira nũ debushanairã. Hakia nai anu nukũ hiwe nũ hanu hiwei kashanairã, Deusũ ma nuku akibi ashuniki, yurabũ hiwe wamis keskamarã.

Colosenses 3:2

Cristobe mã ma mawani keskawẽ taeshũ matũ hiwea Deusũ nai anu matu mekeshunaki, hari Cristobe mã hiweshanai anurã. Hanua na mai anu mã hawẽ hiwea mabukiri besti xinãma Deusũ haska abumiskiri xinãkubaĩkãwẽ.

Hebreus 1:3

Hawẽ Epã kuxipaya txashakapa hawẽrua keskaritũ dasibi betsa betsapa damiwani hawẽ hãtxa kuxipawẽ mekekubaĩmiski, hau hawa benuyamanũbunã. Ha inũ, hawẽ Epa nuku daewashuni mawakĩ nukũ txakabu buatã hawẽ Epa kuxipahaira dasibi binu keyuatũ yusiuri tsauwa nai anua ma habe shanẽ ibukũkainikiaki.

Hebreus 12:2

Cristo nuku ishuni hakiri dukũ unãkĩ xinãkubainãkãwẽ. Habũ nũ ikũwaĩbu nũ haki txiti ikabu hatunã ma nuku pewashũkubainikiki. Haskawẽ taea Jesus cruzkia nuitapairã, ha itxakawakĩ nuitapawaibu hawẽ dake xinãma nuku mawashuniki. Haskairã, nuitapawabiabu mawakĩ binutã benima paepayabi hawẽ Epã shanẽ ibu tsauti yusiuri habe shanẽ ibui tsaushanai unaĩ iniki.

Hebreus 4:14

Deusũ bake Jesus iwãni ana hawẽri naiuri kani hawẽ Epabe nuku hãtxashunika binua nũ ikũwaĩwẽ taeshũ nukũ xinãwẽ mestẽwãtã txibãkĩ heneyamakubainãkãwẽ.

Hebreus 6:20

Nai anu haskai buaibu ha dukũtũ bai wai nuku bai bepẽshuni tsua bebui hikiriama ha nukũ Deusbe hãtxashunika binua ipakeshanai Melquisedeque dayapauni keska nuku ishuĩ kaniki.

Hebreus 8:2

Hanu Deus hiwea anua Deusbe nuku habi hãtxashunika kayabi hawẽ daya akirã, haska hatu yusĩmaniwẽ taeshũ hatũ yusĩa nũ ikũwaiĩ. Txanima Deusbe nuku hãtxashũmistũ hatu dasibi binutã hanushũ tsuã ana itxakawatima anu Deusbe shanẽ ibukĩ hanu Deuski nukuti kayabi Deusũ besti ani anushũ nuku inũ hawẽ Epa Deus daewakĩ nuku haibunamemaikiki, ana sinatamamarã, hunibũ Templo wama ini anushunã.

Hebreus 8:5

Ha inũ, haska Mati Sinai anushũ Deusũ nai anua tari inũ bitxi hiwe dami Moisés uĩmaxina Moisés hatu amanũ ikaya hanushũ Deusũ Moisés ana yuikĩ: “Uĩrawe. Haska mati anushũ ẽ mia uĩmaxina keska ha itsa hatu amashãwẽ”, aniwẽ taeshũ Deusũ Moisés uĩmani ha kayabima ha itsa uĩmani keska ha Israelbu hawenabu Deusbe hãtxashunikabũ txibãkĩ akubaĩmisbuki.

Hebreus 9:1

Haska inũ, Deusũ Moisés ha dukũ yubakĩ yunukinã, na mai anu ha hiwe merãshũ haska wakĩ Deus kẽwãkĩ daewakubaĩtirubu hatu amaniki, haska wakubiranibu inũ natiã nuku ashũmisburã.

Hebreus 9:23

Haskawẽ taeshũ txanima himiuma tsua meribi itirumawẽ taeshũ yuinaka mirima detekubaĩpaunibuki, hatũ txakabu ana Deusũ xinãtima wamakinã. Hakia haska wakinã, haska txipu Jesus Cristõ nukũ txakabu nuku buashũshanai ha binumakĩ ha kayabima mawakĩ ha keska wakĩ akubainibuki.

Hebreus 9:9

Ha inũ, hanu Deuski nukuti tari hiwe anushũ hawẽ daewati beshũ inãbu hatu kuashũkĩ keyubiakẽ tsuã xinã pewakĩ keyuama ipaunibuki. Haska wakinã, hawẽ nũ unãtirubu apaunibuki.

1 Pedro 3:22

Hanua Jesus mawa ana besteã nai anu ka hawẽ Epa Deusũ yusiuri tsauwa Deusũ nai tsumabu inũ shanẽ ibu kuxipa dasibibu Deusũ Jesus yununi Jesus shanẽ ibukĩ dasibibu hatu mekekubainikiki.

Apocalipse 8:3

nai tsuma betsã ouro mane kẽtxa tsumatã Deus kẽwãkĩ hawẽ inãkuĩti hanu hanati tapu anu Deus shanẽ ibu haki tsauti besuuri ka nia habũ Deus kẽwaĩbũ hãtxa duapa inĩtibe husishũ hanu kẽwãti tapu anu hau mãtxinũ ni pei inĩti pepa ha abumis itxapa nai tsumã inã