Hebreus 9:12 - Kaxinawá Bíblia (BR)

¹² Cristo ma nuku hikishũtanã, hatũ nuku yuinaka himiwẽ Deus daewashunũ ika ikama iniki. Hakia nukũ txakabuwẽ taea nuku mawashuni besti wai ana mawatimai hawẽ himi habakĩ hau Deusũ nukũ txakabu buashũtã nuku kupiyamashanũ Deus bebũ hikitã nuku daewashuniki, hawẽ hiwepaketi pe nuku washũkinã.

Kashinawa : Diosun Jesúswen taexun yuba bena yiniki

¹² Cristo ma nuku jikixuntanan, jatun nuku yuinaka jimiwen Dios daewaxunun ika ikama iniki. Jakia nukun chakabuwen taea nuku mawaxuni besti wai ana mawatimai jawen jimi jabakin jau Diosun nukun chakabu buaxuntan nuku kupiyamaxanun Dios bebun jikitan nuku daewaxuniki, jawen jiwepaketi pe nuku waxunkinan.

Hebreus 9:12 Referencias Cruzadas

Lucas 1:68

“Ẽ Shanẽ Ibu pepa Israelbũ Deusuũ, mĩ ma minabu merabewakĩ hatu pekakĩ akawai huxiãwẽ taeshũ ẽ mia kẽwaiĩ.

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Efésios 1:7

Haskakẽ Jesus mawakĩ hawẽ himi habaniwẽ taeshũ Deus nuku daewashũkĩ nukũ txakabu ana xinãma buaniki, hawẽ xinã duapa nũ haya tsuã beshtetiruma hawẽ taeshũ nuku mekekinã.

Colosenses 1:14

Cristo mawakĩ Satanásã nuku tsumani hawena wakĩ nuku mebikinãtã nukũ txakabu nuku buashuniki, ana xinãmarã.

1 Tesalonicenses 1:10

Haska bestikiri mã xinãma hakia Deusũ bake Jesus mawa ana bestẽwani nai anua txĩtũkirã ana hushũ nuku mekeaya hakia yurabu txakabumisbu Deusũ hatu kupikĩ hau nuku meama ishanũ, iwanã, unãkĩ uĩshanũ ika mã manakanaii.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Hebreus 1:3

Hawẽ Epã kuxipaya txashakapa hawẽrua keskaritũ dasibi betsa betsapa damiwani hawẽ hãtxa kuxipawẽ mekekubaĩmiski, hau hawa benuyamanũbunã. Ha inũ, hawẽ Epa nuku daewashuni mawakĩ nukũ txakabu buatã hawẽ Epa kuxipahaira dasibi binu keyuatũ yusiuri tsauwa nai anua ma habe shanẽ ibukũkainikiaki.

Hebreus 10:19

Ẽ betsabu inũ ẽ puibuũ, haskawẽ taea Jesus Cristo nuku mawashũkĩ hawẽ himi habawaniwẽ taearã, natiã hawa dateama Deusbe hãtxanũ ika hawẽ dĩtu meribi anu hikiai keskatã nũ haki ma kematirubuki.

Hebreus 10:4

Hakia yuinaka mawa himiwẽ hatũ xinã txakabu pewakĩ hatu buashũtirubumaki.

Hebreus 13:12

Habiaskari wakĩ hawẽ himiwẽ hawenabũ txakabu Deus buamashũkĩ nuku meribi pepawanũ ika mae pekatxu anuari Jesus nuku tenãshunaburi nuku mawashuniki.

Hebreus 5:9

Haskai pepakũkaini hawẽ besti hiwekuĩa bi nũ hawẽ pashatirubu nuku ishuĩ ha besti bai ikibi iniki, nũ habũ ikũwãkĩ txibãshanaibu nuku ishuĩnã.

Hebreus 7:27

Ha nukunabu Deusbe nuku hãtxashunikabu binuabunã, shaba tibi yuinaka betsa tenãtã hatu kuakĩ menu keyushũmisbuki, ha dukũ hatũ txakabu dukũ buatã ha katxu hatunabũ txakaburi buashũkinã. Hamẽ Jesusrã, hatu keskamaki. Hatũ nukũ txakabu Deus buamai hawẽ hiwea yauxiama cruz anua besti wai hawẽ hiweawẽ nuku mawashũkĩ ana mawatimai ibubis Deus nuku daewashuniki.

Hebreus 9:13

Txanima Deusbe nukunabu hãtxashunika dayakĩ ina awa bene inũ txashuwã himi baxa baxa akĩ inũ ina awa bake yushã menua hawẽ mapu ũpashki mutsashũ ha mapu pae watã hatuki baxa baxa ariakĩ tsuabũra txakabu waxina hawẽ txakabu tushkuakĩ ana hawenabubetã tari inũ bitxi hiwe inũ txipu Templo anushũ ana Deus kẽwãtiru wakĩ hatu pewakubaĩkanikiki, bemakis besti wakinã.

Hebreus 9:14

Haska wapaunibu pebia haska binumakĩ Cristõ hawẽ himi habanirã, kuxipa paehairaki. Haskakẽ Deusũ Yushĩ niti ismatũ merabewaya inãkuĩti hawa txakabu hayama keskakĩ Jesus Cristo ma ana bestẽkĩ Deus nuku daewashuniki. Mawai hawẽ himi habaniwẽ taea natiã nukũ xinã txakabũ nuku kanemakĩ hawẽ nuku tenãmis nuku buashũtã nukũ kupiti bitã hiwekuĩa nuku inãkĩ pewaniki, Hamebi Hiwemis Deus besti duawai ha dayashuni nũ hiweshũkubaĩshanũbunã.

Hebreus 9:15

Tsuabura Deusũ hatu katunibu habũ hiwekuĩa ikibi ika bishanaibu Deusũ hatu yubani haska Jesus Cristõ pewanũ ika dasibibu mawashũtã unuri Deuski inũ yurabuki hãtxashunikai dasitã, haskatã Deusũ yuba bena pewakĩ hawẽ taeshũ nukũ txakabu nuku buashuniki, ha dukũ yubani hãtxa txibãma nũ kanei nũ txakabukubaĩmisbu nuku pewairã.

Hebreus 9:19

Haska inũ, Deusũ yunuti hãtxa tibi inũ hawẽ nemati hãtxa tibi Moisés hawenabu dasibi yusĩshũ hatu keneshũtã, txipu txashuwã dani taxipa wa ni peiyabi tsumashũ ina awa bake himi inũ ũpash neshua pukutãtãkĩ Deusũ hãtxa una baxatã hawenabu baxa baxa akĩ

Hebreus 9:28

Ha inũ, Cristo haska keskariai hawẽ hiweawẽ besti wai mawariakĩ Deus nuku inãshũkĩ nũ habũ ikũwãshanaibũ itxapabũ txakabu nuku buashuniki. Txipu ana ha katxu Cristo huirã, ana txakabu pewatanũ ika huama hakia nũ habũ manaka bestiabu nuku pasha watã mekẽnũ ika ana hushanikiki.

Hebreus 9:7

Hakia ha katxu meribihaira dĩtu anu ano tibi shaba bestitxaitiã bestiwai Deusbe nukunabu hãtxashunika shanẽ ibu binua besti hikikĩ ibubis kaneriamiswẽ taeshũ yuinaka himi bushũ hawẽ nuiti bau beputiki himi baxa baxa akĩ Deus daewayupaunibukiaki, hawẽ txakabu inũ hawenabũ txakabu Deus hakimawakĩ hau ana hatukiri haska xinãyamakubainunã.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Apocalipse 5:9

dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ