Hebreus 8:6 - Kaxinawá Bíblia (BR)

⁶ Hakia Cristo nuku hãtxashunika kayabirã, ha hawẽ Epabe nuku hãtxashũkĩ nukukiriri xinaĩ nukuwẽ dabanã Deus hakiri yuba bena pehaira ana tsuã betsa watima waniki, hawẽ taeshũ hawa kanetima txanima yuba mestẽwãkinã.

Kashinawa : Diosun Jesúswen taexun yuba bena yiniki

⁶ Jakia Cristo nuku janchaxunika kayabidan, ja jawen Epabe nuku janchaxunkin nukukididi shinain nukuwen dabanan Dios jakidi yuba bena pejaida ana tsuan betsa watima waniki, jawen taexun jawa kanetima chanima yuba mestenwankinan.

Hebreus 8:6 Referencias Cruzadas

Lucas 22:20

bitã tureshũ pikubaunaibũ habiaskari wakĩ kẽtxa vinho mata tsumashũ yuikĩ: —Yura itxapabu matu merabewai mawakĩ ẽ himi ẽ matu habashũshanaii. Na vinho ẽ himi keskaki. Hawẽ yubaka bena xinãmatiki. Ea xinãbetanã, mã ashanai ikis akĩ taewabaũkãwẽ— iwanã,

Romanos 9:4

Enabu Israelburã, nukũ shenipabu anua Deusũ ana hatu ibu wakĩ hawẽ bakebu keska watã hatube hiwekĩ hawẽ kuxipa hatu uĩmai hawẽruai hatu bebunua txashahairakũkainikiaki. Hatu haska wakĩ Deusũ hawẽ yunuti inũ hawẽ nemati Moisés yusĩmakĩ hau itxashũ Deus kẽ kayabi wakubainũbũ hatu yusĩkĩ Messiaskiri hatu yubani haska manakakĩ hau txibãkubainũbũ betsa betsapakiri hatube Deus yubakakũkainikiaki.

Efésios 2:12

Uatiã matu hiwearã, Cristouma inũ, Israelbube danãnanaĩ inũ, hawa Deusũ hatu yubakĩ matu yubama iniki. Haska mã hiwea iyuniki, xinãkãwẽ. Haskawẽ taea Deus unãma inũ hawa manakati pepa hayama na mai anu mã hiwepauniki.

1 Timóteo 2:5

Haskawẽ taea eska Deus hawẽ xinã hayaki. Deusrã, bestitxaiki. Hanua nuku itsa habe hãtxashũmisrã, bestitxairiki, ha Jesus Cristorã, Deus nuku daewashuni hãtxashũmisrã.

Tito 1:2

Deus txani txakaismatũ mai damiwariama hawẽ hãtxawẽ hiweakiri yubakani hatũ hiwea ikibi ika tsumatũ hawa betsa wama ishanai nũ manaii.

Hebreus 12:24

Ha dikabi Jesusũ hawẽ yuba bena nuku washũkinã, mawai hawẽ himi habakĩ Abelĩ himi binuniki, hawẽ taeshũ Deusũ nukũ txakabu nuku buashũti wakinã. Hamẽ Abelĩ himirã, hawẽ taea Deus sinatai hawẽ yupukunaniki, tsuã txakabu buatimarã.

Hebreus 7:22

Ha dukũ nuku yubani keskama Jesuswẽ hawẽ yubaka bena binumakĩ pepahaira waniki.

2 Pedro 1:4

Na haska tibi nuku amairã, haska bebũkiri Deus ibubis hãtxai hawẽ kuxipahairawẽ yubakani txanima betsa waisma haska ikũwãkĩ mã xinã betsa watã mã ma Deusũ beya ibu wawẽ taea na mai anushũ txakabu kemu paewẽ ikaibu hatu binui mã ma Deusunabu pashatirubuki.